2 Samuel 18:9 - Mbeti ti Nzapa - Tënë so amu fini

⁹ Mo ye ti baa, Absalom atengbi tere na aturugu ti David le na le. Absalom ayeke na ndö ti *pâkârâ. Pâkârâ ni ahon na gbe ti mbeni kota keke so amaboko ni ayeke gbani gbani. Kua ti li ti lo ali na ya ti maboko ti keke ni si pâkârâ ni ahon. Absalom angba gi na le ti nduzu tongaso.

2 Samuel 18:9 ပူးပေါင်းရင်းမြစ်များ

2 Samuel 13:29

Azo ti kua ti Absalom asara na Amnon alingbi gi na tënë so Absalom atene na ala. Amolenge ti gbia ni kue alondo, zo oko oko ako na ndö ti *pâkârâ ti lo si lo kpe.

2 Samuel 14:26

Na ya ti ngu oko oko, lo yeke fâ kua ti li ti lo, ngbanga ti so ayeke ne lo mingi. Tongana a haka kua ti li ni, nengo ni ahon kilo use, alingbi na ye ti hakango na ye ti gbia.

2 Samuel 17:23

So Ahitofel abaa so azo ake ti ma wango ti lo, lo mu lele ti lo, lo ko na ndö ni si lo kiri na gbata ti lo. Lo leke tënë ti aye ti da ti lo, na pekoni, lo kanga kamba na go ti lo si lo kui. A lu lo na ya ti du ti kuâ ti babâ ti lo.

2 Samuel 18:10

Mbeni turugu ti David abaa lo si lo gue, lo tene tënë ni na Yoab, lo tene: “Mbi baa Absalom! Lo yeke na ya ti maboko ti mbeni kota keke na le ti nduzu.”

2 Samuel 18:14

Yoab atene: “Mo yeke buba ngoi ti mbi senge senge!” Yoab amu alikongo ota, lo gue, lo yoro na ya ti kate ti Absalom so angba fade na fini na ya ti keke na le ti nduzu so.

2 Samuel 18:8

Bira amu ya ti sese ni kue; azo so akui na ya ti gbako, wungo ti ala ayeke mingi ahon ala so akui na ya ti bira.

Mbeti ti Job 31:3

Azo ayeke tene: “Ye ti vundu ayeke ndali ti azo ti kirikiri; ye ti ngangu ayeke ndali ti azo ti sarango sioni.”

Amato 20:20

Zo so adeba babâ na mama ti lo, fini ti lo akpa lamba so amingo na bi.

Amato 30:17

Zo so ahe babâ ti lo si lo ke ti ma yanga ti mama ti lo, fade *akpakpo ti tere ti ngu ayeke koro le ti lo si *angoalo ayeke te lo.

Jérémie 48:44

Zo so ayeke kpe na dawa ti kota mbeto, lo yeke ti na ya ti kota du; zo so ayeke londo na ya ti du ni ti sigigi, lo yeke ti na ya ti gbanda. Biani, mbi yeke sara si ye so aga na ndö ti Moab na ngu so mbi yeke ga na tere ti lo; so tënë ti yanga ti KOTA GBIA laa.

Matthieu 27:5

Tongaso Judas atuku nginza ni na ya ti kota da ti Nzapa si lo sigigi, lo gue. Na pekoni, lo kanga kamba na go ti lo si lo fâ tere ti lo.

Marc 7:10

Biani, Moïse atene: ‘Mo ne babâ na mama ti mo!’ Lo kiri lo tene: ‘Zo so atene sioni tënë na tere ti babâ ti lo wala mama ti lo, lo lingbi na kuâ.’

Galasii 3:13

Christ afuta kota ngere ti zi e na gbe ti deba awe. Deba so Ndia aga na ni na li ti e, lo yo deba ni na li ti lo wani ndali ti e. Biani, Mbeti ti Nzapa atene: “Zo so a kanga lo na nduzu na ndö ti keke, deba ayeke na li ti lo.”

Ndia ti fani use ni 21:23

Tongana ye ni ayeke tongaso, alingbi kuâ ti lo angba na ya ti keke ni na bi ngbii asi na ndaperere pepe. Alingbi ala lu kuâ ni gi na oko lango ni so, ngbanga ti so kuâ ti zo so a kanga ni na ya ti keke, ayeke sara si deba ti Nzapa aga na ndö ti azo. Fade ala yeke sara si kodro so KOTA GBIA Nzapa ti ala amu na ala aga *sioni pepe.

Ndia ti fani use ni 27:16

‘Deba aga na ndö ti zo so abaa babâ na mama ti lo tongana ambumbuse zo!’ Fade azo kue ayeke kiri tënë, atene: ‘Amen!’

Ndia ti fani use ni 27:20

‘Deba aga na ndö ti zo so alango na wali ti babâ ti lo; so bingo buba na tere ti babâ ti lo laa.’ Fade azo kue ayeke kiri tënë, atene: ‘Amen!’