2 Samuel 23:10 - Mbeti ti Nzapa - Tënë so amu fini

¹⁰ Me Elazar alondo si lo fâ azo ti Filistii ngbii maboko ti lo awoko si angba gi na tere ti yongoro zeme ti lo. Na lango ni so, *KOTA GBIA asara si azo ti Israel aso benda. Aturugu ni akiri na tere ti Elazar gi ti ro aye ti azo so akui so.

2 Samuel 23:10 ပူးပေါင်းရင်းမြစ်များ

2 Samuel 23:12

Me Shama aluti ti lo na ya ti yaka ni, lo mu ni si lo fâ azo ti Filistii. KOTA GBIA asara si azo ti Israel aso benda.

2 Agbia 5:1

Naaman ayeke makonzi ti aturugu ti gbia ti Sirii. Kota zo ti lo aye tënë ti lo mingi si ayeke gonda lo, ngbanga ti so na lege ti lo, Nzapa asara si azo ti Sirii aso benda na ndö ti awato ti ala. Me koli so, ngangu zo ti tiringo bira so, lo yeke zo ti buruma.

1 Mbai 11:13

Lo yeke lani na tere ti David na Pas-Damim na ndembe so azo ti Filistii abongbi tere ti ala ti tiri bira. Aturugu ti Israel akpe na dawa ti azo ti Filistii. Kâ, mbeni yaka ti *orze ayeke daa;

Abia (Psaumes) 108:13

Mu na e maboko, zi e na maboko ti awato ti e, ngbanga ti so maboko so zo ayeke mu na mba ti lo ayeke ye oko pepe.

Abia (Psaumes) 144:10

Mo laa mo sara si agbia aso benda; mo laa mo zi David, zo ti kua ti mo, na yanga ti sioni yongoro zeme.

Abia (Psaumes) 68:12

Kota Gbia amu yanga si gba ti awali ahon na nzoni sango so:

Ésaïe 53:12

Ndani laa mbi mu na lo ndo na popo ti akota zo; ye so a gbu na peko ti bira, lo na azo ti ngangu laa ayeke kangbi ni. Biani, lo wani, lo ka tere ti lo na kuâ, a diko lo na popo ti azo ti sioni, ngbanga ti so lo yo siokpari ti gba ti azo, lo gbu koko ti azo ti sioni.

Rome 15:18

Biani, mbi lingbi ti tene mbeni tënë nde pepe, gi tënë ti ye so Christ asara na lege ti mbi ti sara si azo ti amara nde ama yanga ti Nzapa. Lo sara ye ni na lege ti fango tënë nga na lege ti sarango ye ti mbi,

2 Korente 4:5

Biani, tënë so e yeke fa, e yeke fa ni na ndö ti e wani pepe, me na ndö ti Jésus Christ, lo so lo yeke *Kota Gbia. Ti e, e yeke fa na ala so, e yeke azo ti kua ti ala ndali ti Jésus.

Josué 10:10

KOTA GBIA asara si azo ti mara ti Amori akpe kirikiri na dawa ti azo ti Israel; azo ti Israel afâ ala gbani gbani na gbata ti Gabaon. Ala tumba peko ti ala na lege so ague na nduzu, na Bet-Horon si ala fâ ala ngbii asi na Azeka nga na Makeda.

Josué 10:42

Josué amu asese ni so nga na agbia ni gi na ya ti bira oko, ngbanga ti so KOTA GBIA, Nzapa ti Israel atiri bira ni ndali ti azo ti Israel.

Josué 11:8

KOTA GBIA azia ala na maboko ti azo ti Israel si azo ti Israel ahon ndö ti ala. Ala tumba peko ti ala na Banga ngbii asi na Sidon, kota gbata; ala tumba peko ti ala ngbii asi na Misrefot-Maim, ngbii asi na popo-hoto ti Mispe, na To. Ala fâ ala kue, ala zia zo oko angba na fini pepe.

Awafango-ngbanga 15:14

So Samson asi na Lehi awe, azo ti Filistii amu loro ti ga na tere ti lo na dekongo na ngia. Tongaso, yingo ti *KOTA GBIA aga na ndö ti Samson: akamba so a kanga na maboko ti lo so aga tongana kamba ti *len so wâ agbi ni si ati.

Awafango-ngbanga 15:18

Nzara ti ngu ahon ndö ti lo; tongaso lo toto na KOTA GBIA, lo tene: “Mo laa mo sara si mbi, zo ti kua ti mo, mbi so benda na ndö ti azo so. Fade mo yeke zia mbi titene mbi kui nzara ti ngu, titene mbi ti na maboko ti azo so asara na Nzapa pepe so?”

1 Samuel 11:13

Me Saul atene: “Laso, a yeke fâ zo oko pepe, ngbanga ti so KOTA GBIA asoo azo ti Israel na kuâ awe.”

1 Samuel 14:23

Na lango ni so, KOTA GBIA asara si azo ti Israel aso benda. Bira ni ague ngbii asi na peko ti Bet-Aven kâ.

1 Samuel 14:6

Jonatan atene na zo so ayeke yo aye ti bira ti lo, atene: “Ga, e gue na ndo so aturugu ti Filistii so ahinga Nzapa pepe so ayeke daa. E hinga pepe, KOTA GBIA ayeke sara nzoni ye ndali ti e. Ataa e yeke mingi wala e yeke mingi pepe, mbeni ye ayeke daa pepe ti kanga lege na KOTA GBIA ti sara si e so benda.”

1 Samuel 17:53

Na pekoni, azo ti Israel azia lege ti tumbango peko ti azo ti Filistii, ala kiri na ya ti bâbâ ti azo ti Filistii ni, ala ro akungba ti ala.

1 Samuel 19:5

Lo ka yingo ti fâ Goliat, zo ti Filistii. Na lango ni so, *KOTA GBIA asara si azo ti Israel kue aso benda. Mo baa ye ni na le ti mo si tere ti mo anzere ndali ni. Mo ye ti tuku mene ti mbeni zo so asara sioni pepe ngbanga ti nyen? Mo ye ti fâ David senge senge ngbanga ti nyen?”