2 Samuel 2:14 - Mbeti ti Nzapa - Tënë so amu fini

¹⁴ Abner atene na Yoab: “Mbi ye titene afini turugu ti e alondo atiri koli na koli na dawa ti e, e baa.” Yoab akiri tënë: “Nzoni!”

2 Samuel 2:14 ပူးပေါင်းရင်းမြစ်များ

2 Samuel 2:15

Afini turugu ni alondo ti gue. Wungo ti ala alingbi tere: ala ti mara ti Benjamin, ala so ayeke tiri bira ndali ti Ishebaal, molenge ti Saul ayeke baleoko na use, ala ti David ayeke baleoko na use.

2 Samuel 2:16

Turugu oko oko agbu li ti wato ti lo, lo kpo kate ti wato ti lo ni na yongoro zeme si ala kue akui legeoko. Nilaa azo adi iri ti ndo so ayeke na Gabaon so Yaka ti atêne.

2 Samuel 2:17

Na lango ni so, bira aza wâ ngangu mingi. Abner na azo ti Israel ati na gbe ti aturugu ti David.

2 Agbia 14:8

Tongaso Amasia atokua azo na Yoas, molenge ti Yoakaz, molenge ti Yehu, gbia ti Israel ti tene na lo, atene: “Ga, mbi na mo, e tengbi tere, e baa!”

Amato 10:23

Ti zo ti buba, sarango sioni ayeke tongana ye ti ngia ti lo; me ti zo ti hingango ndo, ndara ayeke tongana ye ti ngia ti lo.

Amato 17:14

Tongo nda ti papa ayeke tongana zingo lege na kota ngu ti buba ndo; kozo titene tiri aga ngangu, mo zia lege ni!

Amato 20:18

Tongana mo hunda anzoni wango, fade apialo ti mo ayeke ga nzoni; kozo titene mo londo ti gue na bira, ayeke nzoni mo leke gere ni nzoni si.

Amato 25:8

Ye so mo baa na le ti mo, mo mu tënë ni hio ti gue na ni na gbe ti ngbanga pepe. Tongaso pepe, tongana zo so tënë ni abaa lo ague, abi kamene na le ti mo, fade mo yeke kiri ti sara nyen?