2 Samuel 22:3 - Mbeti ti Nzapa - Tënë so amu fini

³ Nzapa ayeke tongana kota têne so mbi honde tere ti mbi na peko ni; lo yeke tongana *vala ti mbi, lo yeke tongana ye ti bira ti mbi so mbi yeke hon awato ti mbi na ni; lo yeke tongana ngangu da so ayo na nduzu so mbi kpe daa ti honde tere ti mbi; lo yeke ndo so mbi kpe daa ti honde tere ti mbi, lo yeke wasongo mbi na kuâ, lo yeke soo mbi na maboko ti azo so ayeke sara ngangu na mbi.

2 Samuel 22:3 ပူးပေါင်းရင်းမြစ်များ

Tongo nda ti aye 15:1

Na peko ti aye so, tënë ti KOTA GBIA asi na Abram na lege ti mbeni ye tongana bango-li si atene na lo: “Sara mbeto pepe, Abram. Mbi laa mbi yeke *vala ti mo. Ye so mo yeke wara ande na peko ti ye so mo sara ayeke kota mingi.”

2 Samuel 22:31

Lege ti Nzapa ayeke nzoni kue, a tara tënë ti KOTA GBIA, tënë ni ayeke taa-tënë. Lo yeke *vala ti azo so akpe na lo ti bata tere ti ala.

2 Samuel 22:47

KOTA GBIA ayeke na fini! Mbi gonda lo, lo so lo yeke Kota Têne so mbi luti na ndö ni ti bata tere ti mbi. Ayeke nzoni azo amu iri ti Nzapa na nduzu, lo so lo yeke kota têne so mbi luti na ndö ni ti bata tere ti mbi, lo so lo yeke wasongo mbi.

2 Samuel 22:49

Mo laa mo yeke zi mbi na maboko ti awato ti mbi; mo yeke sara si mbi hon ndö ti azo so alondo ti ke mbi; mo yeke zi mbi na maboko ti azo ti sarango ngangu na zo.

2 Samuel 22:51

KOTA GBIA asara akota ye mingi ndali ti gbia so lo soro lo, lo sara nzoni be na zo so lo tuku mafuta na li ti lo: lo sara ni ndali ti David na *ahale ti lo kpu na kpu.

2 Samuel 23:3

Nzapa ti Israel atene tënë, Kota Têne so azo ti Israel ayeke luti na ndö ni atene na mbi: “Gbia so ayeke bata azo ti lo mbirimbiri si lo yeke bata azo ti lo na lege ti kpengo mbeto ti Nzapa,

Abia (Psaumes) 14:6

Ala azo ti sioni, ala yeke buba lege ti ye so zo ti mawa azia be ti lo ti ku, me KOTA GBIA ayeke ndo ti batango tere ti lo.

Abia (Psaumes) 140:1

Bia so ayeke ndali ti makonzi-bia. Bia ti David.

Abia (Psaumes) 140:11

Ayeke nzoni ale ti wâ atuku na ndö ti ala! Ayeke nzoni a bi ala na ya ti wâ, na ya ti kota du so ala lingbi ti londo daa ti sigigi pepe!

Abia (Psaumes) 140:4

Ala leke menga ti ala titene aza tongana ti ngbo; tënë ti yanga ti ala ayeke sara sioni tongana ngu ti yanga ti ngbo. Luti kete

Abia (Psaumes) 142:4

Na ndembe so be ti mbi awoko kue, mo laa mo hinga ndo so mbi yeke gue daa. Na ndö ti lege so mbi yeke hon daa, azo azia kuku ti gbu na mbi.

Abia (Psaumes) 144:2

Lo yeke *mbuki ti mbi, lo yeke tongana ngangu gbagba na tere ti mbi, lo yeke ngangu gbagba so mbi kpe daa ti honde tere ti mbi, lo yeke wasongo mbi, lo yeke *vala ti mbi; mbi honde tere ti mbi nduru na lo. Lo laa lo zia azo ti mbi na gbe ti komandema ti mbi.

Abia (Psaumes) 18:2

KOTA GBIA, mbi ye mo, mo yeke ngangu ti mbi!

Abia (Psaumes) 27:5

Na ngoi so ye ti ngangu asi na mbi, KOTA GBIA ayeke bata mbi na ya ti da ti lo; lo yeke honde mbi nzoni na ya ti da ti lo; lo yeke zia mbi na nduzu na ndö ti kota têne, na ndo so ye ti sioni alingbi ti si na mbi pepe.

Abia (Psaumes) 28:7

KOTA GBIA ayeke tongana gbagba ti bira na tere ti mbi; lo yeke tongana *vala ti mbi. Mbi zia be ti mbi kue na ndö ti lo si lo mu maboko na mbi. Be ti mbi kue asi singo na ngia si mbi yeke he bia ti gonda na lo.

