2 Samuel 21:15 - Mbeti ti Nzapa - Tënë so amu fini

¹⁵ Azo ti Filistii akiri alondo na bira na azo ti Israel. David na azo ti lo alondo ague, atiri bira na azo ti Filistii. Tere ti David awoko.

2 Samuel 21:15 ပူးပေါင်းရင်းမြစ်များ

2 Samuel 21:16

Ishebi-Benob, mbeni *hale ti Harafa akanga afini ye ti bira na tere ti lo; bengba wen so a sara na likongo ti lo ane ahon kilo ota. Lo leke na be ti lo ti fâ David.

2 Samuel 5:17

So azo ti Filistii ama a tene, azo atuku mafuta na li ti David titene lo ga gbia ti azo ti Israel, ala kue ague ti gi ti gbu lo. David ama tënë ni si lo zu na ndo so ngangu gbagba ayeke na tere ni.

2 Samuel 5:22

Azo ti Filistii akiri ague ti tiri bira na ndo so ayeke na popo-hoto ti azo ti Refa, ala mu ndo ni kue.

2 Samuel 5:25

David asara ye gi na peko ti yanga ti KOTA GBIA. Nilaa azo ti Israel afâ aturugu ti Filistii, ti londo na gbata ti Geba ngbii asi na gbata ti Gezer.

2 Samuel 8:1

Na pekoni, David ahon ndö ti azo ti Filistii na bira, lo zia kamene na le ti ala. Lo zi na maboko ti ala komandema so ala yeke sara na ndö ti akodro so angoro ala.

1 Mbai 20:4

Na pekoni, bira akiri alondo na popo ti azo ti Israel na azo ti Filistii na kodro ti Gezer. Lani Sibkai, zo ti mara ti Husha afâ Sipai, mbeni *hale ti Refa. Azo ti Filistii ati na gbe ti azo ti Israel.

Abia (Psaumes) 71:18

Ataa so mbi ga mbakoro si kua ti li ti mbi avuru awe, Nzapa, mo zia mbi pepe; tongaso si mbi lingbi ti fa ngangu ti mo na azo ti fadeso nga na azo so ayeke ga na peko.

Abia (Psaumes) 71:9

So fadeso mbi ga mbakoro awe so, mo ke mbi pepe; so ngangu ti mbi ayeke hunzi so, mo zia mbi pepe.

Abia (Psaumes) 73:26

Ataa tere ti mbi na be ti mbi awoko kue, Nzapa laa ayeke mu ngangu na be ti mbi, lo yeke ye so aga ti mbi kpu na kpu.

Zo ti bongbingo azo 12:3

Na ngoi ni so, fade asanziri so ayeke bata da, tere ti ala ayeke do; azo ti ngangu, peko ti ala aba bango; awali so ayeke nika ale ti kobe ayeke zia ti sara kua ti ala, ngbanga ti so ala yeke mingi pepe; awali so ayeke baa ndo na gigi na le ti fenetere, le ti ala avuko.