2 Samuel 20:1 - Mbeti ti Nzapa - Tënë so amu fini

¹ Mbeni zo ti bingo kpale ayeke lani kâ, iri ti lo ayeke Sheba, molenge ti Bikri, zo ti mara ti Benjamin. Sheba ahuru tatalita, atene: “Nyen laa abongbi e na David, nyen? Mbeni ye abongbi e na molenge ti Yese? Azo ti Israel, ayeke nzoni zo oko oko akiri na da ti lo.”

2 Samuel 20:1 ပူးပေါင်းရင်းမြစ်များ

Tongo nda ti aye 46:21

Amolenge ti Benjamin ti koli ayeke so: Bela, Beker, Ashebel, Gera, Naaman, Ehi, Rosh, Mupim, Hupim na Arde.

2 Samuel 15:10

Kâ, Absalom atokua azo ti lo na hondengo ni na amara ti Israel kue ti tene na ala, atene: “Tongana ala ma toto ti tatalita, ala tene: Absalom aga gbia na Hebron awe.”

2 Samuel 16:11

David atene na Abishai nga na azo ti yangbo ti lo kue, atene: “So molenge ti mbi so asigigi na ya ti mbi aye ti fâ mbi so, fade zo ti mara ti Benjamin so asara ye tongaso pepe? Ala zia lo, lo deba mbi tongana KOTA GBIA laa amu yanga na lo.

2 Samuel 16:7

Shimei adeba David, atene: “Hon kâ, hon kâ, buba zo, zo ti fango zo!

2 Samuel 18:17

A mu kuâ ti Absalom abi na ya ti mbeni kota du na ya ti gbako kâ; a zia gba ti atêne na ndö ni. Azo ti Israel kue akpe kirikiri, zo oko oko akiri na da ti lo.

2 Samuel 20:2

Tongaso azo ti Israel kue azia David si ala mu peko ti Sheba. Me azo ti Juda laa angba na tere ti gbia ti ala; ala mu peko ti lo, ti londo na yanga ti ngu ti Jourdain ngbii asi na Jérusalem.

2 Samuel 20:22

Wali ni ague, atene tënë ni na azo ti gbata ni na lege ti ndara. Nilaa ala fâ li ti Sheba, molenge ti Bikri si ala bi ni na Yoab. Yoab ahuru tatalita si aturugu ti lo alondo na gbata ni akiri na ndo ti ala. Yoab nga akiri na Jérusalem na tere ti gbia.

2 Samuel 23:6

Me azo so kue ayeke sara mbirimbiri ye pepe, ala yeke tongana amaboko ti keke ti ki so a bi ni. Zo ti gbu ni na maboko senge ayeke daa pepe.

1 Agbia 12:16

So azo ti Israel kue abaa atene, gbia ama tënë ti ala pepe, ala kiri tënë na gbia, atene: “Nyen laa ayeke na popo ti e na David, nyen? Nyen laa abongbi e na molenge ti Yese, nyen? Azo ti Israel, e kiri na ndo ti e! Ti mo *hale ti David, fadeso, mo baa ndo na ndö ti da ti mo!” Na pekoni, azo ti Israel akiri na da ti ala.

1 Agbia 21:10

Ala zia agodobe use na dawa ti Nabot titene ala bi tënë na li ti lo, atene: ‘Mo zonga Nzapa, mo zonga nga gbia ti kodro!’ Na pekoni, fade ala sigigi na lo na ya ti gbata ni, ala bo lo na têne titene lo kui!”

2 Mbai 10:16

So azo ti Israel kue abaa atene, gbia ama tënë ti ala pepe, ala kiri tënë na gbia, atene: “Nyen laa ayeke na popo ti e na David, nyen? Nyen laa abongbi e na molenge ti Yese, nyen? Azo ti Israel, zo oko oko akiri na da ti lo! Ti mo, *hale ti David, fadeso, mo baa ndo na ndö ti da ti mo!” Na pekoni, azo ti Israel kue akiri na da ti ala.

2 Mbai 10:6

Gbia Roboam ahunda wango na *akangba so asara lani kua na babâ ti lo Salomon, na ngoi so Salomon angba na fini. Lo hunda ala, lo tene: “Ti ala, wango ti nyen laa ala lingbi ti mu na mbi titene mbi kiri tënë na azo so?”

