2 Samuel 20:19 - Mbeti ti Nzapa - Tënë so amu fini

¹⁹ Na sese ti Israel kue, gbata ti e ayeke oko ti agbata so siriri ayeke daa si ayeke sara ye na legeni. Me ti mo, mo ye ti gi lege ti buba gbata so azo ayeke ne ni mingi na sese ti Israel! Ye so ayeke ti *KOTA GBIA, mo ye ti buba ni ngbanga ti nyen?”

2 Samuel 20:19 ပူးပေါင်းရင်းမြစ်များ

Tongo nda ti aye 18:23

Abraham aga nduru si lo tene: “KOTA GBIA, mo yeke bongbi zo ti mbirimbiri na zo ti sioni kue ti fâ ala biani?

2 Samuel 14:16

Fade gbia ayeke yeda ti soo mbi na molenge ti mbi na maboko ti zo so aye ti zi e na popo ti azo so Nzapa asoro ala.’

2 Samuel 17:16

Na pekoni, lo kiri lo tene: “Fadeso, ala tokua mbeni zo na David hio ti tene na lo, atene: ‘Ayeke nzoni mo lango na lando ti Jourdain pepe; mo gue yongoro, tongaso pepe, a yeke fâ mo, mo na azo ti mo kue ahunzi ala.’ ”

2 Samuel 20:18

Wali ni atene: “Ando, azo ayeke tene ka, atene: ‘Ayeke nzoni a hunda azo ti Abel-Bet-Maaka si tënë ahunzi!’

2 Samuel 20:20

Yoab akiri tënë: “Oko pepe! Mbi leke na be ti mbi ti buba ye oko pepe wala ti kungbi ye oko pepe!

2 Samuel 21:3

David ahunda ala, atene: “Nyen laa mbi lingbi ti sara ndali ti ala, nyen? Mbi lingbi ti sara nyen ti leke na sioni so azo asara na ala, tongaso si ala wara lege ti sara tufa na ndö ti azo ti KOTA GBIA?”

1 Agbia 8:53

Biani, Kota Gbia NZAPA, mo laa mo soro e na popo ti amara kue ti sese so titene e ga azo ti mo. Mo tene tënë ni na e na lege ti Moïse, zo ti kua ti mo na ndembe so mo sara si akotara ti e asigigi na kodro ti Ezipte.”

Abia (Psaumes) 106:5

Tongaso si mbi lingbi ti baa ye ti nzoni so mo sara ndali ti azo so mo soro ala si mbi lingbi ti kangbi ngia so azo ti mo ayeke na ni si mbi lingbi ti pika kate ti mbi tongana ti azo so aga ye ti mo awe.

Abia (Psaumes) 124:3

na ngonzo ti ala ti wâ so alondo na tere ti e so, ka ala mene e na fini ni awe.

Abia (Psaumes) 33:12

Ti ala nzoni, amara so KOTA GBIA ayeke Nzapa ti ala! Ti ala nzoni, azo so KOTA GBIA asoro ala ti ga azo ti lo!

Abia (Psaumes) 78:71

na ndembe so lo yeke bata ataba. Lo sara si lo ga zo ti batango azo ti Jacob, azo ti lo; lo ga zo ti batango azo ti Israel, ye ti lo.

Jérémie 51:34

“Nabukodonosor, gbia ti Babilone ate mbi awe, lo pete ya ti mbi kue, lo do mbi, lo zia tongana sembe so ya ni angba senge. Lo mene mbi tongana kota ngbo so amene ye; lo sara si ya ti lo asi na anzerengo ye ti tere ti mbi; na pekoni lo bi tanga ni na ngonda.

Jérémie 51:44

KOTA GBIA atene: “Mbi yeke ga na tere ti Bel, nzapa ti Babilone. Ye so Bel angba ti mene, mbi yeke zi ni na yanga ti lo. Amara nde ayeke kiri ti gue gbani gbani na mbage ti lo pepe. Gbagba ti Babilone ati awe.

