2 Samuel 19:30 - Mbeti ti Nzapa - Tënë so amu fini

³⁰ Gbia atene na lo: “Mo ngba ti diko atënë so kue ngbanga ti nyen? Mbi mu yanga titene mo na Siba akangbi asese ti Saul.”

2 Samuel 19:30 ပူးပေါင်းရင်းမြစ်များ

2 Samuel 1:26

Ita ti mbi Jonatan, ndali ti mo, mbi yeke na vundu. Mo ye mbi lani mingi; yengo so mo ye na mbi ahon ti so koli aye wali ti lo.

2 Samuel 19:18

Azo ti mara ti Benjamin saki oko amu peko ti Shimei. Siba, zo ti kua ti Saul na amolenge ti lo baleoko na oku, na azo ti kua ti lo baleuse amu nga peko ti Shimei. Ala ye fade titene ala si na yanga ti ngu ti Jourdain ti wara gbia

2 Samuel 19:29

Ti mo, azo kue ti ya ti sewa ti ata ti mbi Saul alingbi fade na kuâ. Me ti mbi, mo zia mbi na popo ti azo so alingbi ti te kobe na ndö ti meza ti mo. Mbeni ye ayeke daa so alingbi ti mu lege na mbi ti kiri ti hunda ye na maboko ti mo?”

2 Samuel 19:31

Mefibaal atene na gbia: “Siba alingbi ti mu ni kue senge! Kota ye ni ayeke so, gbia akiri na nzoni tere na kodro awe.”

2 Samuel 9:9

Gbia airi Siba, zo ti kua ti Saul si atene na lo: “Mbi mu aye so kue ayeke ti wa ti mo Saul na ti asewa ti lo kue na tara ti lo Mefibaal awe.

Awatokua 20:24

Me mbi baa so fini ti mbi ayeke senge ye na le ti mbi. Ye so mbi yeke gi lege ni, ayeke ti hunzi kua ti mbi, ti sara ye so kue Kota Gbia Jésus amu na mbi ti sara, so ti tene kua ti fango Nzoni Tënë ti nzoni be ti Nzapa na azo.

Filipe 1:20

Ndali ti ye so mbi yeke ku si mbi zia be ti mbi ti ku ni, kamene ayeke gbu ande mbi pepe. Me ti londo laso ngbii asi na tanga ti alango kue, ataa mbi kui wala mbi ngba na fini, mbi hinga biani na be ti mbi, mbi tene, dutingo ti mbi ayeke fa ande na azo so Christ ayeke kota mingi.