2 Samuel 19:20 - Mbeti ti Nzapa - Tënë so amu fini

²⁰ si atene na lo: “Gbia ti mbi, ayeke nzoni mo zia be ti mo pepe na ndö ti sioni so mbi sara na mo. Mo dabe ti mo pepe na sioni so mbi sara na mo na ndembe so mo londo na Jérusalem ti sigigi. Mo bata tënë so na be ti mo pepe!

2 Samuel 19:20 ပူးပေါင်းရင်းမြစ်များ

Tongo nda ti aye 48:14

Me Jacob amu maboko ti lo ti koli ahon na ni na ndö ti maboko ti lo ti wali si lo zia na li ti Efraim so ayeke ngambe ni. Lo mu maboko ti lo ti wali, lo hon na ni na gbe ti maboko ti lo ti koli si lo zia na li ti Manase, ataa so Manase ayeke kozo molenge ni.

Tongo nda ti aye 48:20

Lo sara tufa na ndö ti ala na lango ni so, lo tene: “Fade azo ti Israel ayeke sara tufa na ndö ti azo na iri ti amolenge ni, atene: ‘Ayeke nzoni Nzapa asara na ala tongana ti so lo sara na Efraim na Manase so.’ ” Lege so Jacob azia Efraim na kozo ndo si lo zia Manase na peko laa.

2 Samuel 16:5

So David asi nduru na Bahurim awe, mbeni koli asigigi, lo na Saul ayeke mara oko, iri ti lo ayeke Shimei, molenge ti Gera. Lo sigigi na ya ti kodro ni si lo yeke deba David.

2 Samuel 19:21

Gbia ti mbi, mbi hinga so mbi sara siokpari awe. Me laso, mbi yeke kozo zo na popo ti azo ti Israel kue ti Banga ti ga ti wara mo.”

2 Samuel 19:9

Nilaa gbia ague, aduti na yanga ti gbata ni. A gue, atene tënë ni na aturugu; ala kue ague, abongbi tere ti ala na dawa ti gbia. Aturugu ti Absalom akpe si zo oko oko akiri na da ti lo.

1 Agbia 12:20

So azo ti Israel ti mbage ti Banga kue ama a tene, Yeroboam akiri awe, ala tokua ti iri lo ti ga na ya ti kota bongbi ti ala. Ala mu lo ti ga gbia na ndö ti Israel kue. Gi azo ti mara ti Juda oko laa angba na gbe ti komandema ti azo ti sewa ti David.

1 Agbia 12:25

Yeroboam asara ngangu gbagba na tere ti gbata ti Sishem si lo duti daa; gbata ti Sishem ayeke na sese ti Efraim, ndo so ahoto ayeke daa. Na pekoni, lo londo na Sishem si lo gue, lo sara ngangu gbagba na tere ti gbata ti Penuel.

Jérémie 22:23

Mo so lani mo duti kpoo na ndö ti hoto ti Liban; lani mo sara da ti mo na ya ti keke ti sedre tongana ti ndeke, fade mo yeke dema na ndembe so pasi ayeke ga na ndö ti mo; ye ayeke gboto mo si mo yeke do tere ti mo tongana wali na ndembe ti dungo ni!”

Osée 5:15

“Fade mbi *KOTA GBIA, mbi yeke gue, mbi yeke kiri na ndo ti mbi ngbii asi na ngoi so ala hinga sioni ti ala, ala gi le ti mbi si. Na ndembe so ye ti ngangu ayeke si na ala, fade ala yeke gi mbi.”

Osée 5:3

“Mbi, mbi hinga azo ti Efraim, azo ti Israel ahonde na le ti mbi pepe. Fadeso, ala azo ti Efraim, ala sara ye ti ndumba si azo ti Israel aga *sioni ndali ni.”