2 Samuel 21:10 - Mbeti ti Nzapa - Tënë so amu fini

¹⁰ Rispa, molenge-wali ti Aya, amu bongo ti mua so lo yu so, lo gbara na ndö ti kota têne si lo yeke lango na ndö ni, ti londo na ngoi so azo ato nda ti fa ale ti kobe ngbii asi na ngoi so ngu-Nzapa ato nda ti pika na ndö ti kuâ ti azo ni. Na kota lâ, Rispa ayeke tumba andeke ti nduzu titene ala ga aduti na ndö ti akuâ ni pepe; na bi, lo yeke tumba anyama ti ngonda yongoro na tere ti akuâ ni.

2 Samuel 21:10 ပူးပေါင်းရင်းမြစ်များ

Tongo nda ti aye 40:19

Angba lango ota, fade Faraon ayeke kiri ti zia mo na kota ndo ahon ti so be ti mo aye fade. A yeke kanga go ti mo na tere ti keke na nduzu si andeke ayeke ga ti te kasa ti tere ti mo.”

2 Samuel 21:11

Ye so Rispa, molenge-wali ti Aya, mbeni wali ti Saul, asara so, azo ague, atene tënë ni na David.

2 Samuel 3:7

Saul ayeke na mbeni wali ti lo so iri ti lo ayeke Rispa, molenge ti Aya. Mbeni lâ, Ishebaal atene na Abner: “Mo gi wali ti babâ ti mbi ngbanga ti nyen?”

1 Agbia 21:27

So Akab ama atënë so Élie atene, lo suru bongo na tere ti lo, lo yu bongo ti mua si lo ke kobe ti sambela. Na bi, lo yeke lango na bongo ti mua ni na tere ti lo si lo yeke tambula gi yeke-yeke.

Jérémie 14:22

Na popo ti asenge senge ye ti amara nde, mbeni yanda oko ayeke daa so alingbi ti sara si ngu apika? Yayu laa asara si ngu ayeke pika? KOTA GBIA Nzapa ti e, mo laa mo sara ye so pepe? E zia be ti e ti ku mo, ngbanga ti so mo laa mo sara aye so kue.”

Ezekiel 39:4

Mo na aturugu ti mo kue nga na gba ti azo so ayeke na tere ti mo, ala yeke kui na ndö ti ahoto ti Israel. Mbi yeke mu kuâ ti mo na *angoalo na andeke kue ti nduzu nga na anyama ti ngonda titene ala te.

Osée 6:3

Tongaso, e sara ngangu ti hinga KOTA GBIA. Nyen na nyen kue, lo yeke ga tongana lâ so ayeke sigigi ka na ndaperere; fade lo yeke ga na mbage ti e tongana ngu-Nzapa, tongana tanga ti ngu-Nzapa so ayeke tuku na ndö ti sese.”

Joël 1:18

Anyama ayeke dema mingi! Abagara atomboka kirikiri, ngbanga ti so ala wara pere ti tengo ni pepe. Ataa ataba, ala yeke baa nga pasi.

Joël 2:23

Ala azo so ayeke lango na *Sion, ala dodo na ngia, ala duti na ngia ndali ti KOTA GBIA, Nzapa ti ala. Na peko ti buru, lo yeke tokua na ala ngu-Nzapa ti zi ala na ya ti kpale, lo yeke tokua na ala ngu-Nzapa alingbi na angoi ni tongana ti kozoni.

Zakarii 10:1

Ala hunda na *KOTA GBIA titene lo tokua na ala tanga ti ngu-Nzapa. KOTA GBIA laa ayeke sara si ngangu pupu ti ngu-Nzapa aya; fade lo yeke sara nga titene ngu-Nzapa apika mingi si lo yeke sara titene kugbe ti kasa amai na yaka ti zo oko oko.

Ndia ti fani use ni 11:14

fade lo yeke sara titene ngu-Nzapa apika na ndö ti sese ti ala na ngoi ni so alingbi: ngu-Nzapa ti kozo ngoi na ngu-Nzapa ti ndangba ngoi. Tongaso, fade ala yeke wara anzoni le ti kobe, *ble, fini vin na mafuta.

Ndia ti fani use ni 21:13

Lo yeke zi bongo ti kanga ni na tere ti lo si lo yeke kiri na da ti koli ni. Lo yeke sara mua ti babâ na mama ti lo na ya ti nze oko. Na pekoni, koli ni ayeke bongbi na lo si lo yeke mu lo ti ga wali ti lo.

Ndia ti fani use ni 21:22

Moïse atene: Mbeni ye tongaso alingbi ti si: mbeni zo asara mbeni ye so ayeke sioni mingi so alingbi na kuâ. Tongaso a fâ lo si a kanga kuâ ti lo na ya ti keke.

Ndia ti fani use ni 21:23

Tongana ye ni ayeke tongaso, alingbi kuâ ti lo angba na ya ti keke ni na bi ngbii asi na ndaperere pepe. Alingbi ala lu kuâ ni gi na oko lango ni so, ngbanga ti so kuâ ti zo so a kanga ni na ya ti keke, ayeke sara si deba ti Nzapa aga na ndö ti azo. Fade ala yeke sara si kodro so KOTA GBIA Nzapa ti ala amu na ala aga *sioni pepe.

1 Samuel 17:44

Zo ti Filistii so atene na David: “Ga ge; fade mbi yeke mu kasa ti tere ti mo na andeke ti nduzu nga na anyama ti ngonda titene ala te.”

1 Samuel 17:46

Laso, fade KOTA GBIA ayeke zia mo na maboko ti mbi; mbi yeke fâ mo, mbi yeke fâ li ti mo. Gi laso, fade mbi yeke mu kuâ ti aturugu ti Filistii na andeke ti nduzu nga na anyama ti ngonda titene ala te ni. Tongaso, fade azo ti dunia kue ahinga atene Nzapa ayeke na Israel.