2 Samuel 23:1 - Mbeti ti Nzapa - Tënë so amu fini

¹ Tanga ti atënë ti David ayeke so: Tënë ti David, molenge ti Yese, tënë ti zo so Nzapa ayo lo na nduzu; tënë ti gbia so Nzapa ti Jacob atuku mafuta na li ti lo, lo so azo ti Israel ahe bia mingi na iri ti lo.

2 Samuel 23:1 ပူးပေါင်းရင်းမြစ်များ

Tongo nda ti aye 49:1

Jacob airi amolenge ti lo ti koli si lo tene na ala: “Ala bongbi tere ti ala titene mbi fa na ala ye so ayeke si na ala gbanda.

2 Samuel 22:34

Lo sara si gere ti mbi aga tongana ti tagba; lo sara si mbi luti mbirimbiri na ndö ti ahoto.

2 Samuel 22:51

KOTA GBIA asara akota ye mingi ndali ti gbia so lo soro lo, lo sara nzoni be na zo so lo tuku mafuta na li ti lo: lo sara ni ndali ti David na *ahale ti lo kpu na kpu.

1 Mbai 16:7

Gi na lango ni so laa David amu Asaf, lo na a-ita ti lo, ti kozoni titene ala gonda KOTA GBIA na bia.

1 Mbai 16:9

Ala he bia na lo, ala pika mozoko na lo; ala tene tënë ti aye ti kpene so kue lo sara!

Abia (Psaumes) 2:6

si lo tene: “Mbi wani laa mbi zia gbia ti mbi na ndö ti hoto ti *Sion, hoto ti mbi so ayeke nde si ayeke nzoni kue.”

Abia (Psaumes) 72:20

Sambela ti David, molenge ti Yese ahunzi na ndo so.

Abia (Psaumes) 89:20

Mbeni lâ, na ya ti mbeni ye tongana bango-li, mo tene tënë na azo ti mo so angba na lege ti mo, mo tene: “Mbi mu maboko na mbeni kpengba koli oko na popo ti azo ti mbi, mbi zia mbeni maseka-koli na li ti azo ti mbi.

Abia (Psaumes) 89:21

Mbi wara David, zo ti kua ti mbi, mbi tuku mafuta ti mbi na li ti lo ti zia lo gbia; mafuta so ayeke nde si ayeke nzoni kue.

Amos 6:5

Ala yeke pika kundi kirikiri ti he na bia. Titene ala sara ye tongana David, ala yeke sigigi na afini ye ti mozoko.

Nzoni Tënë so Luc asu na mbeti 20:42

David wani asu na ya ti mbeti ti Abia, atene: ‘*Kota Gbia Nzapa atene na Kota Gbia ti mbi, atene: Mo duti na mbage ti maboko ti mbi ti koli

Nzoni Tënë so Luc asu na mbeti 24:44

Na pekoni, lo tene na ala: “Na ndembe so mbi de na popo ti ala, mbi tene na ala, mbi tene: ayeke nzoni atënë so kue a su na ndö ti mbi na ya ti mbeti ti *Ndia ti Moïse, ti awayanga-Nzapa na ti Abia, aye ni asi alingbi na ni.”

Ndia ti fani use ni 33:1

So ayeke tufa so Moïse, zo ti Nzapa, asara na ndö ti azo ti Israel kozo titene lo kui laa.

Kolose 3:16

Ayeke nzoni tënë ti Christ so anzoni ye asi singo daa aduti na ya ti fini ti ala. Ala fa ye si ala mu wango na amba ti ala na popo ti ala na lege ti ndara kue. Ala he abia na Nzapa na be ti ala kue ti mu singila na lo, ala he abia ti Mbeti ti Nzapa, abia ti vorongo Nzapa na abia so Yingo ayeke mu na ala.

Jacques 5:13

Mbeni zo na popo ti ala ayeke baa pasi? Alingbi lo sambela Nzapa. Mbeni zo ayeke na ngia? Alingbi lo he bia ti gonda Nzapa.

1 Samuel 17:12

David ayeke molenge ti Yese, zo ti kete mara ti Efrata; Yese ayeke lango na Betlehem, na sese ti Juda. Lo yeke na amolenge-koli miombe. Na ndembe so Saul ayeke gbia, lo ga mbakoro ahon ndoni.

1 Samuel 18:7

Awali ni abongbi yanga oko, ala yeke na ngia si ala yeke he bia, atene: “Saul afâ azo saki saki, David afâ ti lo azo saki baleoko, saki baleoko.”

1 Samuel 2:10

Azo so alondo ti tiri na KOTA GBIA, fade lo yeke kungbi ya ti ala. Na nduzu kâ, lo yeke tokua bekpa ti sungba na ndö ti ala. Fade KOTA GBIA ayeke fâ ngbanga ti azo ti sese kue. Lo yeke mu ngangu na zo so lo zia lo gbia; zo so KOTA GBIA asoro lo ti ga gbia, fade lo sara si lo wara ngangu mingi.”