2 Samuel 22:31 - Mbeti ti Nzapa - Tënë so amu fini

³¹ Lege ti Nzapa ayeke nzoni kue, a tara tënë ti KOTA GBIA, tënë ni ayeke taa-tënë. Lo yeke *vala ti azo so akpe na lo ti bata tere ti ala.

2 Samuel 22:31 ပူးပေါင်းရင်းမြစ်များ

2 Samuel 22:3

Nzapa ayeke tongana kota têne so mbi honde tere ti mbi na peko ni; lo yeke tongana *vala ti mbi, lo yeke tongana ye ti bira ti mbi so mbi yeke hon awato ti mbi na ni; lo yeke tongana ngangu da so ayo na nduzu so mbi kpe daa ti honde tere ti mbi; lo yeke ndo so mbi kpe daa ti honde tere ti mbi, lo yeke wasongo mbi na kuâ, lo yeke soo mbi na maboko ti azo so ayeke sara ngangu na mbi.

Néhémie 9:8

Mo baa so lo yeke bata be ti lo na mo lakue; nilaa mo na lo asara *mbuki: mo mu zendo ti mu na *ahale ti lo sese ti azo ti Kanaan, ti azo ti mara ti Het, ti Amori, ti Perizi, ti Yebus na ti Girgashi. Mo sara ye alingbi na zendo ni, ngbanga ti so mo yeke mbirimbiri.

Mbeti ti Job 34:10

Ala azo so ahinga ndo so, ala ma mbi si! Nzapa alingbi ti sara sioni ye? Lo so ngangu ti lo ahon angangu kue so, lo lingbi ti sara sioni? Oko pepe!

Abia (Psaumes) 119:140

A tara atënë ti yanga ti mo, mbeni ye ti sioni oko ayeke daa pepe, nilaa mbi zo ti kua ti mo, mbi ye ni mingi.

Abia (Psaumes) 12:6

KOTA GBIA atene: “Ndali ti so a sara ngangu na azo so ye atia ala si azo ti mawa ayeke toto mingi, mbi yeke londo fadeso ti ga. Mbi yeke ga ti zi ala na ya ti aye ti ngangu, ala so azo abaa ala tongana mbumbuse ye so.”

Abia (Psaumes) 145:17

KOTA GBIA ayeke mbirimbiri na ya ti sarango ye ti lo kue, aye so kue lo yeke sara afa so lo yeke bata tënë ti yanga ti lo.

Abia (Psaumes) 18:30

Na ngangu ti mo, mbi lingbi ti ti na ndö ti awato ti mbi so aga ti tiri bira na mbi; na ngangu ti Nzapa ti mbi, mbi lingbi ti hon na ndö ti gbagba ti bira.

Abia (Psaumes) 2:7

“Mbi ye ti fa peko ti mbela ti KOTA GBIA: lo tene na mbi, lo tene: ‘Mo yeke molenge ti mbi; laso mbi ga babâ ti mo awe.

Abia (Psaumes) 35:2

Gbu kete vala na kota vala, londo, mo mu maboko na mbi!

Abia (Psaumes) 84:9

KOTA GBIA Nzapa, mo so mo yeke na ndö ti dunia kue, ma sambela ti mbi! Nzapa ti Jacob, dingi mê ti mo, mo ma mbi! Luti kete

Abia (Psaumes) 91:4

Lo yeke bata mo na gbe ti maboko ti lo, mo yeke honde tere ti mo na gbe ti maboko ti lo tongana ti so molenge ti ndeke ayeke honde tere ti lo na gbe ti maboko ti mama ti lo. Batango tënë ti yanga ti lo so lo yeke bata ayeke tongana vala na kazaka ti wen so ayeke bata mo.

Amato 30:5

“Atënë ti Nzapa kue ayeke taa-tënë. Nzapa ayeke tongana *vala ndali ti azo so akpe na lo ti bata tere ti ala.

Zo ti bongbingo azo 3:14

Mbi hinga, mbi tene, ye so kue Nzapa asara ayeke ngba lakue lakue. Alingbi zo azia mbeni ye daa pepe, alingbi zo azi nga mbeni ye daa pepe. Nzapa asara tongaso titene azo akpe mbeto ti lo.

Daniel 4:34

Ndani laa, fadeso mbi Nabukodonosor, mbi sepela, mbi ya iri si mbi gonda gbia so ayeke na yayu! Aye so kue lo yeke sara ayeke na legeni; asarango ye ti lo kue ayeke mbirimbiri. Lo yeke na ngangu ti sara si azo ti baba aga akete zo.”

Matthieu 5:48

Alingbi ala ga azo so ayeke nzoni kue tongana ti so Babâ ti ala so ayeke na yayu ayeke nzoni kue.

Ndia ti fani use ni 32:4

Nzapa ayeke Kota Têne ti batango e. Aye so kue lo sara ayeke nzoni kue, lege ti sarango aye ti lo kue ayeke mbirimbiri. Lo yeke Nzapa so ayeke sara ye alingbi na tënë ti yanga ti lo, lo yeke sara ye ti kirikiri pepe, lo yeke lakue mbirimbiri, lo yeke fâ ngbanga na legeni.

Aye so Nzapa afa 15:3

Ala yeke he bia ti Moïse, zo ti kua ti Nzapa, nga na bia ti Molenge ti Taba; bia ni atene: “*Kota Gbia, Nzapa so ngangu ti mo ahon angangu kue, aye so mo sara ayeke kota mingi si ayeke nga aye ti dongo be! Gbia ti amara nde, lege ti sarango ye ti mo ayeke mbirimbiri si ayeke na lege ti taa-tënë!