2 Samuel 21:16 - Mbeti ti Nzapa - Tënë so amu fini

¹⁶ Ishebi-Benob, mbeni *hale ti Harafa akanga afini ye ti bira na tere ti lo; bengba wen so a sara na likongo ti lo ane ahon kilo ota. Lo leke na be ti lo ti fâ David.

2 Samuel 21:16 ပူးပေါင်းရင်းမြစ်များ

Tongo nda ti aye 14:5

Na ngu baleoko na osio ni, Kedor-Laomer na agbia so aga na lo ague, atiri bira na azo ti mara ti Refa. Lo hon ndö ti ala na bira na Ashetarot-Karnaim; lo hon ndö ti azo ti mara ti Zuzi na bira na kodro ti Ham; lo hon ndö ti azo ti mara ti Emi na bira na lando ti Kiriataim.

Tongo nda ti aye 6:4

Ayongoro yongoro zo ayeke na ngoi ni na ndö ti sese. Na ndembe so amolenge-koli ti Nzapa ague, amu amolenge-wali ti azo si adu na ala so, andaa ayongoro zo ni angba; ala laa asara akota ye ando si iri ti ala awu mingi.

2 Samuel 21:18

Na pekoni, bira akiri alondo na popo ti azo ti Israel na azo ti Filistii na kodro ti Gob. Lani Sibkai, zo ti mara ti Husha afâ Saf, mbeni *hale ti Harafa.

2 Samuel 21:20

Mbeni bira akiri alondo na kodro ti Gat. Mbeni yongoro koli ayeke kâ, ali ti maboko ti lo ayeke omene, omene, ali ti gere ti lo ayeke nga omene, omene; wungo ni kue ayeke baleuse na osio. Lo yeke mbeni *hale ti Harafa.

2 Samuel 21:22

Aturugu osio ti gbata ti Gat so ayeke ahale ti Harafa. David na aturugu ti lo afâ ala.

2 Samuel 5:18

Azo ti Filistii asi si ala mu ndo so kue ayeke na popo-hoto ti azo ti Refa.

Wungo ti azo 13:22

Ala mu lege so ahon na mbage ti Mbongo si ala gue ngbii asi na Hebron, ndo so azo ti kete mara ti Ahiman, ti Sheshai na ti Talmai ayeke lango daa. Ala kue ayeke *ahale ti Anak. A sara gbata ti Hebron ngu mbarambara kozoni si a sara gbata ti Soan so ayeke na Ezipte.

Wungo ti azo 13:28

Gi ye oko, azo ti kodro ni ayeke ngangu mingi, agbata ni akono mingi si a sara angangu gbagba na tere ni. E baa nga *ahale ti azo ti mara ti Anak.

Ndia ti fani use ni 1:28

E yeke gue ti gi nyen kâ? A-ita ti e asara si be ti e afun kue, ngbanga ti so ala tene: ‘Azo ti sese ni ayeke ngangu ahon e, ala yeke ayongoro zo mingi ahon e. Agbata ti ala akono mingi, angangu gbagba ayeke na tere ni si ayo akpo le ti nduzu.’ Ala baa nga azo ti mara ti Anak kâ!”

Ndia ti fani use ni 2:10

Ando, azo ti mara ti Emi laa ayeke lango na Ar. Ala yeke angangu zo mingi, ala wu mingi si ala yeke ayongoro zo tongana azo ti mara ti Anak.

Ndia ti fani use ni 2:11

Ambeni zo abaa ala tongana azo ti mara ti Refa; ambeni zo abaa ala nga tongana azo ti mara ti Anak, me azo ti mara ti Moab ayeke iri ala azo ti mara ti Emi.

Ndia ti fani use ni 2:21

Ala yeke angangu zo mingi, ala wu mingi si ala yeke ayongoro zo tongana azo ti mara ti Anak. Me KOTA GBIA afâ ala ahunzi ala kue na gango ti azo ti mara ti Amon; azo ti mara ti Amon atumba ala na ya ti kodro ni si ala duti na plase ti ala.

Ndia ti fani use ni 3:11

– Og, gbia ti Bashan ayeke tanga ti azo ti mara ti Refa so angba na fini. Laso na Raba, li-kodro ti azo ti mara ti Amon, azo angba ti baa gbogbo ti lo, gbogbo ti lo ti wen so yongoro ni ahon metere osio, nduru ni ayeke metere use. –

Ndia ti fani use ni 9:2

Ala yeke tumba azo ti mara ti Anak, azo ti mara so ayeke ayongoro zo mingi si ala yeke ngangu mingi. Ala azo ti Israel, ala hinga tënë ti ala nzoni, azo ayeke tene tënë ti ala, atene: “Zo wa laa alingbi ti gbu le ni na *ahale ti Anak ni, zo wa?”

Josué 11:22

Mbeni zo ti mara ti Anak oko angba na sese ti Israel pepe. Me ambeni angba na ya ti agbata ti Gaza, ti Gat nga na ti Asdod.

Josué 15:14

Kaleb atumba azo ti kete mara ota ti Anak na Hebron: mara ti Sheshai, ti Ahiman na ti Talmai.

1 Samuel 17:7

Keke ti likongo ti lo akono tongana keke ti masini ti awasarango-bongo. Wen so a sara na likongo ti lo ane kilo mbarambara. Zo so ayo *vala ti lo ayeke tambula na dawa ti lo.