2 Samuel 19:39 - Mbeti ti Nzapa - Tënë so amu fini

³⁹ Gbia atene: “Nzoni! Fade mbi na Kimham, e yeke gue; mbi yeke sara na lo tongana ti so anzere na be ti mo. Ye so kue mo yeke hunda na mbi, mbi yeke mu na mo.”

2 Samuel 19:39 ပူးပေါင်းရင်းမြစ်များ

Tongo nda ti aye 14:19

Lo sara tufa na ndö ti Abram, lo tene: “Ayeke nzoni Nzapa so ayeke na yayu kâ na ndö ti aye kue si lo sara yayu na sese, asara tufa na ndö ti Abram.

Tongo nda ti aye 28:3

Ayeke nzoni Nzapa so ngangu ti lo ahon angangu kue asara tufa na ndö ti mo. Lo yeke sara titene mo du amolenge, ala wu mingi. Lo yeke sara titene azo ti amara mingi mingi abaa gigi na lege ti mo.

Tongo nda ti aye 45:15

Lo su ngbangba ti a-ita ti lo kue si lo toto na tere ti ala. Na pekoni, a-ita ti lo atene tënë na lo.

Tongo nda ti aye 47:10

Jacob akiri abara Faraon, na pekoni, lo londo, lo sigigi.

Tongo nda ti aye 47:7

Joseph aga na babâ ti lo Jacob si lo fa lo na Faraon. Jacob abara Faraon.

2 Samuel 13:25

Gbia akiri tënë na Absalom: “Ên-en, molenge ti mbi! Tongana e kue, e gue, fade ayeke ga kungba na ndö ti mo mingi.” Absalom angba gi na ndö ti tisango ndo ni, me gbia ake ti gue. Lo sara gi tufa na ndö ti Absalom.

2 Samuel 14:33

Yoab ague, atene peko ti atënë ti Absalom kue na gbia. Gbia airi Absalom si lo gue na ndo ti gbia; lo kuku, lo kpo li ti lo na sese na dawa ti gbia. Tongaso gbia asu ngbangba ti lo.

2 Samuel 19:38

Zia lege na mbi, mbi kiri na gbata ti mbi; fade mbi kui kâ, nduru na du ti kuâ ti babâ ti mbi na ti mama ti mbi. Me baa, molenge ti mbi ti koli Kimham laa: fade mo na lo ayeke gue. Mo sara na lo tongana ti so mo baa nzoni na le ti mo.”

2 Samuel 6:18

So David amu sandaga ni awe, lo sara tufa na ndö ti azo ni na iri ti KOTA GBIA so ngangu ti lo ahon angangu kue.

2 Samuel 6:20

David akiri na da ti lo ti sara tufa na ndö ti azo ti da ti lo; me Mikal, molenge ti Saul ti wali ague, awara David na lege si lo tene na lo: “Laso, gbia ti Israel awara gonda mingi! Na le ti awali so ayeke sara kua na gbe ti azo ti gbia, gbia azi bongo na kate ti lo tongana mbeni senge zo!”

1 Agbia 19:20

Élisée azia abagara ni, lo mu loro na peko ti Élie si lo tene na lo: “Mo zia, mbi gue, mbi su ngbangba ti babâ na mama ti mbi si; na pekoni fade mbi yeke ga ti mu peko ti mo.” Élie atene na lo: “Mo gue! Mo kiri na yanga ti kua ti mo. Nyen laa mbi sara na mo, nyen?”

Wungo ti azo 24:25

Na peko ti atënë so, Balaam alondo ti kiri na kodro ti lo. Balak amu nga lege ti lo ti hon.

Nzoni Tënë so Luc asu na mbeti 2:34

Siméon asara tufa na ndö ti ala si lo tene na Marie, mama ti molenge ni, lo tene: “Baa, ndali ti Molenge so, fade azo ti Israel mingi ayeke ti si ambeni mingi ayeke londo. Molenge so ayeke ga mbeni ye ti kite;

Awatokua 20:37

Azo ni kue ati na toto si ala gbu Paul ngangu na kate ti ala ti su ngbangba ti lo.

1 Tesalonike 5:26

Ala bara a-ita kue na sungo ngbangba so ayeke nzoni na le ti Nzapa.

Ruth 1:14

Ruth na Orpa akiri atoto ngangu. Na pekoni, Orpa agbu mama ti koli ti lo na ya ti maboko ti lo, lo su ngbangba ti lo ti kiri. Me Ruth angba gi na tere ti mama ti koli ti lo.

1 Samuel 24:22

Fadeso, ayeke nzoni mo deba yanga ti mo na mbi na iri ti KOTA GBIA, mo tene: na peko ti kuâ ti mbi, fade mo yeke fâ *ahale ti mbi pepe; mo yeke zi iri ti mbi na ya ti sewa ti babâ ti mbi pepe.”