2 Samuel 22:44 - Mbeti ti Nzapa - Tënë so amu fini

⁴⁴ Azo ti kodro ti mbi so atomboka na tere ti mbi so mo yeke zi mbi na maboko ti ala; mo zia mbi na ndö ti amara nde. Azo ti mara so mbi hinga ala pepe aga azo ti gbe ti mbi.

2 Samuel 22:44 ပူးပေါင်းရင်းမြစ်များ

2 Samuel 19:14

Fade ala yeke tene nga na Amasa: ‘Mo yeke taa ita ti mbi pepe? Tongana mbi zia mo makonzi na li ti aturugu biani biani na plase ti Yoab pepe, ayeke nzoni Nzapa asara ye ti ngangu mingi na mbi!’ ”

2 Samuel 19:9

Nilaa gbia ague, aduti na yanga ti gbata ni. A gue, atene tënë ni na aturugu; ala kue ague, abongbi tere ti ala na dawa ti gbia. Aturugu ti Absalom akpe si zo oko oko akiri na da ti lo.

2 Samuel 20:22

Wali ni ague, atene tënë ni na azo ti gbata ni na lege ti ndara. Nilaa ala fâ li ti Sheba, molenge ti Bikri si ala bi ni na Yoab. Yoab ahuru tatalita si aturugu ti lo alondo na gbata ni akiri na ndo ti ala. Yoab nga akiri na Jérusalem na tere ti gbia.

2 Samuel 3:1

Bira ni aninga mingi na popo ti azo ti Saul na ti azo ti David. Ngangu ti David ayeke gue guengo na nduzu, me ngangu ti azo ti Saul ayeke woko wokongo.

2 Samuel 5:1

Amara kue ti Israel aga na mbage ti David na Hebron si ala tene na lo: “E azo ti mara ti mo laa, e asewa ti mo laa.

Abia (Psaumes) 110:6

Lo fâ ngbanga na li ti amara kue; akuâ ayeke gi na ndoni na ndoni; na ndö ti sese kue, lo nika azo ti li ni.

Abia (Psaumes) 18:43

Mbi nika ala si ala ga tongana fuku ti sese so pupu amu ahon na ni; mbi tuku ala na ngonda tongana zende ti ndö ti lege.

Abia (Psaumes) 2:8

Hunda mbi, fade mbi yeke mu na mo amara kue; mbi yeke mu ala na mo si ala ga ti mo. Akodro ti dunia kue ayeke ga ti mo.

Ésaïe 55:4

Mbi zia lo na tere ti amara tongana zo so ahinga ngangu ti mbi; mbi zia lo makonzi nga na zo so ayeke na komandema na ndö ti amara.

Ésaïe 55:5

Mo Israel, fade mo yeke iri mara so mo hinga ni pepe; mara so ahinga mo pepe ayeke mu loro ti ga na mbage ti mo. Lo yeke ga ndali ti mbi KOTA GBIA, Nzapa ti mo, Nzapa ti Israel so ayeke nde si ayeke nzoni kue, lo so lo sara si mo wara gonda.”

Ésaïe 60:12

Biani, amara nde na akodro-gbia so ayeke ke ti sara kua na mo, ala yeke ngba pepe. A yeke hunzi azo ni kue kue kue.

Ésaïe 65:1

*KOTA GBIA atene: “Azo so ahunda ye na mbi pepe, mbi zia lege na ala ti hunda mbi. Azo so agi mbi pepe, mbi zia lege na ala ti wara mbi; mbi tene: ‘Mbi laa, mbi laa!’ Me mbi tene tënë ni na mara so adi iri ti mbi pepe.

Daniel 7:14

A mu na lo ngangu ti sara komandema, a mu na lo gonda si a mu lo gbia. Tongaso amara nde nde na azo ti ayanga ti kodro nde nde kue asara kua na lo. Ngangu ti lo ti sara komandema angba lakue lakue, fade ayeke hunzi pepe. Mbeni ye ti buba lengo-gbia ti lo ayeke daa laoko pepe.

Osée 2:23

Na lango ni so, fade mbi yeke sara ye so a hunda na mbi, so tënë ti yanga ti KOTA GBIA laa. Fade mbi yeke sara ye so le ti nduzu ayeke ku na mbage ti mbi si le ti nduzu ayeke sara ye so sese ayeke ku na mbage ti lo.

Rome 15:12

Ésaïe nga atene: “Fade mbeni *hale ti Yese ayeke ga, lo yeke londo ande ti duti gbia na ndö ti amara nde; lo laa ala yeke zia be ti ala ti ku lo.”

Rome 9:25

Tënë so Nzapa atene na ya ti Mbeti ti Osée laa, lo tene: “Azo so ayeke ando azo ti mbi pepe, fade mbi yeke iri ala azo ti mbi; mara so mbi ye ni ando pepe, fade mbi yeke iri ni mara so mbi ye mingi.

Ndia ti fani use ni 28:13

Titene KOTA GBIA asara ande si ala ga mara so ayeke na li ti amara kue si ala duti na ndangba ni pepe, titene ala duti lakue na ndö ti ambeni mara nde si ala duti laoko na gbeni pepe, ye so ala lingbi ti sara ayeke so: fade ala yeke ma atënë ti ndia ti KOTA GBIA Nzapa ti ala so mbi mu yanga daa na ala laso, ala yeke bata ni si ala yeke sara ye alingbi na ni;

Aye so Nzapa afa 11:15

Mbarambara *ange ni ahuru tatalita ti lo. Mbi ma akota go so alondo na yayu, atene: “Fadeso lengo-gbia ayeke ti *Kota Gbia ti e, lo na *Mesii ti lo; fade lo yeke le-gbia kpu na kpu!”