2 Samuel 2:5 - Mbeti ti Nzapa - Tënë so amu fini

⁵ David atokua na azo ti Yabesh so ayeke na sese ti Galaad atene: “Ayeke nzoni KOTA GBIA asara tufa na ndö ti ala, ngbanga ti so ala bata be ti ala na gbia ti ala Saul si ala lu kuâ ti lo so.

2 Samuel 2:5 ပူးပေါင်းရင်းမြစ်များ

Tongo nda ti aye 14:19

Lo sara tufa na ndö ti Abram, lo tene: “Ayeke nzoni Nzapa so ayeke na yayu kâ na ndö ti aye kue si lo sara yayu na sese, asara tufa na ndö ti Abram.

Tongo nda ti aye 14:22

Abram akiri tënë na lo, atene: “Baa, maboko ti mbi so mbi yeke yoro na mbage ti KOTA GBIA, Nzapa so ayeke na yayu kâ na ndö ti aye kue, lo so lo sara yayu na sese so.

2 Samuel 15:20

Mo si gi biri biri si laso, mbi lingbi ti mu mo ti hon na mo kirikiri? Ti mbi, mbi hinga ndo so mbi yeke gue daa pepe! Kiri na Jérusalem, mo mu a-ita ti mo na tere ti mo, mo gue na ala. Ayeke nzoni *KOTA GBIA asara nzoni be na mo, lo baa mawa ti mo!”

2 Samuel 21:12

Tongaso, David ague na ndo ti azo ti Yabesh, na sese ti Galaad titene lo ro abio ti Saul na ti molenge ti lo Jonatan. Biani, na ndembe so lani azo ti Filistii akinda Saul na hoto ti Gilboa, ala kanga kuâ ti lo na ti Jonatan na tere ti gbagba ti Bet-Shean. Kâ laa azo ti Yabesh aga anzi kuâ ti Saul na ti Jonatan.

Abia (Psaumes) 115:15

Ayeke nzoni KOTA GBIA so asara yayu na sese, asara tufa na ndö ti ala!

Josué 2:14

Azo ti bembengo ndo ni akiri tënë na lo: “E deba tere ti e na mo na le ti Nzapa: tongana mo sigigi na nda ti gango ti e na mbeni zo pepe, fade e yeke sara nzoni be na mo si e yeke sara ye na mo na legeni na ndembe so KOTA GBIA ayeke mu kodro ni na e.”

Awafango-ngbanga 21:8

Azo ti Israel atene: “Na popo ti amara ti Israel, mara wa laa ade ti ga na dawa ti KOTA GBIA na Mispa pepe?” Andaa zo oko ti gbata ti Yabesh, na sese ti Galaad aga pepe na ya ti bâbâ ni na ngoi ti bongbi ni so.

Ruth 1:8

Me Noemi atene na akogara ti lo use, atene: “Ala kiri! Zo oko oko ague na ndo ti mama ti lo. Ayeke nzoni KOTA GBIA angba ti sara nzoni be na ala tongana ti so ala sara ando nzoni be na amolenge ti mbi so akui awe si ala sara nga na mbi so.

Ruth 2:20

Noemi atene na Ruth: “KOTA GBIA so angba lakue ti sara nzoni be na azo so angba na fini nga na azo so akui awe, lo sara tufa na ndö ti koli so-oo.” Na pekoni, Noemi atene na Ruth: “Booz ayeke mbeni zo ti sewa ti e so popo ni ayo pepe, lo yeke mbeni zo so alingbi ti mu e, ti bata e.”

Ruth 3:10

Booz atene na lo: “Molenge ti mbi, KOTA GBIA asara tufa na ndö ti mo-oo. Ye so mo kiri mo sara so, ayeke nzoni ahon ti so mo sara kozoni. Mo kpe na peko ti amaseka-koli pepe, ataa azo ti mosoro wala azo ti mawa.

1 Samuel 11:1

Nahash, gbia ti azo ti mara ti Amon aga angoro gbata ti Yabesh, na sese ti Galaad ti tiri bira na azo ni. Azo ti Yabesh kue atene na Nahash: “Sara *mbuki na e si fade e yeke duti na gbe ti mo.”

1 Samuel 11:9

Ala tene na awatokua so alondo na Yabesh si aga so, atene: “Ala gue, atene na azo ti Yabesh, na sese ti Galaad, atene: Kekereke na kota lâ, fade azo ayeke ga ti mu maboko na ala.” Awatokua ni ague, atene tënë ni na azo ti Yabesh. Na mango tënë ni, be ti azo ni asi singo na ngia.

1 Samuel 15:13

Samuel aga nduru na tere ti Saul si Saul atene na lo: “KOTA GBIA asara tufa na ndö ti mo. Mbi sara ye alingbi na tënë ti yanga ti KOTA GBIA.”

1 Samuel 23:21

Saul atene: “Ayeke nzoni *KOTA GBIA asara tufa na ndö ti ala, ngbanga ti so ala baa mawa ti mbi.

1 Samuel 24:19

Laso, mo fa nzoni be ti mo na mbi awe. KOTA GBIA azia mbi na maboko ti mo titene mo fâ mbi, me mo fâ mbi pepe.