2 Samuel 24:12 - Mbeti ti Nzapa - Tënë so amu fini

¹² “Gue mo tene na David, mo tene: ‘Tënë so KOTA GBIA atene ayeke so: Mbi zia na dawa ti mo aye ota; soro oko na popo ni, fade mbi yeke sara ni na mo.’ ”

2 Samuel 24:12 ပူးပေါင်းရင်းမြစ်များ

2 Samuel 12:14

Me ye oko, mo bi buba na tere ti KOTA GBIA, nilaa molenge so a du lo na mo so ayeke kui.”

2 Samuel 24:11

Na ndaperere, so David alondo, andaa tënë ti KOTA GBIA asi na wayanga-Nzapa Gad awe, zo ti bango nda ti aye na David; tënë ni atene:

2 Samuel 24:13

Gad ague, awara David si atene na lo peko ti tënë ti KOTA GBIA, lo tene: “Mo ye titene nyen laa asi na mo, nyen? Ngu mbarambara so kota nzara ati na ya ti kodro ti mo? Wala nze ota so mo kpe na dawa ti awato ti mo si ala tumba peko ti mo? Wala lango ota so sioni kobela ti bubango kodro ati na ya ti kodro ti mo? Gbu li ti mo, mo tene na mbi ye so mbi lingbi ti tene na lo so atokua mbi so.”

1 Mbai 27:24

Yoab, so iri ti mama ti lo ayeke Seruya ato nda ti diko wungo ti azo ni lani awe; me lo hunzi dikongo ala pepe, ngbanga ti so ngonzo ti Nzapa alondo na ndö ti azo ti Israel. Ndani laa a fa wungo ti azo ni pepe na ya ti “Mbeti ti aye so gbia David asara.”

Amato 3:12

Biani, zo so KOTA GBIA aye lo, lo yeke suku na lo tongana ti so babâ ayeke suku na molenge ti lo so lo ye lo mingi.

Jérémie 30:11

So tënë ti yanga ti KOTA GBIA laa: Mbi yeke na mo ti soo mo. Amara so kue mbi kangbi mo lani na popo ti ala, mbi yeke fâ ala kue ti hunzi ala; me ti mo, mbi yeke hunzi mara ti mo pepe. Biani, mbi pika mo, me na legeni; mbi lingbi fade ti zia mo senge tongaso pepe!”

Awayango-sandaga 26:41

Tongaso, ala yeke hinga atene, mbi nga, mbi sara ngangu li na ala si mbi tokua ala na kodro ti awato ti ala. Mbeni lâ, tongana ala fâ be ti ala na *ganza si ala sara tere ti ala kete, ala yeda titene mbi pika ala ndali ti sioni ti ala,

Awayango-sandaga 26:43

Tongaso, na ngoi so kue, azo ni ayeke zia sese ti ala, sese ni ayeke wu tere ti lo. Na ndembe so sese ni ayeke ga ngonda, ala yeke yeda titene a pika ala, ngbanga ti so ala ke ti sara ye alingbi na andia ti mbi, ala ke lege ti asarango ye so mbi fa na ala.

Aye so Nzapa afa 3:19

Azo so kue mbi ye ala, mbi yeke pika ala si mbi yeke kiri ala na nzoni lege. Zia be ti mo kue na sarango kua, zia sioni lege ti sarango ye ti mo!