2 Samuel 22:32 - Mbeti ti Nzapa - Tënë so amu fini

³² Zo wa laa ayeke Nzapa, zo wa? Gi KOTA GBIA pepe? Zo wa laa ayeke kota têne so e luti na ndö ni ti bata tere ti e, zo wa? Gi Nzapa ti e pepe?

2 Samuel 22:32 ပူးပေါင်းရင်းမြစ်များ

2 Samuel 23:3

Nzapa ti Israel atene tënë, Kota Têne so azo ti Israel ayeke luti na ndö ni atene na mbi: “Gbia so ayeke bata azo ti lo mbirimbiri si lo yeke bata azo ti lo na lege ti kpengo mbeto ti Nzapa,

2 Samuel 7:22

Kota Gbia NZAPA, mo yeke kota; mbeni nzapa ti lingbi na mo ayeke daa pepe. Na ya ti atënë so kue e ma, e ma a tene, mbeni nzapa tongana mo ayeke daa pepe, gi mo oko.

Ésaïe 44:6

*KOTA GBIA, Gbia ti Israel, lo so lo yeke zi azo ti lo, lo so lo yeke na ndö ti dunia kue, tënë so lo tene ayeke so: “Mbi yeke kozoni, mbi yeke ndangba ni. Mbeni Nzapa nde ayeke pepe, gi mbi oko.

Ésaïe 44:8

Ala azo ti mbi, ala sara mbeto pepe, tere ti ala ado pepe! Mbi tene tënë so na ala ngbene ye giriri, mbi fa ni na ala, ala hinga awe. Ala laa ayeke azo ti tenengo tënë ti ye so ala hinga na ndö ti mbi. Mbeni Nzapa nde ayeke daa? Gi mbi oko pepe? Mbeni Kota Têne nde so aluti ngangu ayeke daa pepe; mbi hinga mbeni oko pepe.”

Ésaïe 45:21

Ala ga afa so tënë ti ala ayeke na legeni! Ala bongbi, ala leke tënë na popo ti ala. Ye so asi laso, zo wa laa atene tënë ni kozoni si ye ni asi? Zo wa laa afa tënë ni ngbene ye giriri? Mbi KOTA GBIA laa mbi sara aye so pepe? Mbeni Nzapa nde ayeke daa pepe, gi mbi oko; mbeni Nzapa so ayeke mbirimbiri si ayeke soo zo ayeke daa pepe, gi mbi oko.

Jérémie 10:16

Ti Nzapa, lo yeke tongana ala pepe, lo so lo yeke mosoro ti Jacob; lo laa lo sara si dunia abaa gigi, mara ti Israel ayeke ye ti lo; iri ti lo ayeke KOTA GBIA so ayeke na ndö ti dunia kue.

Ndia ti fani use ni 32:31

Me awato ti ala wani ahinga atene, nzapa ti batango ala alingbi na Nzapa ti e pepe.

Ndia ti fani use ni 32:39

Fadeso, ayeke nzoni ala hinga ye so: mbi, mbi yeke gi mbi oko, na tere ti mbi, mbeni nzapa nde ayeke daa pepe. Mbi laa mbi yeke sara si zo akui, mbi laa mbi yeke sara si zo aduti na fini; mbi laa mbi yeke zia ka na tere ti zo, mbi laa mbi yeke sara si ka ni amu. Zo wa laa alingbi ti gboto zo na maboko ti mbi, zo wa?

Ndia ti fani use ni 4:35

Ala wara lege ti baa aye so kue titene ala hinga atene, KOTA GBIA laa ayeke Nzapa; mbeni nzapa nde ayeke daa pepe, gi lo oko.

1 Samuel 2:2

KOTA GBIA oko laa ayeke nde si ayeke nzoni kue, mbeni zo ti bata e tongana lo ayeke daa pepe; lo yeke oko kota têne so e luti na ndö ni ti bata tere ti e; mbeni nzapa nde tongana lo ayeke daa pepe.