2 Samuel 21:3 - Mbeti ti Nzapa - Tënë so amu fini

³ David ahunda ala, atene: “Nyen laa mbi lingbi ti sara ndali ti ala, nyen? Mbi lingbi ti sara nyen ti leke na sioni so azo asara na ala, tongaso si ala wara lege ti sara tufa na ndö ti azo ti KOTA GBIA?”

2 Samuel 21:3 ပူးပေါင်းရင်းမြစ်များ

2 Samuel 20:19

Na sese ti Israel kue, gbata ti e ayeke oko ti agbata so siriri ayeke daa si ayeke sara ye na legeni. Me ti mo, mo ye ti gi lege ti buba gbata so azo ayeke ne ni mingi na sese ti Israel! Ye so ayeke ti *KOTA GBIA, mo ye ti buba ni ngbanga ti nyen?”

Sigingo 32:30

Lango oko na pekoni, Moïse atene na azo ni, atene: “Ala sara kota siokpari awe. Me fadeso, mbi yeke gue na li ti hoto na mbage ti KOTA GBIA. Mbi hinga pepe, mbi yeke gi lege ti sara si lo zi siokpari na li ti ala.”

Awayango-sandaga 1:4

Zo ni ayeke zia maboko ti lo na li ti nyama ni. Tongaso KOTA GBIA ayeke yeda na sandaga ti zo ni si lo yeke zi siokpari na li ti lo.

Jonas 1:11

So *amapo ti le ngu ni ayeke londo gi londongo ngangu ti gue na ni, ala hunda lo, atene: “Fade e sara nyen na mo titene amapo ni akai na tere ti e so?”

Ahebro 9:22

Na lege ti ye so ndia afa, aye so a lingbi ti sukula asioni ni na mene pepe ayeke mingi pepe. Tongana mene atuku pepe, a lingbi ti zi siokpari na li ti azo pepe.

1 Samuel 2:25

Tongana zo asara sioni na mba ti lo, fade Nzapa ayeke gbu koko ti lo. Me tongana zo asara sioni na KOTA GBIA, zo wa laa ayeke gbu ande koko ti lo, zo wa?” Me amolenge ni ama tënë ti babâ ti ala pepe, ngbanga ti so KOTA GBIA aleke na be ti lo ti sara si ala kui.

1 Samuel 26:19

Fadeso, ayeke nzoni gbia, kota zo ti mbi ama tënë ti mbi, zo ti kua ti lo nzoni. Tongana KOTA GBIA laa apusu mo ti sara sioni na mbi, ayeke nzoni *sandaga so azo amu na lo ade be ti lo. Me tongana azo laa apusu mo, ayeke nzoni KOTA GBIA adeba ala, ngbanga ti so ala laa atumba mbi na kodro fadeso; ala laa ake titene mbi lango na kodro so KOTA GBIA amu na azo ti lo. Na sarango ye tongaso, ala ye ti tene na mbi: ‘Gue, mo voro ambeni nzapa nde!’