2 Samuel 22:11 - Mbeti ti Nzapa - Tënë so amu fini

¹¹ Lo ko na ndö ti *sheruben si lo huru na le ti nduzu, lo yeke hon na ndö ti kpangi ti pupu.

2 Samuel 22:11 ပူးပေါင်းရင်းမြစ်များ

Tongo nda ti aye 3:24

So KOTA GBIA Nzapa atumba zo na ya ti yaka ni awe, lo zia *asheruben na mbage ti To ti yaka ni. Asheruben ni ayeke na yongoro zeme so le ni ayeke za zango si ayeke turne mbage na mbage ti kanga lege na zo ti gue na tere ti keke so ayeke mu fini na zo.

2 Samuel 6:2

David na aturugu so kue ayeke na tere ti lo ague na gbata ti Baala, na sese ti Juda. Ala gue kâ ti mu sanduku ti *mbuki ti Nzapa; iri ti *KOTA GBIA so ngangu ti lo ahon angangu kue ayeke na ndö ti sanduku ni, KOTA GBIA so ayeke duti na ndö ti *asheruben so ayeke na ndö ti sanduku ni.

Abia (Psaumes) 104:3

mo zia ada ti mo na ndö ti ayayu ni. Mo sara si ambinda aga pusu ti mbarata ti mo; mo yeke tambula na ndö ti pupu.

Abia (Psaumes) 139:9

Tongana mbi huru tongana ndeke ti gue na ndo so lâ ayeke londo daa, wala mbi gue ti lango na ndo so lâ ayeke kui daa,

Abia (Psaumes) 18:10

Lo dingi le ti nduzu si lo zu na sese, vukongo mbinda ayeke na gbe ti gere ti lo.

Abia (Psaumes) 68:17

Ngbanga ti nyen si mo hoto so li ti mo ayeke mingi mingi so, mo zia be na hoto so Nzapa asoro titene lo duti na ndö ni so? Biani, fade KOTA GBIA ayeke duti na ndö ni kpu na kpu.

Abia (Psaumes) 80:1

Bia ti Asaf; bia so ayeke ndali ti makonzi-bia. A he ni na kundi.

Abia (Psaumes) 99:1

*KOTA GBIA ayeke gbia, tere ti azo ayeke do! Lo duti na ndö ti *asheruben, sese ayeke yingi!

Sigingo 25:19

Asheruben use so na ye ti kangango na yanga ti sanduku ni ayeke gi ye oko, sheruben oko na yanga ni, oko na mbeni yanga ni.

Ezekiel 9:3

Gonda ti Nzapa ti Israel so ayeke na ndö ti *asheruben alondo na ndö ti ala si ague na mbage ti yanga ti kota da ti Nzapa. KOTA GBIA airi koli so ayu bongo ti len si ayoro ye ti sungo na mbeti na gbe ti kamba ti ndö ti bongo ti lo so;

Ahebro 1:14

A-ange ayeke gi ayingo so ayeke sara kua na Nzapa: lo yeke tokua ala titene ala sara nzoni na azo so lo ye ti soo ala.

1 Samuel 4:4

Aturugu ni atokua ambeni zo na Silo. Ala gue, aga na sanduku ti mbuki ti KOTA GBIA, lo so lo yeke na ndö ti dunia kue si lo yeke duti na ndö ti *asheruben. Andaa amolenge ti Heli use, Hofni na Pinas ayeke na tere ti sanduku ti mbuki ni.