2 Samuel 20:15 - Mbeti ti Nzapa - Tënë so amu fini

¹⁵ Yoab na aturugu ti lo angoro gbata ti Abel-Bet-Maaka na bira, ngbanga ti so Sheba ayeke kâ. Ala bongbi sese aga *koto na tere ti gbagba ti gbata ni. Na pekoni, ala to nda ti pika gere ti gbagba ni titene gbagba ni ati.

2 Samuel 20:15 ပူးပေါင်းရင်းမြစ်များ

2 Samuel 20:14

Lo hon na ya ti sese kue ti Israel, lo gue ngbii lo si na gbata ti Abel-Bet-Maaka. Azo ti mara ti Beri kue abongbi tere si ala mu peko ti lo.

1 Agbia 15:20

Ben-Hadad ayeda na tënë ti gbia Asa si lo tokua amakonzi ti aturugu ti lo ti gue ti tiri bira na agbata ti Israel. Ala mu agbata ti Yon, ti Dan, ti Abel-Bet-Maaka nga na sese ti Kineret, na tanga ti sese ti Neftali kue.

2 Agbia 15:29

Na ngoi so Peka ayeke gbia ti Israel, Teglat-Falasar, gbia ti Sirii aga si lo mu agbata tongana: Iyon, Abel-Bet-Maaka, Yanoa, Kedesh na Hasor. Lo mu nga sese ti Galaad, ti Galile na ti Neftali kue. Lo gbu azo ti agbata ni si lo gue na ala na kodro ti Asirii.

2 Agbia 19:32

Ndani laa, tënë so KOTA GBIA atene na ndö ti gbia ti Asirii ayeke so: “Fade lo yeke li na ya ti gbata so pepe, lo yeke bi ale ti kokora kâ pepe, lo yeke gbu *vala ti tiri na ni pepe, lo yeke bongbi sese aga *koto na tere ti gbata ni pepe.

Zo ti bongbingo azo 9:14

mbeni kete gbata ayeke ando daa; azo ti gbata ni ayeke mingi pepe. Mbeni lâ, mbeni kota gbia aga ti tiri bira na ala. Gbia ni na aturugu ti lo angoro gbata ni si ala leke angangu ye ti bira na tere ni.

Ésaïe 37:33

Ndani laa, tënë so KOTA GBIA atene na ndö ti gbia ti Asirii ayeke so: “Fade lo yeke li na ya ti gbata so pepe, lo yeke bi ale ti kokora kâ pepe, lo yeke gbu *vala ti tiri na ni pepe, lo yeke bongbi sese aga *koto na tere ti gbata ni pepe.

Jérémie 32:24

“Fadeso azo ti Babilone abongbi sese si aga *koto, ala ga nduru na gbata ni titene ala mu ni awe; ala yeke tiri bira titene ala mu gbata ni. Na lege ti bira, kota nzara na sioni kobela ti bubango kodro, gbaa fade gbata ni ayeke ti na maboko ti ala. Tënë so lani mo tene, ni laa asi awe so; ti mo, mo yeke baa gi ni bango!

Jérémie 33:4

Biani, tënë so KOTA GBIA, Nzapa ti Israel atene ndali ti ada ti gbata so nga ndali ti ada ti agbia ti Juda so azo akungbi na sese ti kanga lege na sese so awato abongbi si aga *koto, ndali ti bira ayeke so:

Jérémie 6:6

Tënë so *KOTA GBIA so ayeke na ndö ti dunia kue atene ayeke so: “Ala de akeke na sese, ala bongbi sese aga *koto na tere ti Jérusalem.” Nda ti gbata ni asigigi awe: na ya ni kue, gi sarango ngangu na zo.

Ezekiel 4:2

Na pekoni, mo leke ambeni ye so afa atene, awato angoro gbata ni ti mu na bira; mo koro du na gbe ti sese na tere ni kue, mo bongbi sese aga *koto na tere ni, mo zia abâbâ ti aturugu nga na amasini ti bira angoro ni kue.

Nzoni Tënë so Luc asu na mbeti 19:43

Biani, ambeni lango ayeke ga so awato ti mo ayeke bongbi sese aga koto, angoro mo kue. Ala yeke ngoro mo si ala yeke pete mo mbage na mbage kue.