2 Samuel 20:13 - Mbeti ti Nzapa - Tënë so amu fini

¹³ Gi so lo zi kuâ ni na ndö ti lege awe, aturugu ayeke hon hongo na peko ti Yoab, ala luti pepe; ala yeke tumba peko ti Sheba, molenge ti Bikri.

2 Samuel 20:13 ပူးပေါင်းရင်းမြစ်များ

2 Samuel 20:1

Mbeni zo ti bingo kpale ayeke lani kâ, iri ti lo ayeke Sheba, molenge ti Bikri, zo ti mara ti Benjamin. Sheba ahuru tatalita, atene: “Nyen laa abongbi e na David, nyen? Mbeni ye abongbi e na molenge ti Yese? Azo ti Israel, ayeke nzoni zo oko oko akiri na da ti lo.”

2 Samuel 20:11

Mbeni turugu oko ti Yoab angba na tere ti kuâ ti Amasa si lo tene: “Zo so aye Yoab si lo yeke zo ti David, ayeke nzoni zo ni amu peko ti Yoab!”

2 Samuel 20:14

Lo hon na ya ti sese kue ti Israel, lo gue ngbii lo si na gbata ti Abel-Bet-Maaka. Azo ti mara ti Beri kue abongbi tere si ala mu peko ti lo.

2 Agbia 18:17

Andaa gbia ti Asirii ayeke na gbata ti Lakish. Kâ, lo tokua turugu ti lo ti kota kamba, na makonzi ti akota zo ti kua ti lo nga na makonzi ti aturugu ti batango lo, ala na gba ti aturugu; lo tokua ala na gbia Ezekias na Jérusalem. So ala si kâ awe, ala gue, aluti na tere ti du so ngu ayeke sua daa ti gue na ndo so a yeke bata ngu daa na nduzu; du ni ayeke na lege ti yaka ti azo ti sukulango bongo.

Amato 16:17

Azo so sarango ye ti ala ayeke na legeni, ala yeke kpe lege ti sioni ye; zo so aye ti bata fini ti lo, lo yeke sara hange na lege ti dutingo ti lo.

Ésaïe 36:2

Andaa gbia ti Asirii ayeke na gbata ti Lakish. Lo ngba kâ si lo tokua na Jérusalem makonzi ti aturugu ti batango lo na gba ti aturugu; lo tokua ala na gbia Ezekias. Turugu ni aluti na tere ti du so ngu ayeke sua daa ti gue na ndo so a yeke bata ngu daa na nduzu; du ni ayeke na lege ti yaka ti azo ti sukulango bongo.

Ésaïe 62:10

Azo ti Jérusalem, ala sigigi, ala sigigi hio na ya ti gbata ni! Ala gue, aleke lege na azo so ayeke kiri, ala kanga adu so ayeke na ndö ti alege, ala zi atêne na ndö ti alege ni, ala yo bendere na nduzu ndali ti azo ni.

Ésaïe 7:3

*KOTA GBIA atene na Ésaïe: “Mo mu molenge ti mo Shear-Yashub na tere ti mo, mo gue, mo wara tere na Ahaz. Lo yeke nduru na tere ti du so ngu ayeke sua daa ti gue na ndo so a yeke bata ngu daa na nduzu; du ni ayeke na lege ti yaka ti azo ti sukulango bongo.

Jérémie 31:21

Mo lu atêne na tere ti lege so mo yeke hon daa; mo kpo aye na nduzu na tere ti lege so mo yeke hon daa. Sara hange na lege so mo mu nga na lege so mo tambula daa. Maseka-wali Israel, mo kiri! Kiri na ya ti agbata so ayeke ti mo!

Wungo ti azo 20:19

Azo ti Israel akiri atene na lo: “E yeke mu gi kota lege. Tongana e na anyama ti e, e nyon ngu ti mo, fade e yeke futa ni futango. Ye so e hunda na mo ayeke titene mo zia e, e hon na ya ti kodro ti mo.”

Marc 10:46

Ala si na Jéricho. So Jésus na adisiple ti lo na gba ti azo ayeke sigigi ti hon, mbeni waziba, so iri ti lo Bartime, molenge ti Time, aduti na yanga ti lege si lo yeke iri ye na maboko ti azo.

Awafango-ngbanga 21:19

Tongaso ala tene: “Na ngu oko oko, a yeke sara matanga ti KOTA GBIA na kodro ti Silo so ayeke na Banga ti Betel, na To ti lege so alondo na Betel ti gue na Sishem, nga na Mbongo ti Lebona.”

1 Samuel 6:12

Amama ti bagara ni amu gi taa lege ti guengo na Bet-Shemesh; ala tambula mbage na mbage pepe. Na guengo ni ala yeke toto. Agbia ti azo ti Filistii amu peko ti ala ngbii asi na katikati ti Bet-Shemesh.