2 Samuel 20:20 - Mbeti ti Nzapa - Tënë so amu fini

²⁰ Yoab akiri tënë: “Oko pepe! Mbi leke na be ti mbi ti buba ye oko pepe wala ti kungbi ye oko pepe!

2 Samuel 20:20 ပူးပေါင်းရင်းမြစ်များ

2 Samuel 20:10

Amasa asara hange pepe na yongoro zeme so Yoab agbu na maboko ti lo. Tongaso, lo kpo ya ti Amasa si avi ti Amasa atuku na sese. Yoab akiri akpo Amasa ti fani use pepe, ngbanga ti so lo kui awe. Na pekoni, Yoab na ita ti lo Abishai akiri alondo ti tumba peko ti Sheba, molenge ti Bikri.

2 Samuel 20:19

Na sese ti Israel kue, gbata ti e ayeke oko ti agbata so siriri ayeke daa si ayeke sara ye na legeni. Me ti mo, mo ye ti gi lege ti buba gbata so azo ayeke ne ni mingi na sese ti Israel! Ye so ayeke ti *KOTA GBIA, mo ye ti buba ni ngbanga ti nyen?”

2 Samuel 20:21

Tënë ni laa pepe. Me tënë ni ayeke ti mbeni koli so ayeke zo ti sese ti ahoto ti Efraim; iri ti lo ayeke Sheba, molenge ti Bikri. Lo tomboka na tere ti gbia David. Ala zia gi lo oko na maboko ti mbi si fade mbi londo na gbata ni, mbi hon.” Wali ni atene na Yoab: “Nzoni! Fade e yeke bi li ti lo na mo na ndö ti gbagba.”

2 Samuel 23:17

Lo tene: “KOTA GBIA, mbi lingbi ti sara ye tongaso oko pepe! Ngu so ayeke tongana mene ti azo so aka tere ti ala na kuâ ti gue ti to ngu ni so pepe?” Nilaa David ake ti nyon ngu ni. Baa ye so akpengba turugu ota so asara laa.

Mbeti ti Job 21:16

Ye ni laa: anzoni ye so azo so awara, ala yeke makonzi ni pepe! Ayeke nzoni mbi tara mara ti sarango ye ti azo ti sioni so oko pepe.

Mbeti ti Job 22:18

Andaa lo laa lo sara si da ti ala asi singo na mosoro. Ayeke nzoni mbi tara mara ti sarango ye ti azo ti sioni so oko pepe.

Amato 28:13

Zo so ahonde asioni ti lo, aye ti lo ayeke ga nzoni pepe; me zo so afa ni na gigi si lo zia lege ni, fade Nzapa ayeke sara nzoni be na lo.

Jérémie 17:9

“Be ti zo ayeke handa zo ahon tanga ti aye kue; zo alingbi ti kai kobela ni pepe. Zo wa laa alingbi ti hinga be ti zo?”

Nzoni Tënë so Luc asu na mbeti 10:29

Me wafango-ndia ni aye ti zi kamene na le ti lo si lo tene na Jésus: “Ka mba ti mbi ni ayeke zo wa?”