Abia (Psaumes) 3:3

Azo so ayeke tene tënë na iri ti mbi, ala yeke mingi; ala tene: “Nzapa ayeke soo lo na kuâ lawa!” Luti kete

Abia (Psaumes) 32:7

Mo yeke ndo so mbi yeke honde tere ti mbi daa, mo yeke bata mbi na ya ti ye ti ngangu. Ndali ti so mo zi mbi, mo sara si azo ahe bia angoro na mbi. Luti kete

Abia (Psaumes) 46:1

Bia ti azo ti Kore; bia so ayeke ndali ti makonzi-bia. A he ni na aye ti mozoko so atoto na nduzu

Abia (Psaumes) 46:11

KOTA GBIA adekongo, atene: “Ala zia bira! Ayeke nzoni ala hinga so mbi yeke Nzapa! Mbi hon ndö ti amara kue, mbi hon ndö ti azo ti dunia kue.”

Abia (Psaumes) 46:2

Nzapa ayeke ndo so e kpe daa ti bata tere ti e, lo yeke ngangu ti e. Lo yeke lakue nduru ti mu maboko na e na ngoi ti ye ti ngangu.

Abia (Psaumes) 46:7

Amara asara wusuwusu, akodro ti agbia ayingi; Nzapa atene tënë na kota go si sese aga tongana ngu.

Abia (Psaumes) 5:12

Me azo so kue akpe na mo ti bata tere ti ala, fade ala yeke duti na ngia; be ti ala ayeke si singo na ngia lakue, ngbanga ti so mo yeke bata ala. Ala so kue aye iri ti mo, ala yeke dekongo na ngia.

Abia (Psaumes) 55:9

Ka mbi wara ndo hio ti honde tere ti mbi daa ndali ti kota pupu so ayeke ya ngangu.”

Abia (Psaumes) 59:16

Ala yeke hon mbage na mbage ti gi kobe ti tengo ni. Tongana ala wara ni alingbi na ala pepe, ala yeke fono na bi ni kue.

Abia (Psaumes) 61:3

So mbi yeke na nda ti sese kâ, tongana mbi woko kue awe, mbi yeke iri mo ti mu na mbi maboko. Kota têne so ayo na nduzu mingi si mbi lingbi ti si daa pepe so, gue na mbi na ndö ni.

Abia (Psaumes) 71:7

Azo mingi abaa mbi tongana mbeni ye ti dongo be, me mo yeke tongana ngangu gbagba so mbi kpe daa ti bata tere ti mbi.

Abia (Psaumes) 72:14

Fade lo yeke zi azo ni na ya ti aye ti ngangu nga na ya ti aye ti sioni so azo ayeke sara na ala, ngbanga ti so fini ti ala ayeke kota ye mingi na le ti lo.

Abia (Psaumes) 84:11

Dutingo lango oko na ya ti gbagba ti kota da ti mo ayeke nzoni ahon dutingo lango saki oko na mbeni ndo nde. Ti mbi, mbi ye ti duti gi na yanga ti da ti Nzapa ahon ti sara kodro na da ti azo ti sioni.

Abia (Psaumes) 84:9

KOTA GBIA Nzapa, mo so mo yeke na ndö ti dunia kue, ma sambela ti mbi! Nzapa ti Jacob, dingi mê ti mo, mo ma mbi! Luti kete

Abia (Psaumes) 86:14

O Nzapa, azo ti baba alondo ti tiri na mbi, bongbi ti azo ti sioni aye ti fâ mbi; ngbanga ti ala ayeke na mo pepe.

Abia (Psaumes) 9:10

KOTA GBIA ayeke tongana ngangu gbagba so ayeke bata azo so a sara ngangu na ala; lo yeke tongana ngangu gbagba so ayeke bata azo na ngoi ti aye ti ngangu.

Abia (Psaumes) 9:9

Lo laa lo yeke sara komandema na ndö ti dunia mbirimbiri; lo laa lo yeke fâ ngbanga ti amara na legeni.

Sigingo 15:2

KOTA GBIA ayeke ngangu ti mbi, mbi yeke he bia na lo. Lo laa lo soo mbi! Lo yeke Nzapa ti mbi, mbi yeke sepela lo! Lo yeke Nzapa ti babâ ti mbi, mbi ye ti he bia ti fa kota ti lo.

Amato 18:10

KOTA GBIA ayeke tongana ngangu gbagba na tere ti azo; zo ti mbirimbiri ayeke kpe na ya ni ti bata tere ti lo.

Amato 30:5

“Atënë ti Nzapa kue ayeke taa-tënë. Nzapa ayeke tongana *vala ndali ti azo so akpe na lo ti bata tere ti ala.

Ésaïe 12:2

Baa, Nzapa, wasongo mbi laa; mbi zia be ti mbi na ndö ti lo, mbeto ayeke kiri ti sara mbi pepe. Biani, KOTA GBIA laa ayeke ngangu ti mbi, lo laa mbi yeke he bia na lo, lo laa lo soo mbi.”

