2 Samuel 2:18 - Mbeti ti Nzapa - Tënë so amu fini

¹⁸ Yoab, Abishai na Asael, so iri ti mama ti ala ayeke Seruya ayeke lani kâ. Gere ti Asael ayapu na loro tongana ti dengbe.

2 Samuel 2:18 ပူးပေါင်းရင်းမြစ်များ

2 Samuel 1:23

Na lango ti fini Saul na Jonatan kue, azo so aye ala mingi. Ataa so ala kui, kuâ akangbi ala pepe. Ala yapu lani mingi ahon *angoalo, ngangu ti ala ahon ngangu ti abamara.

2 Samuel 14:1

Yoab, so iri ti mama ti lo ayeke Seruya ahinga atene, be ti gbia David akiri na mbage ti Absalom awe.

2 Samuel 2:19

Asael atumba peko ti Abner; lo gue na mbage ti maboko ti koli wala na mbage ti maboko ti wali pepe.

2 Samuel 22:34

Lo sara si gere ti mbi aga tongana ti tagba; lo sara si mbi luti mbirimbiri na ndö ti ahoto.

2 Samuel 23:24

Azo so ayeke na popo ti aturugu ti batango gbia ayeke Asael, ita ti Yoab; Elanan, molenge ti Dodo, zo ti Betlehem;

1 Agbia 2:5

David akiri atene na Salomon: “Sioni so kue Yoab, so iri ti mama ti lo ayeke Seruya, asara na mbi, mo hinga ni kue. Lo laa lo fâ amakonzi use ti aturugu ti Israel, Abner, molenge ti Ner na Amasa, molenge ti Yeter. Na fango azo ni, Yoab atuku mene ti azo na ngoi so kodro ayeke na siriri. Tongaso abongo ti lo kue gi na mene si tënë ni ayeke na li ti lo wani.

1 Mbai 11:26

Ambeni kpengba turugu ni ayeke Asael, ita ti Yoab; Elanan, molenge ti Dodo, zo ti Betlehem;

1 Mbai 12:8

Yoela na Zebadia, amolenge ti Yeroam, azo ti kodro ti Gedor.

1 Mbai 12:9

Na popo ti mara ti Gad, ambeni kpengba turugu amu peko ti David na ndo so lo honde tere ti lo daa na benyama. Ala hinga ti sara bira nzoni, ala yeke tiri bira na *vala, na likongo, ngangu ti ala ayeke tongana ti abamara; ala yeke kpe loro tongana adengbe na li ti ahoto.

Abia (Psaumes) 18:33

Nzapa so ayeke mu na mbi ngangu, lo yeke sara si lege ti mbi aga nzoni kue.

Zo ti bongbingo azo 9:11

Mbi kiri mbi baa ambeni ye na ndö ti sese so. Azo so ayeke kpe loro mingi, ala yeke so benda lakue pepe; akpengba zo ayeke kinda amba ti ala na bira lakue pepe. Azo ti ndara ayeke wara kobe ti tengo ni lakue pepe; azo ti hingango ndo ayeke wara mosoro lakue pepe; azo so ahinga ye mingi laa, azo ayeke gonda ala lakue pepe. Azo so kue so, mbeni lâ ala lingbi ti duti nzoni, mbeni lâ ye ti vundu alingbi ti si na ala.

B. ti abia 2:17

Kozo titene pupu ti lakui alondo si gbe ti de ahon, mo kamba ti be ti mbi, mo kiri ma! Mu loro tongana dengbe, tongana molenge ti wuga na ndö ti ahoto so akangbi tere.

B. ti abia 8:14

“Mo so mo yeke kamba ti be ti mbi so, mu loro tongana dengbe wala tongana molenge ti wuga na ndö ti ahoto so yombo ayeke daa.”

Amos 2:14

Ataa azo so gere ti ala ayapu na mungo loro, ala lingbi ti kpe pepe; ataa azo so ayeke na ngangu mingi, ala lingbi ti sara ye na ngangu ti ala ni pepe; ataa angangu turugu, ala lingbi ti soo fini ti ala pepe.

Habakuk 3:19

Kota Gbia NZAPA ayeke ngangu ti mbi. Lo sara si gere ti mbi ayapu tongana ti tagba, lo sara si mbi tambula na ndö ti ahoto. Bia so ayeke ndali ti makonzi-bia. A he ni na kundi.

1 Samuel 26:6

David airi Ahimelek, zo ti mara ti Het, na Abishai, ita ti Yoab so iri ti mama ti lo ayeke Seruya; lo hunda ala, lo tene: “Zo wa laa aye titene mbi na lo, e gue ngbii e si na ya ti bâbâ ti Saul, zo wa?” Abishai akiri tënë: “Fade mbi na mo, e yeke gue.”