2 Samuel 21:2 - Mbeti ti Nzapa - Tënë so amu fini

² Gbia airi azo ti Gabaon ti tene tënë na ala. Azo ti Gabaon ayeke azo ti Israel pepe; me ala yeke tanga ti azo ti Amori so angba na fini. Azo ti Israel adeba yanga ti ala lani ti bata fini ti azo ti Gabaon. Me Saul, so tënë ti azo ti Israel na ti Juda agbu be ti lo ahon ndoni agi lege ti fâ azo ti Gabaon ti hunzi ala.

2 Samuel 21:2 ပူးပေါင်းရင်းမြစ်များ

Tongo nda ti aye 15:16

Fade amolenge ti mo ti molongo osio ni, ahale ti mo ayeke kiri ge, ngbanga ti so na ngoi ni so, ade sioni ti azo ti mara ti Amori ahon ndoni pepe.”

2 Samuel 24:1

Mbeni lâ, ngonzo ti *KOTA GBIA akiri alondo na tere ti azo ti Israel. Lo pusu David titene lo sara mbeni ye so ayeke sara sioni na ala; lo tene na lo: “Gue, mo diko wungo ti azo ti Israel na ti Juda.”

2 Agbia 10:16

Yehu atene na Yonadab: “Ga na tere ti mbi, fade mo yeke baa nzara ti *KOTA GBIA so ayeke gbi na be ti mbi.” Yehu amu lo na tere ti lo na ya ti pusu ti mbarata ti lo si ala gue legeoko na tambula ni.

2 Agbia 10:31

Me Yehu amu be ti lo kue pepe ti sara ye alingbi na tënë ti *ndia ti KOTA GBIA, Nzapa ti Israel. Siokpari so Yeroboam, molenge ti Nebat apusu lani azo ti Israel si ala sara so, Yehu azia lege ni pepe.

1 Mbai 1:14

Lo yeke kotara ti azo ti mara ti Yebus, ti Amori, ti Girgashi,

Jean 16:2

Fade azo ayeke tumba ala na ya ti ada ti sambelango Nzapa. Na ndö ni, ngbonga ni ayeke ga so fade ambeni zo ayeke fâ ala si azo ni ayeke tene na be ti ala atene, kua ti Nzapa laa ala yeke sara so.

Rome 10:2

Biani, ye so mbi hinga si mbi yeke tene tënë ni ayeke so, azuife ayeke na nzara mingi ti sarango kua ti Nzapa, me ala hinga taa lege ti kua ni pepe.

Galasii 4:17

Azo ni ayeke mu tere ti ala mingi na ala, azo ti Galasii, me tënë ti be ti ala ayeke nde; azo ni aye ti kangbi popo ti mbi na ala. Azo ni ayeke sara tongaso titene ala, azo ti Galasii amu tere ti ala kue gi na ala.

Ndia ti fani use ni 7:16

Amara so kue KOTA GBIA ayeke zia ala na maboko ti ala, azo ti Israel, alingbi ala baa mawa ti ala pepe, ala fâ ala kue ahunzi ala. Ala voro anzapa ti amara ni so pepe. Tongaso pepe, fade anzapa ni ayeke ga kuku ti gbungo ala.

1 Samuel 14:44

Saul atene: “Tongana mo kui pepe, ayeke nzoni Nzapa asara ye ti ngangu mingi na mbi!”