2 Samuel 18:28 - Mbeti ti Nzapa - Tënë so amu fini

²⁸ Ahimaas adekongo si atene na gbia: “Ye kue ayeke nzoni!” Lo kuku, lo kpo li ti lo na sese na dawa ti gbia si lo tene: “Mbi mu singila na KOTA GBIA, Nzapa ti mo. Azo so lani atomboka na tere ti mo so, lo sara si ala ti na gbe ti mo awe, gbia ti mbi.”

2 Samuel 18:28 ပူးပေါင်းရင်းမြစ်များ

Tongo nda ti aye 14:20

E gonda Nzapa so ayeke na yayu kâ na ndö ti aye kue, lo so lo sara titene awato ti mo ati na maboko ti mo so.” Abram amu na lo *dime ti aye so kue lo yeke na ni.

Tongo nda ti aye 24:27

lo tene: “Mbi mu singila na KOTA GBIA, Nzapa ti wa ti mbi Abraham, ndali ti so lo zia wa ti mbi pepe, lo ngba lakue ti sara nzoni, ti bata tënë ti lo na wa ti mbi. KOTA GBIA afa lege na mbi ngbii, mbi si na da ti a-ita ti wa ti mbi.”

2 Samuel 1:2

Na ota lango ni, mbeni koli alondo na ya ti bâbâ ti Saul asi. Bongo ti lo asuru surungo, ya ti li ti lo kue gi na sese ti fa vundu ti be ti lo. So lo si nduru na David awe, lo kuku, lo kpo li ti lo na sese.

2 Samuel 14:4

Wali ti Tekoa ni ague, atene tënë na gbia. Lo kuku, lo kpo li ti lo na sese si lo tene: “Gbia, soo mbi maa!”

2 Samuel 22:27

Zo so ayeke na vuru be, mo yeke sara na lo na vuru be; me zo so ayeke na sioni be, mo yeke na kode ti sara sioni na lo.

2 Mbai 20:26

Na lango osio ni, ala bongbi tere ti ala na popo-hoto ti Beraka titene ala mu singila na KOTA GBIA. Ndani laa azo angba ti iri ndo ni so Beraka ngbii asi laso.

Abia (Psaumes) 115:1

*KOTA GBIA, e pepe; e laa e lingbi na gonda pepe, me gonda ni alingbi na mo, ndali ti nzoni be ti mo nga ndali ti batango tënë ti yanga ti mo so mo yeke bata.

Abia (Psaumes) 124:6

E mu singila na KOTA GBIA so asara si e ga kobe ti tengo ti azo ni so pepe!

Abia (Psaumes) 31:8

Mbi yeke dodo na ngia, tere ti mbi anzere ndali ti nzoni be ti mo. Biani mo baa mawa ti mbi, mo hinga ye ti ngangu so asi na mbi.

Sigingo 18:10

Zetro atene: “Singila na KOTA GBIA so azi ala na maboko ti azo ti Ezipte nga na maboko ti Faraon so. Singila na lo so lo zi azo ni na gbe ti azo ti Ezipte so!

1 Samuel 17:46

Laso, fade KOTA GBIA ayeke zia mo na maboko ti mbi; mbi yeke fâ mo, mbi yeke fâ li ti mo. Gi laso, fade mbi yeke mu kuâ ti aturugu ti Filistii na andeke ti nduzu nga na anyama ti ngonda titene ala te ni. Tongaso, fade azo ti dunia kue ahinga atene Nzapa ayeke na Israel.

1 Samuel 24:18

Lo tene na David: “Mo yeke mbirimbiri ahon mbi, ngbanga ti so mo sara nzoni na mbi, me mbi, mbi sara sioni na mo.

1 Samuel 25:23

So Abigail abaa David awe, lo londo na ndö ti lele ni, lo zu hio na sese, lo kuku, lo kpo li ti lo na sese na dawa ti David.

1 Samuel 26:8

Abishai atene na David: “Laso Nzapa azia wato ti mo na maboko ti mo awe. Tongana mo ye mbi kpo lo na likongo, mbi pete lo na sese. Mbi ye ti kpo lo gi fani oko awe.”