2 Samuel 18:3 - Mbeti ti Nzapa - Tënë so amu fini

³ Me aturugu ni akiri tënë: “Mo yeke gue pepe! Biani, tongana e kpe, ayeke mbeni kota ye pepe. Ataa a fâ ndambo ti aturugu ti e, ayeke nga mbeni kota ye pepe. Ti mo, mo lingbi na aturugu saki baleoko tongana e so. Nilaa ayeke nzoni mo ngba ti mo na ya ti gbata si mo lingbi ti mu na e maboko.”

2 Samuel 18:3 ပူးပေါင်းရင်းမြစ်များ

2 Samuel 10:11

Yoab atene: “Tongana azo ti Sirii ahon ndö ti mbi, fade mo yeke ga ti mu maboko na mbi. Me tongana azo ti Amon laa ahon ndö ti mo, fade mbi yeke ga ti mu maboko na mo.

2 Samuel 17:2

Mbi yeke wara lo na ndembe so lo woko si be ti lo awoko awe. Mbi yeke bi kota mbeto na be ti lo si azo so kue ayeke na tere ti lo ayeke kpe; mbi yeke fâ gi lo oko.

2 Samuel 21:17

Me Abishai, so iri ti mama ti lo ayeke Seruya aga amu maboko na David si lo fâ zo ti Filistii ni. Nilaa aturugu ahunda na David ti deba yanga ti lo, atene: “Fade mo yeke kiri ti gue na bira na e pepe, tongaso pepe, gbia ayeke duti na Israel mbeni pepe.”

1 Agbia 22:31

Andaa gbia ti Sirii amu yanga na amakonzi ti azo ti kpengo na apusu ti ambarata ti lo so wungo ti ala ayeke baleota na use, lo tene: “Ala ti na ndö ti asenge turugu wala na ndö ti aturugu ti kota kamba pepe; me ala ti gi na ndö ti gbia ti Israel.”

Abia ti demango tere 4:20

Lo so KOTA GBIA asoro lo ti zia lo gbia so, lo so fini ti e ayeke na maboko ti lo si e tene tënë ti lo, e tene: “Tongana e wara ndo na popo ti awande, fade lo laa lo yeke bata e.” Baa, awato agbu lo, abi lo na du ti kanga ti ala.

Zakarii 13:7

So tënë ti yanga ti *KOTA GBIA so ayeke na ndö ti dunia kue laa: “Yongoro zeme, londo mo gue na tere ti wabatango-taba ti mbi nga na tere ti mba ti mbi so ayeke mu maboko na mbi! Fâ wabatango-taba ni si ataba ni akangbi kirikiri, mbi yeke kiri ti pika akete taba ni.”

1 Samuel 18:7

Awali ni abongbi yanga oko, ala yeke na ngia si ala yeke he bia, atene: “Saul afâ azo saki saki, David afâ ti lo azo saki baleoko, saki baleoko.”