2 Samuel 2:23 - Mbeti ti Nzapa - Tënë so amu fini

²³ Me Asael ake ti zia peko ti Abner. Tongaso Abner amu ngbonda ti likongo ti lo, lo koro na ya ti Asael; likongo ni asigigi na peko ti lo. Asael ati si lo kui gi na ndo so. Azo so kue asi na ndo so Asael ati daa so, ala luti.

2 Samuel 2:23 ပူးပေါင်းရင်းမြစ်များ

2 Samuel 2:24

Yoab na Abishai atumba peko ti Abner. So lâ ayeke gue ti kui, ala si na Gibea-Ama, na mbage ti To ti Gia. Gibea-Ama ayeke na lege so ague na benyama ti Gabaon.

2 Samuel 20:10

Amasa asara hange pepe na yongoro zeme so Yoab agbu na maboko ti lo. Tongaso, lo kpo ya ti Amasa si avi ti Amasa atuku na sese. Yoab akiri akpo Amasa ti fani use pepe, ngbanga ti so lo kui awe. Na pekoni, Yoab na ita ti lo Abishai akiri alondo ti tumba peko ti Sheba, molenge ti Bikri.

2 Samuel 3:27

So Abner akiri na Hebron awe, Yoab amu lo yeke, ala hon yongoro kete, na yanga ti gbagba ti gbata ni, mo baa mo tene, lo ye ti tene mbeni tënë na lo so abaa gi ala use. Kâ, Yoab akpo ya ti Abner, lo fâ lo ndali ti ita ti lo Asael so lani Abner afâ lo so.

2 Samuel 3:30

Yoab na ita ti lo Abishai afâ Abner, ngbanga ti so Abner afâ lani ita ti ala Asael na ya ti bira ti Gabaon.

2 Samuel 4:6

Ala li na ya ti da, mo baa mo tene, ala gue ti mu *ble; ala koro ya ti lo, ala fâ lo. Na pekoni, Rekab na Baana akpe ahon.

2 Samuel 5:6

Gbia David na azo ti lo ague na Jérusalem ti tiri bira na azo ti Yebus so alango lani na sese ni. Ala tene na David: “Mo yeke li na ya ti gbata ti e pepe! Ataa awaziba, ataa azo ti bubango gere, ala yeke kanga lege na mo!” Tënë ni so aye ti tene: fade David ayeke mu gbata ni pepe.