2 Samuel 23:4 - Mbeti ti Nzapa - Tënë so amu fini

⁴ lo yeke tongana lumiere ti ndaperere na le ti nduzu so mbinda ayeke daa pepe; lo yeke tongana lâ so ayeke sara titene pere asigigi na peko ti so ngu-Nzapa apika.”

2 Samuel 23:4 ပူးပေါင်းရင်းမြစ်များ

Abia (Psaumes) 110:3

Na lango so mo bongbi aturugu ti mo ti gue na bira, azo ti mo, na be ti ala wani, amu peko ti mo. Na ndö ti ahoto so ayeke nde si ayeke nzoni kue, amaseka ayeke ga na mbage ti mo; ala kpa ngu ti pere ti kota ndaperere.

Abia (Psaumes) 72:6

Ayeke nzoni gbia ni aga tongana ngu-Nzapa so ayeke pika na ndö ti pere so a fâ li ni awe; lo ga tongana ngu-Nzapa so atuku na ndö ti sese ngbii si awoko!

Abia (Psaumes) 89:36

Mbi deba yanga ti mbi fani oko awe, mbi tene: na iri ti mbi so ayeke nde si ayeke nzoni kue, fade mbi yeke handa David oko pepe!

Amato 4:18

Lege ti dutingo ti azo ti mbirimbiri ayeke tongana lumiere ti ndaperere, lo yeke su ngbii lo su ngangu ngangu na bekombite.

Ésaïe 18:4

Biani, tënë so *KOTA GBIA atene na mbi ayeke so: “Kâ na nduzu, na ndo so mbi yeke duti daa, mbi duti kpoo, mbi yeke baa ndo tongana ti so ndo amu wâ mingi na kota lâ, tongana ti so mbinda ti ngu ayeke na ndö ti pere na ngoi ti fango ale ti kobe.”

Ésaïe 4:2

Na lango ni so, fade *KOTA GBIA ayeke sara titene mbeni kete keke asigigi pendere si aga ye ti gonda. Ye so kodro ni ayeke le ayeke ga ye ti nengo ndali ti azo ti Israel so angba na fini nga na ye ti mungo gonda na ala.

Ésaïe 60:1

Jérusalem, londo! Mo za tongana lumiere, ngbanga ti so lumiere ti mo ayeke ga, gonda ti *KOTA GBIA ayeke za na ndö ti mo.

Ésaïe 60:3

Tongaso azo ti amara nde ayeke gue na mbage ti lumiere ti mo si agbia ayeke gue nga na mbage ti mo ndali ti vurungo ndo ti mo so ato nda ni.

Osée 6:3

Tongaso, e sara ngangu ti hinga KOTA GBIA. Nyen na nyen kue, lo yeke ga tongana lâ so ayeke sigigi ka na ndaperere; fade lo yeke ga na mbage ti e tongana ngu-Nzapa, tongana tanga ti ngu-Nzapa so ayeke tuku na ndö ti sese.”

Osée 6:5

Ndani laa mbi pika ala na lege ti awayanga-Nzapa, mbi fâ ala na lege ti tënë ti yanga ti mbi. Fango ngbanga ti mbi ayeke sigigi polele tongana lumiere.

Mishe 5:7

Azo ti Israel so ayeke ngba na fini na popo ti amara gbani gbani, ayeke ga tongana bamara na popo ti anyama ti ngonda, tongana kete bamara na popo ti ataba. Na hongo ti lo na popo ti ala, lo yeke do ala na gere ti lo si lo yeke suru ya ti ala; zo oko alingbi ti zi ala na maboko ti lo pepe.

Jean 1:7

Lo ga ti fa peko ti ye so lo hinga na ndö ti lumiere, tongaso si azo kue ama na be na lege ti lo.

Ndia ti fani use ni 32:2

Ayeke nzoni atënë so mbi yeke fa asua tongana ngu-Nzapa, ayeke nzoni atënë ti mbi ni atuku tongana ngu ti pere na ndö ti pere.

Awafango-ngbanga 5:31

KOTA GBIA, ayeke nzoni awato ti mo kue akui tongana ti so Sisra akui. Ayeke nzoni ala so aye mo aga tongana lâ so ato nda ti su na ngangu!” Tongaso siriri akiri na ya ti kodro ni na ya ti ngu baleosio.