2 Samuel 22:43 - Mbeti ti Nzapa - Tënë so amu fini

⁴³ Mbi nika ala tongana fuku ti sese; mbi do ala na gbe ti gere ti mbi tongana ti so zo ayeke do potopoto ti ndö ti lege.

2 Samuel 22:43 ပူးပေါင်းရင်းမြစ်များ

2 Samuel 7:9

Na ndo so kue mo gue daa, mbi yeke fade na mo, mbi fâ awato ti mo kue na dawa ti mo. Fade mbi yeke sara titene iri ti mo awu tongana ti akota zo ti sese so.

2 Agbia 13:7

Na ndani, aturugu so angba na Yoakaz ayeke gi azo ti kpengo na mbarata baleoku, apusu ti mbarata baleoko na aturugu so ayeke tambula na gere saki baleoko. Biani, gbia ti Sirii afâ ambeni turugu ni mingi. Lo sara ala tongana fuku ti sese so zo ayeke do na gbe ti gere.

Abia (Psaumes) 18:42

Ala yeke dekongo, me zo oko ti soo ala ayeke daa pepe; ala yeke dekongo na KOTA GBIA, me lo yeke kiri tënë na ala pepe.

Abia (Psaumes) 35:5

Na ndembe so *ange ti KOTA GBIA ayeke tumba ala, ayeke nzoni ala ga tongana poro ti le ti kobe so pupu amu ahon na ni.

Ésaïe 10:6

Mbi tokua lo na tere ti amara so ake mbi, mbi tokua lo ti gue hio na tere ti azo so asara si ngonzo ti mbi alondo. Mbi tokua lo ti nzi ye ti azo ni, ti gbu aye ti ala tongana ti so a yeke gbu ye na peko ti bira, ti do ala na gbe ti gere tongana ti so zo ayeke do ya ti potopoto na ndö ti lege.

Ésaïe 26:15

KOTA GBIA, mo sara si mara ti e awu mingi, mo fa gonda ti mo; mo sara si mara ti e awu mingi, mo sara ya ti kodro ti e akono na mbage kue.

Ésaïe 41:2

Mbeni zo alondo na mbage ti To si lo yeke ga; lo so benda na ndo so kue lo yeke hon daa. Zo wa laa azia lo na lege si lo ga so, zo wa? Zo wa laa azia amara nde na maboko ti lo, zo wa? Zo wa laa azia agbia na gbe ti komandema ti lo, zo wa? Yongoro zeme ti lo asara si ala ga tongana fuku ti sese, kokora ti lo asara si ala kangbi kirikiri tongana holengo pere so pupu amu ahon na ni.

Ésaïe 41:25

Na mbage ti Banga kâ, mbi soro mbeni zo, mbi zia lo na lege si lo yeke ga. Na mbage ti To, mbi iri lo na iri ti lo; lo yeke do azo ti komandema na gere tongana ti so zo ayeke do potopoto, tongana ti so wasarango-ta ayeke do ya ti sese ti sarango na ta.

Daniel 2:35

Tongaso wen, sese ti sarango na ta, bengba wen, na wen ti nginza na lôro ni kue afâ si aga tongana poro ti ale ti kobe so ayeke na ndö ti lakere na ngoi ti buru: a pe ya ni, pupu amu ahon na ni si zo ahinga ndo so ayeke daa pepe. Ti têne so abo yanda so, têne ni akono aga kota hoto so asi ndö ti sese kue.

Mishe 7:10

Fade wato ti mbi ayeke baa ye ni na le ti lo si kamene ayeke gbu le ti lo; wato ti mbi so ayeke hunda lani mbi, atene: “KOTA GBIA, Nzapa ti mo ni ayeke na ndo wa?” Fade mbi yeke baa lo na le na ndembe so a yeke do lo na gere, tongana ti so a yeke do potopoto na lege.

Zakarii 10:5

Amakonzi ni ayeke duti tongana angangu zo ti bira; ala yeke do azo so ayeke tiri bira na ala tongana ti so zo ayeke do potopoto ti ndö ti lege. Ala yeke tiri bira ni tongaso, ngbanga ti so mbi KOTA GBIA, mbi yeke na ala. Fade kamene ayeke gbu le ti azo ti kpengo na mbarata so ayeke awato ti ala.

Zakarii 2:6

Mbi hunda lo, mbi tene: “Mo yeke gue na ndo wa?” Lo kiri tënë na mbi, lo tene: “Mbi yeke gue ti haka gbata ti Jérusalem, ti hinga yongoro ni na nduru ni.”

Nzoni Tënë so Luc asu na mbeti 21:24

Fade a yeke fâ azo ni na yongoro zeme, a yeke gbu ala ti gue na ala na ya ti akodro kue. Amara kue ayeke buba gbata ti Jérusalem kue ngbii ngoi ti ala ahunzi si.”

Ndia ti fani use ni 32:26

Mbi tene: ‘Mbi leke na be ti mbi ti fâ ala kue ti hunzi ala, mbi ye titene zo akiri adabe ti lo na mara ti ala pepe na ndö ti sese so.