2 Samuel 20:6 - Mbeti ti Nzapa - Tënë so amu fini

⁶ Tongaso David atene na Abishai: “Fadeso, Sheba, molenge ti Bikri ayeke sara sioni mingi na e ahon ti Absalom. Mo mu aturugu ti mbi, mo tumba peko ti koli so kozo titene lo gue, lo honde tere ti lo na ya ti agbata so angangu gbagba ayeke na tere ni.”

2 Samuel 20:6 ပူးပေါင်းရင်းမြစ်များ

2 Samuel 10:14

So azo ti Amon abaa so azo ti Sirii akpe awe, ala nga, ala kpe na dawa ti Abishai si ala kiri na ya ti gbata ti ala. Tongaso, Yoab azia lege ti tiringo bira na azo ti Amon si lo kiri na Jérusalem.

2 Samuel 11:11

Urii akiri tënë na David, atene: “Sanduku ti *mbuki ti *KOTA GBIA, aturugu ti Israel na ala ti Juda kue ayeke lango na gbe ti da ti bongo. Makonzi ti aturugu Yoab na aturugu ti lo ti kota kamba ayeke lango na ya ti ngonda si mbi, mbi gue ti mbi na da ti mbi ti te kobe, ti nyon ye, ti lango na tere ti wali ti mbi? Gbia ayeke na fini! Mbi yeke sara mara ti ye tongaso laoko pepe.”

2 Samuel 18:12

Me turugu ni akiri tënë na Yoab: “Ataa mo mu na mbi le ti nginza saki oko, mbi lingbi ti sara sioni na molenge ti gbia pepe. Gbia amu lani yanga na mo, na Abishai nga na Itai, atene: ‘Ala sara hange si ala ndu maseka-koli Absalom pepe!’ E kue, e ma lani tënë ni.

2 Samuel 18:2

David akangbi ya ti aturugu ni ota: lo zia Yoab, so iri ti mama ti lo ayeke Seruya, na li ti ambeni turugu ni, lo zia Abishai, ita ti Yoab, na li ti ambeni. Abishai ayeke molenge ti Seruya. Lo zia Itai, zo ti gbata ti Gat na li ti ambeni. Na pekoni, gbia atene na aturugu ni: “Mbi nga, mbi ye titene mbi na ala, e gue na bira ni.”

2 Samuel 19:7

Mo fa so mo ye azo so ake mo si mo ke azo so aye mo. Biani, mo ye ti fa atene, amakonzi ti aturugu ti mo na azo so kue ayeke sara kua na mo ayeke mbeni ye na le ti mo oko pepe. Fadeso mbi hinga awe: tongana e kue, e kui laso si Absalom angba fade na fini, ka ayeke nzoni na le ti mo!

2 Samuel 2:18

Yoab, Abishai na Asael, so iri ti mama ti ala ayeke Seruya ayeke lani kâ. Gere ti Asael ayapu na loro tongana ti dengbe.

2 Samuel 21:17

Me Abishai, so iri ti mama ti lo ayeke Seruya aga amu maboko na David si lo fâ zo ti Filistii ni. Nilaa aturugu ahunda na David ti deba yanga ti lo, atene: “Fade mo yeke kiri ti gue na bira na e pepe, tongaso pepe, gbia ayeke duti na Israel mbeni pepe.”

2 Samuel 23:18

Abishai, ita ti Yoab, so iri ti mama ti lo ayeke Seruya, lo yeke na popo ti aturugu ti batango gbia. Lo laa lo yo lani likongo ti lo na nduzu si lo koro ya ti azo 300; iri ti lo awu tongana ti akpengba turugu ota so.

2 Samuel 3:30

Yoab na ita ti lo Abishai afâ Abner, ngbanga ti so Abner afâ lani ita ti ala Asael na ya ti bira ti Gabaon.

2 Samuel 3:39

A tuku mafuta na li ti mbi titene mbi ga gbia awe; me fadeso, ade mbi wara ngangu mingi pepe si akoli so iri ti mama ti ala ayeke Seruya ayeke azo ti sarango ngangu mingi ahon mbi. Ayeke nzoni KOTA GBIA akiri sioni na zo ti sioni alingbi na sioni ti lo.”

1 Agbia 1:33

gbia atene na ala: “Ala bongbi azo ti yangbo ti mbi, ala mu pâkârâ ti mbi ti gbia, ala zia molenge ti mbi Salomon na ndö ni, ala gue na lo na li ti ngu ti Gihon.

1 Mbai 11:20

Abishai, ita ti Yoab, lo yeke na li ti akpengba turugu ota. Lo laa lo yo lani likongo ti lo na nduzu si lo koro ya ti azo 300; iri ti lo awu tongana ti akpengba turugu ota so.

1 Mbai 18:12

Abishai, so iri ti mama ti lo ayeke Seruya ahon ndö ti azo ti Edom na bira na popo-hoto ti Ingo; lo fâ ala 18 000.

Jérémie 8:14

“E ngba ti duti dutingo ngbanga ti nyen? E londo, e bongbi tere, e li na ya ti agbata so gbagba ti bira ayeke na tere ni, e duti kâ ti ku kuâ ti e ma! Biani, KOTA GBIA, Nzapa ti e aye gi kuâ ti e; lo ye titene e nyon gi ngu so sioni yoro ayeke daa, ngbanga ti so e sara siokpari ti ke lo.

Marc 3:24

Kodro so kue azo ni akangbi si ala yeke tiri na popo ti ala, fade kodro ni alingbi ti ngba kodro pepe.

1 Samuel 26:6

David airi Ahimelek, zo ti mara ti Het, na Abishai, ita ti Yoab so iri ti mama ti lo ayeke Seruya; lo hunda ala, lo tene: “Zo wa laa aye titene mbi na lo, e gue ngbii e si na ya ti bâbâ ti Saul, zo wa?” Abishai akiri tënë: “Fade mbi na mo, e yeke gue.”