Abia (Psaumes) 17:13

KOTA GBIA, londo, gue na tere ti ala, mo kinda ala! Na lege ti yongoro zeme ti mo, mo zi mbi na maboko ti azo ti sioni.

Abia (Psaumes) 34:19

KOTA GBIA ayeke nduru na azo so be ti ala afâ, lo yeke soo ala so be ti ala awoko.

Amato 25:8

Ye so mo baa na le ti mo, mo mu tënë ni hio ti gue na ni na gbe ti ngbanga pepe. Tongaso pepe, tongana zo so tënë ni abaa lo ague, abi kamene na le ti mo, fade mo yeke kiri ti sara nyen?

Amato 26:21

Tongana ti so pindiri ti wâ asara si le ti wâ angba ti te, tongana ti so keke ti wâ asara si wâ angba ti za, zo so ayeke gi tënë mingi asara si papa alondo ngangu.

Marc 3:24

Kodro so kue azo ni akangbi si ala yeke tiri na popo ti ala, fade kodro ni alingbi ti ngba kodro pepe.

Nzoni Tënë so Luc asu na mbeti 19:14

Me amba ti lo azo ti kodro ni aye tënë ti lo pepe. Nilaa ala tokua ambeni zo na peko ti lo titene ala gue, atene: ‘E ye si koli so ale-gbia na ndö ti e pepe.’

Nzoni Tënë so Luc asu na mbeti 19:27

Âdu ti awato ti mbi so aye titene mbi le-gbia na ndö ti ala pepe so, ala mu ala, aga na ala na ndo so si ala fâ go ti ala na le ti mbi.’ ”

Jean 13:8

Pierre atene na lo: “Mo ye ti sukula gere ti mbi? Oko pepe!” Jésus atene na lo: “Tongana mbi sukula gere ti mo pepe, mbeni ye so mo lingbi ti ku na mbage ti mbi ayeke daa pepe.”

Ndia ti fani use ni 13:13

Mbeni ye tongaso alingbi nga ti si: mbeni lâ, ala azo ti Israel, ala ma a tene, na ya ti mbeni gbata oko so KOTA GBIA Nzapa ti ala amu na ala titene ala duti daa,

Awafango-ngbanga 19:22

So ala ngba ti te, ti nyon, akoli ti gbata ni na agodobe aga si ala ngoro da ni kue. Ala pika yanga ti da ni ngangu si ala tene na mbakoro-koli ni so ayeke wa ti da ni, atene: “Sigigi na koli so ayeke na ya ti da ti mo so. E ye ti lango na lo.”

Awafango-ngbanga 3:27

So lo si na sese ti Israel awe, lo huru didi na sese ti Efraim, ndo so ahoto ayeke daa titene lo bongbi azo ti Israel. Lo mu li ni, azo ti Israel ayeke na peko ti lo si ala londo ti zu hoto ni.

Ruth 2:3

Tongaso Ruth ague, asi na mbeni yaka si lo yeke ro ale ti kobe na peko ti azo ti fango ale ti kobe. Pasa ti lo, yaka so lo si daa ayeke yaka ti Booz, zo ti sewa ti Elimelek.

1 Samuel 13:2

Na popo ti azo ti Israel, Saul asoro aturugu saki ota. Aturugu saki use angba na tere ti lo na kodro ti Mikmas nga na sese ti ahoto ti Betel. Ambeni saki oko ayeke na tere ti molenge ti lo Jonatan na gbata ti Gibea, na sese ti Benjamin. Saul atene na tanga ti azo ti Israel titene zo oko oko akiri na ndo ti lo.

1 Samuel 2:12

Amolenge ti Heli ayeke asioni zo mingi. Ala yeke kpe mbeto ti *KOTA GBIA pepe.

1 Samuel 30:22

Na popo ti azo so amu peko ti David, ambeni zo ti sioni na abuba zo ayeke daa. Ala tene: “Aye so e gbu na peko ti bira so, azo so e na ala, e gue na bira pepe, fade e yeke mu na ala ye oko pepe. Me e yeke mu na ala gi awali ti ala na amolenge ti ala titene ala mu ala ague na ala.”