2 Samuel 22:40 - Mbeti ti Nzapa - Tënë so amu fini

⁴⁰ Mo mu na mbi ngangu ti tiri na bira, azo so alondo ti tiri na mbi, mo yeke sara si ala ti na gbe ti mbi.

2 Samuel 22:40 ပူးပေါင်းရင်းမြစ်များ

Abia (Psaumes) 109:19

Ayeke nzoni deba ni aga tongana bongo so lo kanga na tere ti lo, aga tongana kamba so lo yeke kanga na ndö ti bongo ti lo lakue!”

Abia (Psaumes) 144:2

Lo yeke *mbuki ti mbi, lo yeke tongana ngangu gbagba na tere ti mbi, lo yeke ngangu gbagba so mbi kpe daa ti honde tere ti mbi, lo yeke wasongo mbi, lo yeke *vala ti mbi; mbi honde tere ti mbi nduru na lo. Lo laa lo zia azo ti mbi na gbe ti komandema ti mbi.

Abia (Psaumes) 18:32

Zo wa laa ayeke Nzapa, zo wa? Gi KOTA GBIA oko! Zo wa laa ayeke kota têne so e luti na ndö ni ti bata tere ti e, zo wa? Gi Nzapa ti e oko!

Abia (Psaumes) 18:39

Mbi yeke fâ ala kue, ala lingbi ti londo mbeni pepe; ala yeke ti na gbe ti gere ti mbi.

Abia (Psaumes) 44:5

Nzapa ti mbi, mo yeke Gbia ti mbi, mo laa mo yeke mu yanga si azo ti mo ayeke so benda.

Ésaïe 45:5

Mbi laa mbi yeke KOTA GBIA, mbeni nde ayeke daa pepe. Mbeni Nzapa nde ayeke pepe, gi mbi oko. Ataa so mo hinga mbi pepe, mbi leke mo ndali ti bira.

Ésaïe 60:14

Amolenge ti azo so lani asara ngangu na mo, fade ala yeke ba li ti ala na sese si ala yeke ga na mbage ti mo; azo so lani abaa mo tongana mbumbuse zo, ala yeke ga ti kuku na gbe ti mo. Ala yeke iri mo: “Gbata ti KOTA GBIA”, “*Sion, gbata ti Nzapa ti Israel so ayeke nde si ayeke nzoni kue.”

Kolose 1:11

Fade Nzapa ayeke sara titene ala kpengba mingi na lege ti ngangu ti lo so ayeke fa gonda ti lo. Tongaso, na ya ti aye ti ngangu kue, ala lingbi ti gbu ngangu, ala kanga be ti ala ti ku.

Aye so Nzapa afa 5:9

Ala yeke he fini bia, atene: “Mo lingbi ti mu mbeti ni ti zi anzoroko ni, ngbanga ti so a fâ mo ando awe. Mo futa ngere ti vongo azo na mene ti mo titene mo vo azo ti akete mara kue na Nzapa, azo ti ayanga ti kodro kue, azo ti akodro kue na azo ti amara kue.

1 Samuel 23:5

Tongaso David na azo ti lo ague na Keila si ala tiri bira na azo ti Filistii. Lo mu anyama ti ala si lo fâ azo ti Filistii mingi. Lege so David asoo azo ti Keila na kuâ laa.