2 Samuel 22:25 - Mbeti ti Nzapa - Tënë so amu fini

²⁵ KOTA GBIA asara nzoni na mbi, ngbanga ti so sarango ye ti mbi ayeke mbirimbiri; lo kiri nzoni na mbi, ngbanga ti so mbi sara ye na lege ti taa tënë.

2 Samuel 22:25 ပူးပေါင်းရင်းမြစ်များ

2 Samuel 22:21

KOTA GBIA asara na mbi aye so, ngbanga ti so sarango ye ti mbi ayeke mbirimbiri; lo sara nzoni na mbi, ngbanga ti so mbi sara ye na lege ti taa tënë.

1 Agbia 3:6

Salomon akiri tënë, lo tene: “Mo sara nzoni be mingi na babâ ti mbi David, zo ti kua ti mo. Lani lo sara ye na le ti mo na lege ti taa-tënë, na lege ti mbirimbiri nga na legeni mbirimbiri. Nilaa mo ngba ti sara nzoni be na lo si mo mu na lo mbeni molenge-koli titene lo duti laso gbia na ndö ti mbata ti lo ti gbia.

Amato 11:31

Zo ti mbirimbiri awara futa ti lo na sese so awe; ayeke nzoni azo ahinga biani atene, fade zo ti sioni na zo ti siokpari ayeke wara nga ye so alingbi na ala!

Amato 5:21

KOTA GBIA abaa lege ti dutingo ti azo oko oko kue. Lo baa sarango ye kue ti ala mbirimbiri.

Ésaïe 3:10

Ala lingbi ti tene: ti zo ti mbirimbiri nzoni! Fade lo yeke baa nzoni na peko ti aye so lo sara.

2 Korente 5:10

Biani, fade e kue, e yeke si na le ti ngbanga ti Christ titene zo oko oko awara ye ti peko ti aye so lo sara na ngoi so lo yeke na fini na ndö ti sese so: nzoni ni wala sioni ni.

1 Samuel 26:23

Fade KOTA GBIA ayeke sara na zo oko oko alingbi na mbirimbiri ye nga na nzoni ye so lo sara. Laso, KOTA GBIA azia mo na maboko ti mbi si mbi ke ti sara sioni na zo so KOTA GBIA atuku mafuta na li ti lo titene lo ga gbia so.