2 Samuel 19:16 - Mbeti ti Nzapa - Tënë so amu fini

¹⁶ Tongaso gbia amu lege ti kiri na kodro, lo si na yanga ti ngu ti Jourdain. Azo ti Juda asi na Gilgal; ala wara gbia ti mu maboko na lo ti fâ ngu ti Jourdain.

2 Samuel 19:16 ပူးပေါင်းရင်းမြစ်များ

2 Samuel 3:16

Paltiel amu peko ti lo gi na toto ngbii lo si na Bahurim. Na ndo so, Abner atene na lo: “Hon kâ, kiri na ndo ti mo!” Paltiel akiri na ndo ti lo.

1 Agbia 2:8

Mo girisa Shimei pepe, molenge ti Gera, zo ti kete kodro ti Bahurim; lo yeke zo ti mara ti Benjamin. Lani so mbi yeke kpe ti gue na Mahanaim, lo deba mbi sioni sioni. Me na pekoni, lo gue na yanga ti ngu ti Jourdain ti yamba mbi. Mbi deba yanga ti mbi na lo na le ti *KOTA GBIA, mbi tene: ‘Fade mbi yeke fâ lo pepe.’

Mbeti ti Job 2:4

Me Satan akiri tënë na KOTA GBIA: “Ayeke na legeni. Zo kue ayeke mu ye ti kiri ti wara ye na pekoni. Ye so kue zo ayeke na ni, lo yeke mu ni ti soo na fini ti lo.

Matthieu 5:25

“Tongana zo so mo na lo awara tënë amu mo ti gue na mo na ngbanga, so ala ngba na lege ti gue, mo gi lege ti leke tënë ni hio, ngbanga ti lo mu mo na wafango-ngbanga si wafango-ngbanga ni azia mo na maboko ti aturugu titene ala bi mo na da ti kanga.

1 Samuel 10:8

Fade mo yeke gue na Gilgal kozo ti mbi. Mbi yeke gue na peko ti wara mo kâ ti mu na Nzapa *sandaga so a yeke gbi ni kue na wâ nga na sandaga ti beoko. Fade mo yeke ku mbi na ya ti lango mbarambara ngbii mbi ga, mbi wara mo si. Tongana mbi ga, mbi yeke fa na mo ye so mo lingbi ti sara.”