2 Samuel 21:7 - Mbeti ti Nzapa - Tënë so amu fini

⁷ Gbia abata Mefibaal, molenge ti Jonatan, ata ti Saul, ngbanga ti so lo na Jonatan asara lani *mbuki na dawa ti KOTA GBIA.

2 Samuel 21:7 ပူးပေါင်းရင်းမြစ်များ

2 Samuel 16:4

Gbia atene na Siba: “Tongaso, aye ti Mefibaal kue ayeke fadeso ti mo.” Siba akuku akpo li ti lo na sese si lo tene: “Gbia ti mbi, ayeke nzoni mo sara nzoni be na mbi lakue.”

2 Samuel 19:25

Mefibaal, ata ti Saul aga nga na lango ni so ti wara gbia. Ti londo na lango so gbia alondo na kodro ahon, ngbii asi na lango so lo kiri na nzoni tere na Jérusalem, Mefibaal afâ kua ti yanga ti lo pepe, lo sukula gere ti lo pepe, lo sukula nga bongo ti lo pepe.

2 Samuel 4:4

Andaa Jonatan, molenge ti Saul ayeke lani na mbeni molenge-koli so gere ti lo use kue abuba. Molenge ni ayeke na ngu oku na ndembe so ambeni zo alondo na Yizreel aga atene tënë ti kuâ ti Saul na ti Jonatan. Wali so ayeke bata molenge ni ayo lo ti kpe na lo. Na ya ti gbugburungo tere, molenge ni ati si gere ti lo abuba. Iri ti molenge ni ayeke Mefibaal.

2 Samuel 9:1

Mbeni lâ, David ahunda ndo, atene: “Mbeni zo ti sewa ti Saul angba na fini pepe? Mbi ye ti sara nzoni be na lo ndali ti Jonatan.”

2 Samuel 9:10

Mo, na amolenge ti mo, na azo ti kua ti mo, fade ala yeke fâ yaka ndali ti lo; ala yeke bongbi ale ti kobe ti yaka ni, ala ga na ni, tongaso si tara ti wa ti mo awara kobe ti tengo ni. Me ti Mefibaal, lo yeke te kobe lakue na meza ti mbi.” Siba ayeke na amolenge-koli baleoko na oku, azo ti kua baleuse.

2 Samuel 9:6

So Mefibaal, molenge ti Jonatan, tara ti Saul asi na ndo ti David awe, lo ti lo kpo li ti lo na sese na gbe ti David. David atene: “Mo Mefibaal laa?” Mefibaal akiri tënë: “Mbi zo ti kua ti mo laa.”

2 Samuel 9:7

David atene na lo: “Sara mbeto pepe; ndali ti babâ ti mo Jonatan, mbi ye ti sara nzoni be na mo. Fade mbi yeke kiri na mo asese so kue ayeke ti ata ti mo Saul; fade mo yeke te kobe lakue na meza ti mbi.”

Zo ti bongbingo azo 8:2

Mbi tene: E ma yanga ti gbia ndali ti dengo ba so e de na dawa ti Nzapa.

1 Samuel 18:3

Tongaso, Jonatan na David aleke tënë na popo ti ala, ngbanga ti so Jonatan aye lo tongana ti so lo ye na tere ti lo wani.

1 Samuel 20:12

Jonatan atene na David: “Na iri ti KOTA GBIA, Nzapa ti Israel, kekereke wala mbeni kekereke asi na ngbonga tongaso, fade mbi yeke li na ya ti babâ ti mbi ti hinga tënë ti be ti lo. Tongana tënë ti be ti lo ayeke nzoni na mbage ti mo David, fade mbi yeke tokua mbeni zo na mo pepe.

1 Samuel 20:15

ataa KOTA GBIA azi awato ti mo oko na oko na ndö ti sese so, fade mo yeke ke ti sara nzoni be na azo ti sewa ti mbi pepe.”

1 Samuel 20:17

Jonatan akiri ahunda na David ti deba yanga ti lo ti fa so, David angba ti ye ni Jonatan, ngbanga ti so ni Jonatan, ni ye David tongana ti so ni ye tere ti ni wani.

1 Samuel 20:42

Jonatan atene na David: “Gue nzoni! Biani, e use kue, e deba yanga ti e na iri ti KOTA GBIA awe: ayeke nzoni KOTA GBIA aduti na popo ti mbi na mo, na popo ti *ahale ti mbi nga na ahale ti mo kpu na kpu.”

1 Samuel 20:8

Sara nzoni be na mbi, ngbanga ti so mbi na mo, e ga *ambuki na le ti KOTA GBIA awe. Tongana mbi sara mbeni sioni ye, ayeke nzoni mo wani, mo fâ mbi ahon titene mo zia mbi na maboko ti babâ ti mo.”

1 Samuel 23:18

Ala use kue aleke tënë ti *mbuki na popo ti ala na dawa ti KOTA GBIA. David angba ti lo na Horsha si Jonatan akiri na ndo ti lo.

1 Samuel 24:22

Fadeso, ayeke nzoni mo deba yanga ti mo na mbi na iri ti KOTA GBIA, mo tene: na peko ti kuâ ti mbi, fade mo yeke fâ *ahale ti mbi pepe; mo yeke zi iri ti mbi na ya ti sewa ti babâ ti mbi pepe.”