2 Samuel 18:32 - Mbeti ti Nzapa - Tënë so amu fini

³² Gbia ahunda zo ti Etiopii ni: “Maseka-koli Absalom ayeke senge?” Zo ti Etiopii ni akiri tënë: “Gbia, ye so asi na maseka-koli so, ayeke nzoni ye ni asi na awato ti mo nga na azo so kue alondo na tere ti mo ti sara sioni na mo so!”

2 Samuel 18:32 ပူးပေါင်းရင်းမြစ်များ

2 Samuel 18:21

Na pekoni, Yoab atene na mbeni zo ti Etiopii so ayeke ngbaa, lo tene: “Gue mo tene peko ti ye so kue mo baa so na gbia.” Zo ti Etiopii ni akuku, akpo li ti lo na sese na dawa ti Yoab. Na pekoni, lo hon na loro.

2 Samuel 18:29

Gbia ahunda ndo: “Maseka-koli Absalom ayeke senge?” Ahimaas akiri tënë: “Na ndembe so Yoab atokua mbi, mbi na mbeni zo ti gbe ti mo, mbi baa azo ayeke sara wuluwulu mingi mingi, mbi hinga ye so asi pepe.”

Abia (Psaumes) 109:20

Andaa aye so kue so, KOTA GBIA ayeke kiri na ni na li ti azo ti bingo tënë na li ti mbi nga na ala so ayeke tene sioni tënë ti mbi.

Daniel 4:16

Na ya ti mbeni kete ngoi, mbeto asara Daniel mingi, lo so mbeni iri ti lo ayeke Beltasar so; gbungo-li ti lo ague kirikiri. Tongaso gbia atene na lo, atene: “Gbungo-li ti mo ague kirikiri ndali ti bango-li ni pepe, wala ndali ti nda bango-li ni pepe.” Beltasar akiri tënë: “Gbia, mbi ye fade titene bango-li ni na nda ti bango-li ni aduti ti mo pepe, me aduti ti awato ti mo na ala so ake mo!

Daniel 4:19

Gbia, keke so ayeke mo, ngbanga ti so mo ga kota si mo ga ngangu; kota ti mo ni ague ngbii akpo le ti nduzu si ngangu ti mo ti sara komandema asi na nda ti sese kue.

Awafango-ngbanga 5:31

KOTA GBIA, ayeke nzoni awato ti mo kue akui tongana ti so Sisra akui. Ayeke nzoni ala so aye mo aga tongana lâ so ato nda ti su na ngangu!” Tongaso siriri akiri na ya ti kodro ni na ya ti ngu baleosio.

1 Samuel 25:26

*KOTA GBIA ayeke na fini! Mo nga, mo yeke na fini! KOTA GBIA laa akanga lege na mo, babâ ti mbi titene mo ga, mo tuku mene ti azo pepe si mo fâ nga ngbanga ti mo, mo wani pepe. Ayeke nzoni ye so asi na Nabal asi na awato ti mo, ala so ayeke gi lege ti fâ mo so.