2 Samuel 22:20 - Mbeti ti Nzapa - Tënë so amu fini

²⁰ Lo zi mbi, lo zia mbi yamba; lo zi mbi, ngbanga ti so lo ye mbi.

2 Samuel 22:20 ပူးပေါင်းရင်းမြစ်များ

Tongo nda ti aye 26:22

Lo londo na ndo so, lo gue, lo zi mbeni du ti ngu ni nde. Ti so papa alondo ndali ni pepe. Lo di iri ti du ti ngu ni Rehobot. Lo tene na be ti lo, lo tene: “Fadeso KOTA GBIA amu na e kota ndo. Aye ti e kue ayeke gue na legeni na ya ti kodro ni.”

2 Samuel 15:26

Me tongana KOTA GBIA aye tënë ti mbi pepe, ayeke nzoni lo sara na mbi tongana ti so be ti lo aye.”

2 Samuel 22:37

Mo sara si mbi kpe loro hio hio, gere ti mbi ayeke *zene pepe.

1 Mbai 4:10

Yabes asambela Nzapa ti Israel, atene: “Ayeke nzoni mo sara tufa na ndö ti mbi, mo sara si le ti sese ti mbi akiri akono mingi, mo zia maboko ti mo na ndö ti mbi ti bata mbi, mo sara si akpale na pasi ahon yongoro na tere ti mbi!” Nzapa amu na lo ye so lo hunda.

Abia (Psaumes) 118:5

So aye ti ngangu ahon ndö ti mbi, mbi iri KOTA GBIA, lo yeda si lo sara si mbi wu pupu.

Abia (Psaumes) 147:11

Me be ti KOTA GBIA anzere na azo so ayeke kpe mbeto ti lo, ala so azia be ti ala ti ku titene lo sara nzoni be na ala.

Abia (Psaumes) 149:4

Biani, be ti KOTA GBIA anzere na azo ti lo; lo yeke soo asenge zo ti lo ti mu na ala nengo.

Abia (Psaumes) 22:8

Azo so kue abaa mbi, ala yeke he mbi hengo; ala yeke sara yanga ti ala si ala yeke yingi li ti ala.

Abia (Psaumes) 31:8

Mbi yeke dodo na ngia, tere ti mbi anzere ndali ti nzoni be ti mo. Biani mo baa mawa ti mbi, mo hinga ye ti ngangu so asi na mbi.

Abia (Psaumes) 31:9

Mo zia mbi na maboko ti awato ti mbi pepe; mo sara si mbi luti na ndö ti gere ti mbi si mbi wu pupu.

Ésaïe 42:1

*KOTA GBIA atene: “Baa, zo ti kua ti mbi laa, lo so mbi gbu lo na maboko ti lo, lo so mbi soro lo, mbi wara ngia na lege ti lo. Mbi zia Yingo ti mbi na ndö ti lo, fade lo yeke sara si sarango ye ti mbirimbiri abaa gigi ndali ti amara nde.

Osée 4:16

Biani, Israel asara ngangu li tongana mama ti bagara so ake ti tambula. Fadeso, KOTA GBIA alingbi ti sara na azo ti lo tongana ti akete taba so a zia ala na ndo ti tengo pere?

Matthieu 17:5

So lo ngba ti tene tënë ni, mbeni mbinda so aza zango aga amu ndö ti ala kue. Mbeni go alondo na ya ti mbinda ni, atene: “So ayeke Molenge ti mbi so mbi ye lo mingi, be ti mbi anzere na lo mingi. Ala ma yanga ti lo!”

Matthieu 27:43

Lo zia be ti lo na Nzapa si lo tene: ‘Mbi yeke Molenge ti Nzapa.’ Nzapa ni aga azi lo fadeso, e baa!”

Matthieu 3:17

Mbeni go alondo na yayu si atene: “So ayeke Molenge ti mbi so mbi ye lo mingi, be ti mbi anzere na lo mingi.”