Ésaïe 32:2

Ala oko oko ayeke duti tongana mbeni gbefa so zo ayeke bata tere ti lo daa ndali ti pupu, tongana ndo so zo ayeke kpe ti honde tere ti lo daa ndali ti ngu-Nzapa, tongana ngu so ayeke sua na ndö ti holengo sese, tongana gbe ti de ti kota têne na kodro so ngu ayeke daa pepe.

Ésaïe 45:21

Ala ga afa so tënë ti ala ayeke na legeni! Ala bongbi, ala leke tënë na popo ti ala. Ye so asi laso, zo wa laa atene tënë ni kozoni si ye ni asi? Zo wa laa afa tënë ni ngbene ye giriri? Mbi KOTA GBIA laa mbi sara aye so pepe? Mbeni Nzapa nde ayeke daa pepe, gi mbi oko; mbeni Nzapa so ayeke mbirimbiri si ayeke soo zo ayeke daa pepe, gi mbi oko.

Jérémie 16:19

*KOTA GBIA, mo yeke ngangu ti mbi, mo yeke tongana ngangu gbagba na tere ti mbi, mo yeke ndo so mbi kpe daa ti bata tere ti mbi na ngoi ti ye ti ngangu. Fade amara nde ayeke londo na nda ti sese kue ti ga na mbage ti mo. Ala yeke tene: “Ye so akotara ti e awara ti ga ye ti ala, ye ni ayeke gi ye ti mvene; mbeni senge buba ye so alingbi ti sara kua oko pepe.

Jérémie 16:9

Biani, tënë so KOTA GBIA so ayeke na ndö ti dunia kue, Nzapa ti Israel atene ayeke so: ‘Na ndo so, mbi yeke kai bia ti azo so tere ti ala anzere, bia ti azo so ayeke na ngia nga na bia ti koli na wali so amu tere fini fini. Mbi yeke sara ni na gbe ti le ti ala, na ndembe so ala ngba na fini.’

Nzoni Tënë so Luc asu na mbeti 1:47

Be ti mbi asi singo na ngia ndali ti Nzapa, Wasongo mbi,

Nzoni Tënë so Luc asu na mbeti 1:69

Lo soro mbeni ngangu zo ti songo e na kuâ; lo soro lo na popo ti *ahale ti David, zo ti kua ti lo.

Nzoni Tënë so Luc asu na mbeti 1:71

Na lege ti songo so lo soo e, lo zi e na maboko ti awato ti e nga na maboko ti ala so be ti ala ake e.

Ndia ti fani use ni 32:37

Fade lo yeke hunda ala, atene: ‘Anzapa ti ala ni ayeke na ndo wa? Anzapa so ala yeke kpe na mbage ti ala ti bata tere ti ala lani so!

Ndia ti fani use ni 32:4

Nzapa ayeke Kota Têne ti batango e. Aye so kue lo sara ayeke nzoni kue, lege ti sarango aye ti lo kue ayeke mbirimbiri. Lo yeke Nzapa so ayeke sara ye alingbi na tënë ti yanga ti lo, lo yeke sara ye ti kirikiri pepe, lo yeke lakue mbirimbiri, lo yeke fâ ngbanga na legeni.

Ndia ti fani use ni 33:29

Ti ala nzoni, ala azo ti Israel! Mara wa laa alingbi na ti ala? Mara ti ala oko laa KOTA GBIA asoo ni. KOTA GBIA ayeke *vala ti batango ala, lo yeke ye ti bira so asara si ala so benda. Fade awato ti ala ayeke handa ala na lege ti mayere, me ala, azo ti Israel, ala yeke do awato ni na gbe ti gere ti ala.”

Tite 3:4

Me na ndembe so Nzapa, Wasongo e, afa nzoni be ti lo na azo si lo fa nga yengo so lo ye azo na ni,

Tite 3:6

Nzapa asara si Yingo-Vuru aga mingi na ndö ti e na lege ti Jésus Christ, Wasongo e.

Ahebro 2:13

Lo kiri lo tene: “Fade mbi yeke zia be ti mbi kue na ndö ti Nzapa.” Lo kiri lo tene nga: “Amolenge so Nzapa amu ala na mbi, baa, mbi na ala laa!”

1 Samuel 2:1

Anne asambela, atene: “Ndali ti *KOTA GBIA, be ti mbi ayeke na ngia mingi; ndali ti KOTA GBIA, kamene ahon na le ti mbi. Mbi lingbi ti zi yanga na awato ti mbi. Be ti mbi anzere mingi ndali ti so mo soo mbi awe.

1 Samuel 2:2

KOTA GBIA oko laa ayeke nde si ayeke nzoni kue, mbeni zo ti bata e tongana lo ayeke daa pepe; lo yeke oko kota têne so e luti na ndö ni ti bata tere ti e; mbeni nzapa nde tongana lo ayeke daa pepe.