2 Samuel 22:33 - Mbeti ti Nzapa - Tënë so amu fini

³³ Nzapa so ayeke tongana ngangu gbagba na tere ti mbi, lo yeke leke lege na dawa ti mbi.

2 Samuel 22:33 ပူးပေါင်းရင်းမြစ်များ

2 Samuel 22:2

lo tene: KOTA GBIA ayeke tongana kota têne so mbi luti na ndö ni, lo yeke tongana ngangu gbagba na tere ti mbi, lo laa lo yeke zi mbi na ya ti ye ti ngangu.

Mbeti ti Job 22:3

Tongana mo sara ye mbirimbiri, nzoni ye ti nyen laa lo so ngangu ti lo ahon angangu kue ayeke wara na peko ni nyen? Tongana sarango ye ti mo ayeke mbirimbiri, nyen laa lo yeke wara daa, nyen?

Abia (Psaumes) 101:2

Mbi ye ti hinga lege ti sarango ye ti azo so alingbi kue. Lawa laa mo yeke ga ande na mbage ti mbi? Na ya ti da ti mbi, mbi yeke sara ye na be so alingbi kue.

Abia (Psaumes) 101:6

Na ya ti kodro, fade mbi yeke soro azo so alingbi titene ala duti na tere ti mbi; zo so tambula ti lo alingbi kue, lo laa lo yeke sara ande kua na mbi.

Abia (Psaumes) 119:1

Ti ala nzoni, azo so tambula ti ala alingbi kue si sarango ye ti ala alingbi na *Ndia ti *KOTA GBIA!

Abia (Psaumes) 18:32

Zo wa laa ayeke Nzapa, zo wa? Gi KOTA GBIA oko! Zo wa laa ayeke kota têne so e luti na ndö ni ti bata tere ti e, zo wa? Gi Nzapa ti e oko!

Abia (Psaumes) 27:1

Bia ti David. *KOTA GBIA ayeke lumiere ti mbi, lo yeke wasongo mbi na kuâ. Zo wa laa mbeto ti lo alingbi ti sara mbi, zo wa? KOTA GBIA laa ayeke bata fini ti mbi, lo yeke tongana kota gbagba na tere ti mbi. Zo wa laa mbi yeke do na mbeto na dawa ti lo, zo wa?

Abia (Psaumes) 32:8

KOTA GBIA atene na mbi: “Fade mbi yeke fa ye na mo, mbi yeke fa na mo lege ti tambula daa, mbi yeke mu na mo wango si mbi yeke baa ndo na ndö ti mo.

Abia (Psaumes) 46:1

Bia ti azo ti Kore; bia so ayeke ndali ti makonzi-bia. A he ni na aye ti mozoko so atoto na nduzu

Sigingo 15:2

KOTA GBIA ayeke ngangu ti mbi, mbi yeke he bia na lo. Lo laa lo soo mbi! Lo yeke Nzapa ti mbi, mbi yeke sepela lo! Lo yeke Nzapa ti babâ ti mbi, mbi ye ti he bia ti fa kota ti lo.

Ésaïe 41:10

Mo sara mbeto pepe, ngbanga ti so mbi yeke na mo. Mo baa ndo na mbeto pepe, ngbanga ti so mbi yeke Nzapa ti mo. Mbi yeke sara titene mo kpengba, mbi yeke ga ti mu maboko na mo; biani, mbi yeke bata mo na lege ti maboko ti mbi ti koli so ayeke so benda.

Zakarii 10:12

Mbi yeke mu ngangu na azo ti mbi si ala yeke sara ye gi na iri ti mbi”; so tënë ti yanga ti KOTA GBIA laa.

2 Korente 12:9

Me lo tene na mbi: “Nzoni be so mbi sara na mo so alingbi awe. Na ndembe so zo ayeke na ngangu pepe, ngangu ti mbi alingbi ti sara ye kue.” Tongaso, mbi yeke gonda tere ti mbi, gi ngbanga ti so mbi yeke na ngangu pepe, tongaso si ngangu ti Christ aduti na ya ti tere ti mbi.

Efeze 6:10

Ti hunzi na ni, ala kpengba na lege ti kota ngangu ti *Kota Gbia, ngbanga ti so ala ga oko na lo.

Ndia ti fani use ni 18:13

Me ti ala, azo ti Israel, alingbi ala duti nzoni kue ndali ti KOTA GBIA Nzapa ti ala.

Filipe 4:13

Mbi lingbi ti sara aye so kue, ngbanga ti so Christ laa amu na mbi ngangu.

Ahebro 13:21

Ayeke nzoni Nzapa asara si ala ga azo so alingbi ti sara ye so kue ayeke nzoni nga na ye so be ti lo aye! Ayeke nzoni, na lege ti Jésus Christ, Nzapa asara si e sara ye so anzere na be ti lo! Gonda ayeke ti lo kpu na kpu! Amen.