2 Samuel 23:21 - Mbeti ti Nzapa - Tënë so amu fini

²¹ Lo laa lo fâ mbeni zo ti Ezipte so ayo mara ni use ape; likongo ayeke na maboko ti zo ti Ezipte ni. Benaya amu keke si lo gue na tere ti zo ti Ezipte ni, lo gboto likongo ti koli so na maboko ti lo si lo fâ lo na ni.

2 Samuel 23:21 ပူးပေါင်းရင်းမြစ်များ

2 Samuel 23:20

Benaya, molenge ti Yoyada ayeke mbeni kpengba turugu; lo yeke zo ti kodro ti Kabseel, lo sara akota ye mingi. Lo laa lo fâ azo ti mara ti Moab use so iri ti ala Ariel; lo laa na ngoi ti *neze, lo zu na ya ti du ti ngu si lo fâ mbeni bamara.

2 Samuel 23:22

Baa ye so Benaya, molenge ti Yoyada asara si iri ti lo awu na popo ti akpengba turugu ota so laa.

1 Mbai 11:23

Lo laa lo fâ mbeni zo ti Ezipte so ayo metere use na ndambo. Likongo ti zo ti Ezipte ni akono tongana keke ti masini ti wasarango-bongo. Benaya amu keke si lo gue na tere ti zo ti Ezipte ni, lo gboto likongo ti koli so na maboko ti lo si lo fâ lo na ni.

Kolose 2:15

Nzapa azi ngangu ti ayingo so ayeke na komandema; lo mu ala, lo fa ala polele na le ti azo, lo gboto ala tongana azo ti kanga na ya ti molongo ti azo so atambula na peko ti Molenge ti lo so aso benda awe.

1 Samuel 17:51

David akpe loro aluti na tere ti zo ti Filistii ni, lo gboto yongoro zeme ti zo ti Filistii ni na ya ti bozo ni, lo de go ti lo. So azo ti Filistii abaa so kpengba zo ti bira ti ala akui awe, ala kpe.