2 Samuel 22:23 - Mbeti ti Nzapa - Tënë so amu fini

²³ Andia ti lo kue ayeke na dawa ti mbi, mbi hon yongoro na atënë ti ndia ti lo pepe.

2 Samuel 22:23 ပူးပေါင်းရင်းမြစ်များ

Abia (Psaumes) 119:102

Mbi zia peko na atënë ti fango ngbanga ti mo pepe, ngbanga ti so mo laa mo fa ye na mbi.

Abia (Psaumes) 119:128

Mbi baa so andia ti mo ayeke mbirimbiri, be ti mbi ake alege kue ti mvene.

Abia (Psaumes) 119:13

Mbi diko na yanga ti mbi atënë ti ngbanga so kue mo fâ.

Abia (Psaumes) 119:30

Mbi soro ti mu lege ti taa-tënë; mbi yeke sara ye alingbi na atënë ti fango ngbanga ti mo.

Abia (Psaumes) 119:6

Tongaso, fade kamene ayeke sara mbi pepe tongana mbi baa atënë ti ndia ti mo kue.

Abia (Psaumes) 119:86

Atënë ti ndia ti mo kue ayeke taa-tënë; azo ayeke tumba peko ti mbi gi senge senge, mu na mbi maboko.

Nzoni Tënë so Luc asu na mbeti 1:6

Ala use kue ayeke ambirimbiri zo na le ti Nzapa; ala yeke sara ye gi na lege ti andia nga na lege ti ambela kue ti *Kota Gbia.

Jean 15:14

Tongana ala sara ye alingbi na yanga so mbi mu na ala, ala yeke amba ti mbi so mbi na ala e ye tere.

Ndia ti fani use ni 17:20

Fade ayeke sara si lo baa tere ti lo pepe tongana kota zo so ahon a-ita ti lo. Lo yeke zia lege ti atënë ti ndia ni pepe ti hon mbage na mbage. Lo na *ahale ti lo ayeke ngba ti sara komandema na ndö ti azo ti Israel aninga.

Ndia ti fani use ni 7:12

Tongana ala dingi mê ti ala ti ma atënë ti ndia ni, tongana ala bata ni si ala sara ye alingbi na ni, fade KOTA GBIA ayeke bata ndali ti ala tënë ti mbuki so lo na akotara ti ala asara ni; lo yeke ngba ti sara nzoni be na ala.

Ndia ti fani use ni 8:11

Ala sara hange si be ti ala agirisa pepe na KOTA GBIA Nzapa ti ala na sarango ye pepe alingbi na atënë ti yanga ti lo, na aye so ndia ti lo afa nga na atënë ti ndia ti lo so kue mbi fa na ala laso.