2 Samuel 21:1 - Mbeti ti Nzapa - Tënë so amu fini

¹ Na ngoi ti lengo-gbia ti David, kota nzara ati na ya ti kodro, asara ngu ota. David ahunda *KOTA GBIA si KOTA GBIA akiri tënë na lo, atene: “Ye ni asi ndali ti so Saul na asewa ti lo afâ azo ti gbata ti Gabaon.”

2 Samuel 21:1 ပူးပေါင်းရင်းမြစ်များ

Tongo nda ti aye 12:10

Mbeni kota nzara ati na ya ti kodro ni. Abram ague na Ezipte ti duti kâ ndali ti mbeni ngoi, ngbanga ti so nzara ni ahon ndoni na ya ti kodro ni.

Tongo nda ti aye 26:1

Mbeni kota nzara ati na ya ti kodro ni. Kota nzara ni so ayeke nde na ti so ati na ngoi ti Abraham. Isaac ague na kodro ti Gerar, na ndo ti Abimelek, gbia ti azo ti Filistii.

Tongo nda ti aye 41:57

Azo alondo na ya ti akodro kue si ala yeke ga na Ezipte ti vo ble na maboko ti Joseph, ngbanga ti so nzara ni ayeke ga gi ngangu ngangu na ya ti akodro kue.

Tongo nda ti aye 42:5

Tongaso amolenge ti Jacob ati na popo ti ambeni zo so ayeke gue na Ezipte ti vo ale ti kobe. Ala gue, ngbanga ti so kota nzara ati nga na sese ti Kanaan.

Tongo nda ti aye 43:1

Nzara ni angba ti hon ndoni na sese ti Kanaan.

2 Samuel 16:8

*KOTA GBIA afâ ngbanga na li ti mo ndali ti mene ti azo ti da ti Saul so mo tuku so. Mo nzi mbata ti gbia na maboko ti Saul, nilaa KOTA GBIA amu ni na molenge ti mo Absalom. Ti mo, mo ga fadeso zo ti mawa, ngbanga ti so mo yeke zo ti fango zo!”

2 Samuel 20:26

Ira, mbeni *hale ti Yair ayeke nga wayango-sandaga so ayeke sara kua na David.

2 Samuel 21:5

Azo ti Gabaon atene na gbia: “Saul aye lani ti fâ e kue ti hunzi e; lo ye ti mingo mara ti e na sese ti Israel kue.

2 Samuel 24:1

Mbeni lâ, ngonzo ti *KOTA GBIA akiri alondo na tere ti azo ti Israel. Lo pusu David titene lo sara mbeni ye so ayeke sara sioni na ala; lo tene na lo: “Gue, mo diko wungo ti azo ti Israel na ti Juda.”

2 Samuel 5:19

David ahunda *KOTA GBIA, atene: “Alingbi mbi gue, mbi tiri bira na azo ti Filistii so? Fade mo yeke zia ala na maboko ti mbi?” KOTA GBIA akiri tënë na David: “Mo gue! Fade mbi yeke zia ala na maboko ti mo.”

2 Samuel 5:23

David ahunda KOTA GBIA; KOTA GBIA atene: “Mo londo ge pepe ti tiri bira na ala; me mo hon na mbage ti peko ti ala si mo na ala atengbi tere na yanga ti gbako ti akeke ti mikokulie.

1 Agbia 17:1

Élie, zo ti kete kodro ti Tishebe, na sese ti Galaad atene na gbia Akab, atene: “*KOTA GBIA, Nzapa ti Israel ayeke na fini! Lo so mbi yeke sara na lo, mbi tene na mo: ‘Na ya ti angu so ayeke ga, ngu-Nzapa ayeke pika oko pepe, ataa ngu ti pere ayeke duti daa pepe, gi tongana mbi mu yanga si!’ ”

1 Agbia 18:2

Élie ague titene lo fa tere ti lo na Akab. Na ngoi ni so, nzara ahon ndoni na gbata ti Samarii.

2 Agbia 6:25

Mbeni kota nzara ati na ya ti gbata ni. So bira ni angba ti ninga, ye ni asara si azo ayeke ka li ti lele oko na ale ti nginza balemiombe; kete puru ti mbipa, ala ka ni na ale ti nginza oku.

