2 Samuel 19:24 - Mbeti ti Nzapa - Tënë so amu fini

²⁴ Na pekoni, gbia atene na Shimei: “Fade a yeke fâ mo pepe, mbi deba yanga ti mbi awe.”

2 Samuel 19:24 ပူးပေါင်းရင်းမြစ်များ

2 Samuel 12:20

Tongaso, David alondo na sese, lo sukula ngu, lo sara yombo na tere ti lo, lo sanze abongo ti lo. Na pekoni, lo gue na ya ti da ti KOTA GBIA ti voro lo. So lo kiri na da ti lo awe, lo hunda titene a ga na lo kobe lo te.

2 Samuel 15:30

David ayeke ma hoto ti a-olive na toto na yanga ti lo. Lo kanga bongo na li ti lo si lo yeke tambula gere senge. Azo so kue ayeke na tere ti lo ti gue na li ti hoto ni, ala nga akanga bongo na li ti ala si ala yeke toto.

2 Samuel 16:3

Gbia akiri ahunda lo, atene: “Mefibaal, ata ti wa ti mo ayeke na ndo wa?” Siba akiri tënë na gbia, atene: “Lo ngba na Jérusalem. Biani, lo tene: ‘Laso laa azo ti Israel ayeke zia mbata ti gbia ti ata ti lo na lo.’ ”

2 Samuel 9:11

Siba atene na gbia: “Aye so kue gbia amu yanga na mbi ti sarango ni, fade mbi zo ti kua ti mo, mbi yeke sara ni. Me ti Mefibaal, lo yeke te ka kobe na meza ti mbi, ngbanga ti so lo yeke ata ti Saul.”

1 Agbia 2:8

Mo girisa Shimei pepe, molenge ti Gera, zo ti kete kodro ti Bahurim; lo yeke zo ti mara ti Benjamin. Lani so mbi yeke kpe ti gue na Mahanaim, lo deba mbi sioni sioni. Me na pekoni, lo gue na yanga ti ngu ti Jourdain ti yamba mbi. Mbi deba yanga ti mbi na lo na le ti *KOTA GBIA, mbi tene: ‘Fade mbi yeke fâ lo pepe.’

Sigingo 19:10

KOTA GBIA akiri atene na Moïse: “Gue na mbage ti azo ni, mo tene na ala titene ala *sukula sioni ti ala laso nga na kekereke; ala sukula nga abongo ti ala.

Ésaïe 15:2

Azo ti Dibon ague ti toto na ndo so a leke na nduzu ti voro anzapa nde daa. Na Nebo nga na Medeba, azo ti Moab ayeke he bia ti demango tere. A kio kua ti li ti azo kue, a fâ kua ti yanga ti azo kue.

Jérémie 41:5

Tongaso, ambeni zo balemiombe alondo na Sishem, Silo nga na Samarii si aga. Azo ni akio kua ti yanga ti ala kiongo, ala suru bongo surungo na tere ti ala si ala suru tere ti ala na ka. Ala ga na asandaga ti ble na ti dukani ti ya ni na Nzapa na ya ti kota da ti lo na Jérusalem.

Matthieu 6:16

“Tongana ala yeke ke kobe ti sambela, ala duti na vundu pepe tongana ti azo so tënë ti yanga ti ala ayeke nde na sarango ye ti ala: azo ni ayeke sara le ti ala kirikiri ti fa na azo atene, ala yeke ke kobe ti sambela. Mbi tene na ala taa-tënë: azo ni awara ti ala futa ni awe.

Rome 12:15

Ala sara ngia na azo so ayeke na ngia, ala toto na azo so ayeke toto.

Ahebro 13:3

Ala dabe ti ala na azo so ayeke na da ti kanga, ala baa tere ti ala tongana azo so ayeke nga na da ti kanga oko na azo ni. Ala dabe ti ala na azo so a yeke sara sioni na ala, ngbanga ti so ala nga, a-ita, ala yeke na tere tongana ti azo so a yeke sara sioni na ala so.