2 Samuel 22:27 - Mbeti ti Nzapa - Tënë so amu fini

²⁷ Zo so ayeke na vuru be, mo yeke sara na lo na vuru be; me zo so ayeke na sioni be, mo yeke na kode ti sara sioni na lo.

2 Samuel 22:27 ပူးပေါင်းရင်းမြစ်များ

Abia (Psaumes) 125:5

Me ti azo so agirisa nzoni lege ti mu lege ti kirikiri, ayeke nzoni KOTA GBIA atumba ala, ala na azo ti sarango sioni. Ayeke nzoni siriri aduti na Israel!

Abia (Psaumes) 18:26

Zo so angba na lege ti mo, mo yeke ngba ti bata tënë ti yanga ti mo na lo, zo so alingbi kue, mo yeke sara ye na lo alingbi kue.

Sigingo 18:11

Fadeso mbi hinga, mbi tene, KOTA GBIA ayeke kota ahon anzapa kue. Lo fa ni na ngoi so azo ti Ezipte ayeke sara sana na azo ti Israel.”

Ésaïe 45:9

Mawa na zo so aye ti tiri na zo so asara lo! Zo ayeke tongana ta ti sese na popo ti ambeni ta ti sese. Sese ti sarango na ta alingbi ti tene na zo so ayeke sara lo, atene: “Nyen laa mo yeke sara so?” Ta ti sese alingbi ti tene na zo ti sarango lo, atene: “Mo sara ye ni na legeni pepe!”?

Matthieu 5:8

Ti ala nzoni, ala so ayeke na vuru be, ngbanga ti so ala yeke baa ande Nzapa!

Rome 1:28

So ala ke ti hinga Nzapa awe, lo zia ala titene hingango ndo ti ala aga kirikiri si ala sara ye so zo alingbi fade ti sara pepe.

1 Jean 3:3

Zo so kue azia be ti lo ti ku ye so na maboko ti Christ, lo yeke sara titene lo ga *nzoni tongana ti so Christ ayeke *nzoni.