2 Samuel 19:29 - Mbeti ti Nzapa - Tënë so amu fini

²⁹ Ti mo, azo kue ti ya ti sewa ti ata ti mbi Saul alingbi fade na kuâ. Me ti mbi, mo zia mbi na popo ti azo so alingbi ti te kobe na ndö ti meza ti mo. Mbeni ye ayeke daa so alingbi ti mu lege na mbi ti kiri ti hunda ye na maboko ti mo?”

2 Samuel 19:29 ပူးပေါင်းရင်းမြစ်များ

2 Samuel 19:28

Zo ti kua ti mbi ague, atene mvene na iri ti mbi na mo gbia. Me gbia ti mbi, mo yeke tongana *ange ti Nzapa; mo sara ye so mo baa nzoni na le ti mo.

2 Samuel 19:30

Gbia atene na lo: “Mo ngba ti diko atënë so kue ngbanga ti nyen? Mbi mu yanga titene mo na Siba akangbi asese ti Saul.”

2 Samuel 9:2

Andaa mbeni koli so iri ti lo Siba ayeke sara ando kua na da ti Saul. Azo ague, amu lo, aga na lo na David. Gbia ahunda lo, atene: “Mo Siba laa?” Lo kiri tënë: “Een, mbi zo ti kua ti mo laa.”

2 Samuel 9:7

David atene na lo: “Sara mbeto pepe; ndali ti babâ ti mo Jonatan, mbi ye ti sara nzoni be na mo. Fade mbi yeke kiri na mo asese so kue ayeke ti ata ti mo Saul; fade mo yeke te kobe lakue na meza ti mbi.”

2 Samuel 9:9

Gbia airi Siba, zo ti kua ti Saul si atene na lo: “Mbi mu aye so kue ayeke ti wa ti mo Saul na ti asewa ti lo kue na tara ti lo Mefibaal awe.

Abia (Psaumes) 101:5

Zo ti tenengo mvene na iri ti amba ti lo na hondengo ni, fade mbi yeke kanga yanga ti lo. Zo so abaa amba ti lo tongana mbumbuse ye si baba ahon ndö ti lo, mbi lingbi ti kanga be ti mbi na lo pepe.

Abia (Psaumes) 82:2

“Ala yeke fâ ngbanga ti kirikiri ngbii asi lawa? Ala yeke mu mbage ti azo so tënë ayeke na li ti ala ngbii asi lawa? Luti kete

Amato 18:13

Zo so akiri tënë hio kozo titene lo ma tënë nzoni, lo yeke fa buba ti lo na gigi si lo yeke zia kamene na le ti lo wani.

Awatokua 18:15

Me ndali ti so ayeke apapa na ndö ti atënë senge, na ti a-iri, na tënë ti ndia ti ala wani, tënë ni abaa gi ala! Mbi yeke fâ mara ti ngbanga tongaso pepe!”