2 Samuel 19:19 - Mbeti ti Nzapa - Tënë so amu fini

¹⁹ kozo titene ngo so ayo gbia na asewa ti lo afâ ngu. Azo ni aye fade ti sara ye alingbi na yanga so gbia amu. So gbia afâ ngu awe, Shimei, molenge ti Gera ati na sese na gbe ti gbia

2 Samuel 19:19 ပူးပေါင်းရင်းမြစ်များ

2 Samuel 13:20

Ita ti lo Absalom ahunda lo, atene: “Ita ti mo Amnon alango na mo? De be ti mo! Tene tënë ni na zo oko pepe; ita ti mo laa. Zia be ti mo daa pepe.” Nilaa Tamar ayeke lango na ya ti da ti ita ti lo Absalom tongana mbeni wali so zo ado lo azia.

2 Samuel 13:33

Ayeke nzoni gbia abaa atene, a fâ amolenge ti lo kue awe pepe. Gi Amnon oko laa akui

2 Samuel 19:18

Azo ti mara ti Benjamin saki oko amu peko ti Shimei. Siba, zo ti kua ti Saul na amolenge ti lo baleoko na oku, na azo ti kua ti lo baleuse amu nga peko ti Shimei. Ala ye fade titene ala si na yanga ti ngu ti Jourdain ti wara gbia

Abia (Psaumes) 32:2

Ti lo nzoni, zo so *KOTA GBIA adiko sioni ti lo na li ti lo pepe, so tënë ti handango zo ayeke na be ti lo pepe!

Abia (Psaumes) 79:8

Siokpari so akotara ti e asara ando so, bi tënë ni na li ti e pepe! Ga hio mo baa mawa ti e, ngbanga ti so e ti biani awe.

Zo ti bongbingo azo 10:4

Tongana makonzi ti mo asara ngonzo na tere ti mo, ayeke nzoni mo do ndo ti kua ti mo, mo zia pepe. Be ti mo aduti kpoo, tongaso si mo kanga lege na ambeni sioni sarango ye.

Ésaïe 43:25

Me mbi, gi mbi oko, mbi wani laa mbi yeke zi siokpari na li ti mo; fade mbi yeke kiri ti dabe ti mbi na sioni ti mo pepe.

Jérémie 31:34

Zo oko na popo ti ala ayeke kiri ti fa ye na mba ti lo wala na ita ti lo pepe, atene: ‘Ala hinga KOTA GBIA!’ Biani, ti londo na kete zo asi na kota zo, fade ala kue ayeke hinga mbi; so tënë ti yanga ti KOTA GBIA laa. Mbi yeke zi sioni ti ala, mbi yeke kiri ti dabe ti mbi na siokpari ti ala pepe.”

Wungo ti azo 12:11

Tongaso lo tene na Moïse: “Ae babâ! Mbi gbu gere ti mo, sara titene ngbanga ti siokpari ti e ati na li ti e pepe. E sara siokpari, e sara ye tongana azo so li ti ala ayeke daa pepe!

Matthieu 27:4

Lo tene na ala: “Mbi sara siokpari awe, ngbanga ti so mbi ka na ala mbeni zo so asara sioni oko pepe.” Me ala kiri tënë na lo, atene: “Ti e daa nyen? So abaa gi mo!”

2 Korente 5:19

Biani, Nzapa laa asara si songo akiri na popo ti lo na azo na lege ti Christ. Lo kanga le ti lo na ndö ti asiokpari ti azo, lo zia tënë ti lekengo songo na yanga ti e ti tene ni na azo.

1 Samuel 22:15

Gi laso laa mbi to nda ti hunda Nzapa ndali ti lo? Mbi gbu li ti mbi kete pepe ti leke tënë na azo na hondengo ni na tere ti mo! Ayeke nzoni gbia azia tënë na li ti mbi, wala na li ti azo ti sewa ti mbi pepe. Mbi hinga ye oko na ya ti tënë so pepe.”

1 Samuel 25:25

Ayeke nzoni babâ ti mbi azia be ti lo pepe na ndö ti Nabal, buba zo so. Biani, a mu na lo iri ni so na legeni. Nda ti iri ni aye ti tene, ‘buba zo’. Nilaa lo yeke sara kua ti buba ni ti hon na ni so. Azo ti kua so babâ ti mbi atokua ala lani so, mbi baa ala pepe.

1 Samuel 26:21

Saul atene: “Mbi sara siokpari awe. Molenge ti mbi David, kiri, mo ga. Mbi yeke kiri ti sara sioni na mo oko pepe, ngbanga ti so na bi so fini ti mbi aga mbeni kota ye na le ti mo. Taa-tënë mbi sara ye tongana zo so mbeni ye ayeke sara li ti lo. Mbi handa tere ti mbi ngangu.”