2 Samuel 23:6 - Mbeti ti Nzapa - Tënë so amu fini

⁶ Me azo so kue ayeke sara mbirimbiri ye pepe, ala yeke tongana amaboko ti keke ti ki so a bi ni. Zo ti gbu ni na maboko senge ayeke daa pepe.

2 Samuel 23:6 ပူးပေါင်းရင်းမြစ်များ

Tongo nda ti aye 3:18

Sese ni ayeke sara titene aki na akeke ti ki asigigi ndali ti mo. Fade mo yeke te aye so ayeke sigigi na ya ti yaka.

2 Samuel 20:1

Mbeni zo ti bingo kpale ayeke lani kâ, iri ti lo ayeke Sheba, molenge ti Bikri, zo ti mara ti Benjamin. Sheba ahuru tatalita, atene: “Nyen laa abongbi e na David, nyen? Mbeni ye abongbi e na molenge ti Yese? Azo ti Israel, ayeke nzoni zo oko oko akiri na da ti lo.”

B. ti abia 2:2

Tongana pendere kongo na popo ti akamba ti ki, wali so mbi ye lo so ayeke tongaso na popo ti amaseka-wali.

Ésaïe 27:4

Mbi ngba ti sara ngonzo na tere ti yaka ni pepe. Me tongana mbi wara aki na akamba ti ki na ni, mbi yeke ti na ndö ti ala ti bi wâ daa.

Ésaïe 33:12

Wâ ayeke gbi amara nde si ala yeke ga gi mburu ti wâ. Wâ ayeke gbi ala tongana aki so a fâ ni si a tuku na le ti wâ.

Ezekiel 2:6

“Ti mo, molenge ti zo, sara mbeto ti ala pepe, sara mbeto ti tënë ti yanga ti ala pepe. Azo ni ayeke dekite na mo mingi; ye ni ayeke duti, mo baa mo tene, mo yeke na popo ti aki wala mo duti na ndö ti akparakongo. Me mo sara mbeto ti tënë ti yanga ti ala pepe, tere ti mo ado na le ti ala pepe. Biani, ala yeke azo ti mara ti ngangu li.

Mishe 7:4

Zo ti nzoni na popo ti ala ayeke tongana aki; zo ti mbirimbiri na popo ti ala ayeke sioni ahon gba ti akeke ti ki. Lango ti fango ngbanga na ndö ti ala alingbi awe, lango so asanziri ti ala, awayanga-Nzapa, atene tënë ni kozoni awe so. Fadeso be ti ala afun kue awe.

Nahum 1:10

Awato ti ala ni ayeke tongana gba ti akeke ti ki so ali ya ti tere kirikiri; awato ni anyon samba ahon ndö ti ala awe. Fade ala yeke gbi kue tongana holengo pere.

Matthieu 13:41

fade Molenge ti Zo ayeke tokua a-ange ti lo, ala yeke mu azo so ayeke sara si amba ti ala ayeke ti na ya ti siokpari nga na azo so ayeke sara aye ti sioni, ti sigigi na ala na ya ti *Kodro-gbia ti yayu,

Ndia ti fani use ni 13:13

Mbeni ye tongaso alingbi nga ti si: mbeni lâ, ala azo ti Israel, ala ma a tene, na ya ti mbeni gbata oko so KOTA GBIA Nzapa ti ala amu na ala titene ala duti daa,

1 Samuel 2:12

Amolenge ti Heli ayeke asioni zo mingi. Ala yeke kpe mbeto ti *KOTA GBIA pepe.

1 Samuel 25:17

Fadeso, gbu li ti mo nzoni na ndö ti ye so mo lingbi ti sara, ngbanga ti sioni ye ayeke ti na ndö ti wa ti e nga na asewa ti lo kue. Wa ti e ayeke mbeni buba zo, zo alingbi ti tene tënë na lo pepe.”