2 Samuel 18:5 - Mbeti ti Nzapa - Tënë so amu fini

⁵ Gbia amu yanga na Yoab, na Abishai nga na Itai, atene: “Ndali ti mbi, ala sara ye ti ngangu pepe na maseka-koli Absalom!” Aturugu kue ama tënë so gbia atene na amakonzi ndali ti Absalom so.

2 Samuel 18:5 ပူးပေါင်းရင်းမြစ်များ

2 Samuel 16:11

David atene na Abishai nga na azo ti yangbo ti lo kue, atene: “So molenge ti mbi so asigigi na ya ti mbi aye ti fâ mbi so, fade zo ti mara ti Benjamin so asara ye tongaso pepe? Ala zia lo, lo deba mbi tongana KOTA GBIA laa amu yanga na lo.

2 Samuel 17:14

Absalom na azo ti Israel kue atene: “Wango so Hushai, zo ti mara ti Arki amu so ayeke nzoni mingi ahon wango ti Ahitofel.” Andaa *KOTA GBIA aye ti buba ya ti nzoni wango so Ahitofel amu si fade Absalom awara kpale.

2 Samuel 18:12

Me turugu ni akiri tënë na Yoab: “Ataa mo mu na mbi le ti nginza saki oko, mbi lingbi ti sara sioni na molenge ti gbia pepe. Gbia amu lani yanga na mo, na Abishai nga na Itai, atene: ‘Ala sara hange si ala ndu maseka-koli Absalom pepe!’ E kue, e ma lani tënë ni.

2 Samuel 19:1

Na mango tënë so, mawa ahon ndö ti gbia David. Lo gue na ya ti kubu so ayeke na ndö ti gbagba ti gbata ni si lo yeke toto. Lo yeke tambula si lo yeke tene: “Absalom, molenge ti mbi-oo! Absalom, molenge ti mbi-oo! Mbi laa mbi kui fade na plase ti mo, ka ayeke nzoni! Oo, Absalom molenge ti mbi, molenge ti mbi!”

Abia (Psaumes) 103:13

Tongana ti so babâ aye amolenge ti lo mingi, KOTA GBIA aye mingi azo so akpe mbeto ti lo legeoko tongaso.

Nzoni Tënë so Luc asu na mbeti 23:34

Jésus atene: “Babâ, zi tënë na li ti ala, ngbanga ti so ala hinga ye so ala yeke sara pepe.” Ala bi *dee titene ala kangbi ya ti bongo ti lo na popo ti ala.