Abia ti demango tere 2:16

Awato ti ala azi yanga ti ala ti gi tënë na ala. Ala yeke huru yanga ti ala, ala yeke te pembe ti ala na ngonzo si ala yeke tene: “E yeke hunzi ala hunzingo. Een! Lango ni alingbi awe! E ku lango ni ngbii, e si daa awe, e baa ni awe!”

Abia ti demango tere 2:2

KOTA GBIA akungbi akete kodro ti sese ti Israel kue; lo baa mawa ti akodro ni oko pepe. Ngonzo ti lo ti wâ alondo; nilaa lo kungbi agbata ti Juda na sese; agbata so a sara angangu gbagba na tere ni so. KOTA GBIA abi kodro-gbia ni na sese, lo buba iri ti kodro ni na akota zo ni kue.

Abia ti demango tere 2:5

KOTA GBIA asara e tongana taa wato; lo hunzi azo ti kodro ti Israel kue; lo kungbi akota da ti amakonzi ni kue na sese; lo fâ angangu gbagba ti kodro ni na sese. Pasi ti azo ti kodro ti Juda ahon ndoni; gi demango tere na demango tere.

Wungo ti azo 16:32

Sese ni azi yanga ti lo si amene ala, na asewa ti ala kue nga na azo ti Kore na aye ti ala kue.

Wungo ti azo 26:10

Sese azi yanga ti lo si amene ala, ala na Kore kue. Na lango ni so laa bongbi ti azo ti Kore akui si wâ agbi akoli ngbangbo use na baleoku. Ye ni so asi ti ga tapande ndali ti tanga ti azo ni.

1 Korente 15:54

Tongana tere so ayeke buba aga tere so akiri ti buba pepe si tere so ayeke kui aga tere so alingbi ti kui pepe, fade tënë so Mbeti ti Nzapa atene ayeke ga taa-tënë. Mbeti ni atene: “A buba kuâ biani biani awe, a so benda na ndö ti lo biani awe!”

2 Korente 5:4

Biani, na ngoi so kue e yeke na ya ti da ti bongo so, so ti tene na ya ti tere ti e ti zo, e yeke dema na gbe ti mbeni nengo kungba. E ye ti zia tere ti e ti zo so pepe, me e ye titene a yu bongo ti yayu na ndö ti tere ni so, tongaso si fini amene ye so ayeke kui so.

Ndia ti fani use ni 20:10

Tongana ala ga nduru na mbeni gbata ti tiri bira na ni, fade ala yeke mu tënë ti siriri na azo ni.

Ndia ti fani use ni 32:9

Me azo ti Israel ayeke azo so aga ti KOTA GBIA, *ahale ti Jacob aga ye ti lo.

1 Timothée 2:2

Ala sambela ndali ti agbia na azo so kue ayeke na kota ndo si e wara lege ti duti kpoo na ya ti siriri, na gbungo tënë ti Nzapa mingi nga na nengo tere.

Awafango-ngbanga 5:7

Amakonzi ayeke daa mbeni pepe, makonzi oko ayeke daa pepe na kodro ti Israel ngbii asi na ngoi so, mbi Debora, mbi londo na nduzu, ngbii asi na ngoi so mbi ga tongana mama ti azo ti Israel.

1 Samuel 10:1

Samuel amu ngbenda ti mafuta, lo tuku mafuta ni na li ti Saul. Lo su ngbangba ti Saul si lo tene na lo: “*KOTA GBIA wani laa atuku mafuta na li ti mo titene mo ga makonzi na ndö ti azo ti lo.

1 Samuel 26:19

Fadeso, ayeke nzoni gbia, kota zo ti mbi ama tënë ti mbi, zo ti kua ti lo nzoni. Tongana KOTA GBIA laa apusu mo ti sara sioni na mbi, ayeke nzoni *sandaga so azo amu na lo ade be ti lo. Me tongana azo laa apusu mo, ayeke nzoni KOTA GBIA adeba ala, ngbanga ti so ala laa atumba mbi na kodro fadeso; ala laa ake titene mbi lango na kodro so KOTA GBIA amu na azo ti lo. Na sarango ye tongaso, ala ye ti tene na mbi: ‘Gue, mo voro ambeni nzapa nde!’