2 Samuel 18:4 - Mbeti ti Nzapa - Tënë so amu fini

⁴ Gbia atene na ala: “Fade mbi yeke sara gi ye so anzere na be ti ala.” Tongaso gbia aluti na yanga ti gbata ni si aturugu ayeke sigigi molongo na molongo: ala so wungo ti ala ngbangbo oko, na ala so wungo ti ala saki oko.

2 Samuel 18:4 ပူးပေါင်းရင်းမြစ်များ

2 Samuel 18:1

David adiko wungo ti aturugu ti lo, lo zia amakonzi na ndö ti aturugu saki oko, amakonzi na ndö ti aturugu ngbangbo oko.

2 Samuel 18:24

Andaa David ayeke duti na popo ti ayanga ti gbagba use. Mbeni sanziri ayeke na ndö ti gbagba ti gbata ni, na ndo so a leke titene azo aduti daa. Lo yo le ti lo na nduzu si lo baa mbeni koli ayeke ga na loro gi lo oko.

2 Samuel 18:5

Gbia amu yanga na Yoab, na Abishai nga na Itai, atene: “Ndali ti mbi, ala sara ye ti ngangu pepe na maseka-koli Absalom!” Aturugu kue ama tënë so gbia atene na amakonzi ndali ti Absalom so.

Ésaïe 28:6

Lo yeke mu yingo ti mbirimbiri na awafango-ngbanga; lo yeke mu ngangu na azo so ayeke tumba awato so ayeke na yanga ti gbata ni.

1 Samuel 29:2

Agbia ti azo ti Filistii ayeke tambula na dawa ti aturugu ngbangbo oko wala saki oko, na molongo na molongo. David na azo ti lo ayeke tambula ti ala na peko, ala na gbia Akish.