2 Samuel 19:43 - Mbeti ti Nzapa - Tënë so amu fini

⁴³ Azo ti Juda akiri tënë na azo ti Israel, atene: “Ngbanga ti so gbia ayeke taa sewa ti e! Ala sara ngonzo ngbanga ti nyen? Gbia laa abata e? Lo mu na e akadoo?”

2 Samuel 19:43 ပူးပေါင်းရင်းမြစ်များ

2 Samuel 19:14

Fade ala yeke tene nga na Amasa: ‘Mo yeke taa ita ti mbi pepe? Tongana mbi zia mo makonzi na li ti aturugu biani biani na plase ti Yoab pepe, ayeke nzoni Nzapa asara ye ti ngangu mingi na mbi!’ ”

2 Samuel 19:9

Nilaa gbia ague, aduti na yanga ti gbata ni. A gue, atene tënë ni na aturugu; ala kue ague, abongbi tere ti ala na dawa ti gbia. Aturugu ti Absalom akpe si zo oko oko akiri na da ti lo.

2 Samuel 20:1

Mbeni zo ti bingo kpale ayeke lani kâ, iri ti lo ayeke Sheba, molenge ti Bikri, zo ti mara ti Benjamin. Sheba ahuru tatalita, atene: “Nyen laa abongbi e na David, nyen? Mbeni ye abongbi e na molenge ti Yese? Azo ti Israel, ayeke nzoni zo oko oko akiri na da ti lo.”

2 Samuel 20:6

Tongaso David atene na Abishai: “Fadeso, Sheba, molenge ti Bikri ayeke sara sioni mingi na e ahon ti Absalom. Mo mu aturugu ti mbi, mo tumba peko ti koli so kozo titene lo gue, lo honde tere ti lo na ya ti agbata so angangu gbagba ayeke na tere ni.”

2 Samuel 5:1

Amara kue ti Israel aga na mbage ti David na Hebron si ala tene na lo: “E azo ti mara ti mo laa, e asewa ti mo laa.

1 Agbia 12:16

So azo ti Israel kue abaa atene, gbia ama tënë ti ala pepe, ala kiri tënë na gbia, atene: “Nyen laa ayeke na popo ti e na David, nyen? Nyen laa abongbi e na molenge ti Yese, nyen? Azo ti Israel, e kiri na ndo ti e! Ti mo *hale ti David, fadeso, mo baa ndo na ndö ti da ti mo!” Na pekoni, azo ti Israel akiri na da ti ala.

Amato 13:10

Kuru baba ayeke sara si papa alondo; me ndara ayeke ye ti azo ti mango wango.

Amato 15:1

Kiringo tënë na nzoni be asara si ngonzo ade; me tënë ti songo be asara si ngonzo alondo.

Amato 17:14

Tongo nda ti papa ayeke tongana zingo lege na kota ngu ti buba ndo; kozo titene tiri aga ngangu, mo zia lege ni!

Amato 18:19

Ayeke ngangu ti ga nduru na tere ti mbeni ita so be ti lo aso tongana ti so ayeke ngangu ti li na ya ti mbeni gbata so ngangu gbagba ayeke na tere ni. Atënë ti papa ayeke tongana ngbongboro wen so a yeke kanga na yanga-da ti kota zo.

Rome 12:21

Mo zia sioni ye ahon ndö ti mo pepe; me mo hon ndö ti sioni ye na lege ti sarango nzoni ye.

Galasii 5:15

Me tongana ala yeke sara ye tongana ti anyama, ala yeke suru tere ti ala si ala yeke te tere na popo ti ala, ala sara hange: tongaso pepe, ala yeke fâ tere ti ala kue!

Galasii 5:20

vorongo anzapa nde, guengo na zo na gbe ti yoro, kengo zo, papa, kota be, ngonzo, gbugburungo tere ti gi na kota ndo, mungo mbage ti mbeni zo, kangbi,

Galasii 5:26

E sara kuru baba pepe! E gi yanga ti amba ti e pepe, e sara kota be na popo ti e pepe!

Filipe 2:3

Ala sara ye na gbugburungo tere ti gi na kota ndo pepe, ala sara nga ye na lege ti kuru baba pepe. Me ala baa tere ti ala tongana akete zo, ala baa amba ti ala tongana azo so ayeke kota ahon ala.

Jacques 1:20

Biani, zo so asara ngonzo ayeke sara ye ti mbirimbiri na le ti Nzapa pepe.

Awafango-ngbanga 8:1

Azo ti Efraim atene na Gédéon: “Mo sara mara ti ye tongaso na e ngbanga ti nyen? Na guengo ti mo ti sara bira na azo ti Madian, mo iri e ti mu maboko na mo pepe ngbanga ti nyen?” Ala suku na lo ngangu mingi.

Awafango-ngbanga 9:23

Na pekoni, Nzapa atokua mbeni yingo ti kangbi na popo ti Abimelek na akota zo ti gbata ti Sishem. Nilaa akota zo ni alondo ti ke lo.