2 Agbia 8:1

Wali so lani Élisée azingo molenge ti lo na kuâ so, Élisée atene lani na lo: “Londo, mo na asewa ti mo, ala gue, aduti na ndo so ala lingbi ti duti daa. Biani, *KOTA GBIA aleke na be ti lo ti tokua kota nzara na ya ti kodro ni; kota nzara ni ayeke ninga ande ngu mbarambara.”

Mbeti ti Job 10:2

Fade mbi yeke tene na Nzapa: Fâ ngbanga na li ti mbi pepe. Tënë so mo bi na li ti mbi so, fa na mbi ni si mbi hinga.

Abia (Psaumes) 27:8

Mbi yeke gbu li ti mbi na ndö ti tënë ti mo so mo tene: “Ala azo, ala gi le ti mbi!” Biani, KOTA GBIA, mbi yeke gi le ti mo!

Abia (Psaumes) 50:15

Tongaso, tongana ye ti ngangu asi na mo, mo iri mbi, fade mbi yeke zi mo na ya ni si mo yeke gonda mbi.

Abia (Psaumes) 91:15

Tongana lo iri mbi, fade mbi yeke kiri tënë na lo, mbi yeke duti na tere ti lo na ya ti ye ti ngangu so asi na lo; mbi yeke zi lo na ya ti ye ti sioni si mbi yeke sara titene a gonda lo.

Awayango-sandaga 26:26

Mbi yeke gbanzi na ala kobe; awali baleoko alingbi ti to kobe ti ala na ya ti duke oko; awali ni ayeke mu kobe ni gi kete kete ti ga na ni na ala, ala yeke te ni, me ya ti ala ayeke si pepe.

Wungo ti azo 27:21

Josué, lo wani, lo yeke luti na dawa ti wayango-sandaga Elazar; Elazar ayeke ga ti hunda mbi KOTA GBIA na lege ti Urim. Na pekoni, lo yeke tene peko ti tënë ti mbi na Josué. Fade Josué na bongbi ti azo ti Israel ayeke gue ti tiri bira, ala yeke kiri na kodro alingbi gi na yanga so mbi, KOTA GBIA, mbi mu.”

Josué 7:1

Azo ti Israel asara mbeni ye so ayeke sioni mingi ndali ti aye so *KOTA GBIA ake na ala ti mu ni. Mbeni zo ti mara ti Juda so iri ti lo Akan amu ambeni ye so KOTA GBIA ake na ala titene ala mu ni; nilaa ngonzo ti KOTA GBIA alondo tongana wâ na tere ti azo ti Israel. Akan ayeke molenge ti Karmi; Karmi ayeke molenge ti Zabdi si Zabdi ayeke molenge ti Zera.

Josué 9:20

Ye so e yeke sara ande na ala ayeke so: e yeke zia ala titene ala ngba na fini. Tongaso pepe, ngonzo ti KOTA GBIA ayeke ti na ndö ti e ndali ti deba ti yanga ti e so e de na ala so.

Ruth 1:1

Ando, na ngoi so awafango-ngbanga ayeke na li ti kodro ti Israel, mbeni kota nzara ati na ya ti kodro ni. Tongaso, mbeni koli ti kodro ti Betlehem, na sese ti Juda, lo na wali ti lo, na amolenge ti lo ti koli use, alondo na kodro ti ala ti gue ti duti ndali ti mbeni ngoi na ndo so azo ayeke fâ yaka daa, na sese ti Moab.

1 Samuel 10:22

Ala kiri ahunda KOTA GBIA, atene: “Koli so asi ge?” KOTA GBIA atene: “Baa lo laa, lo honde tere ti lo na popo ti akungba so.”

1 Samuel 23:11

Fade akota zo ti Keila ayeke zia mbi na maboko ti Saul? Saul ayeke ga ande biani na Keila tongana ti so mbi zo ti kua ti mo mbi ma tënë ni so? KOTA GBIA, Nzapa ti Israel, kiri tënë na mbi zo ti kua ti mo.” KOTA GBIA akiri tënë, atene: “Lo yeke ga.”

1 Samuel 23:2

David ahunda *KOTA GBIA, atene: “Mbi lingbi ti gue ti tiri bira na azo ti Filistii so senge?” KOTA GBIA akiri tënë na lo: “Mo gue, fade mo yeke kinda azo ti Filistii si mo soo azo ti gbata ti Keila na kuâ.”

1 Samuel 23:4

David akiri ahunda KOTA GBIA si KOTA GBIA akiri tënë na lo, atene: “Londo, mo gue na Keila; fade mbi yeke zia azo ti Filistii na maboko ti mo.”