2 Samuel 21:9 - Mbeti ti Nzapa - Tënë so amu fini

⁹ Gbia azia ala na maboko ti azo ti Gabaon si azo ti Gabaon akanga kamba na go ti ala na nduzu na li ti mbeni hoto na dawa ti KOTA GBIA. Azo ni mbarambara kue akui legeoko. Azo ti Gabaon afâ ala lani na ya ti akozo lango ti fango ale ti *orze.

2 Samuel 21:9 ပူးပေါင်းရင်းမြစ်များ

2 Samuel 21:6

Ayeke nzoni ala zia na maboko ti e azo mbarambara ti ya ti *hale ti lo, e kanga kamba na go ti ala na nduzu na dawa ti KOTA GBIA na Gibea, gbata so Saul aduti ando daa, Saul so KOTA GBIA asoro lo so.” Gbia akiri tënë: “Fade mbi yeke zia azo ni na maboko ti ala.”

2 Samuel 6:17

Na peko ti so ala ga na sanduku ti mbuki ti KOTA GBIA, ala zia ni na ndo so a leke ndali ni, na gbe ti da ti bongo so David aleke ndali ni. David amu asandaga so a yeke gbi ni kue na wâ nga na asandaga ti beoko na KOTA GBIA.

2 Samuel 6:21

David akiri tënë na Mikal: “Na dawa ti KOTA GBIA laa mbi sara ye tongaso. Lo soro mbi si lo ye mbi ahon babâ ti mo na asewa ti mo kue; lo zia mbi kota zo na ndö ti azo ti Israel, azo ti lo. Na dawa ti KOTA GBIA laa mbi yeke ngba ti sara ngia.

Sigingo 20:5

Alingbi mo kuku na gbe ti ayanda so pepe, mo voro ala pepe, ngbanga ti so mbi KOTA GBIA Nzapa ti mo, mbi yeke Nzapa so ayeke sara mbanda ti azo ti lo. Azo so asara sioni ti ke mbi, mbi yeke kiri na sioni ti azo ni na ndö ti *ahale ti ala, ngbii asi na molongo ota ni wala molongo osio ni.

Sigingo 9:31

*Len na *orze abuba awe, ngbanga ti so le ti orze ni asigigi awe si len ni amu kongo awe.

Sigingo 9:32

Me ambeni mara ti ale ti *ble nde nde abuba pepe, ngbanga ti so ala sigigi ti ala na pekoni.

Wungo ti azo 25:4

KOTA GBIA atene na Moïse: “Mo gbu amakonzi kue ti azo ni, mo kanga go ti ala na tere ti keke na nduzu, ala yeke baa le ti lâ, na dawa ti mbi. Tongaso si ngonzo ti mbi ade na tere ti azo ti Israel.”

Ndia ti fani use ni 21:22

Moïse atene: Mbeni ye tongaso alingbi ti si: mbeni zo asara mbeni ye so ayeke sioni mingi so alingbi na kuâ. Tongaso a fâ lo si a kanga kuâ ti lo na ya ti keke.

Ruth 1:22

Lege so laa Noemi na Ruth, wali ti molenge ti lo, zo ti Moab, alondo na sese ti Moab, ti kiri na Betlehem. Ala si na Betlehem na ndembe so azo ato nda ti fango ale ti *orze.

1 Samuel 15:33

Me Samuel atene na lo: “Yongoro zeme ti mo asara si amama ayeke na vundu ndali ti amolenge ti ala. Fade mama ti mo nga ayeke na vundu ndali ti molenge ti lo.” Tongaso, Samuel afâ Agag na dawa ti KOTA GBIA na Gilgal.